Viral Video: ଏମିତି ହୋଇଥିଲା କରିସ୍ମାଙ୍କ ବିବାହ; ଭିଡିଓ ଦେଖି ଆଶ୍ଚର୍ଯ୍ୟ ହେବେ

ବି-ଟାଉନରେ ଯେ କୌଣସି ସେଲିବ୍ରିଟିଙ୍କ ବିବାହ ହେଉ କି କୌଣସି ଫଙ୍କ୍‌ସନ୍ ହେଉ, ପ୍ରାୟ ସବୁ କଳାକାର ଏଥିରେ ଭାଗ ନେବାକୁ ଆସନ୍ତି। ସେହିଭଳି, ଯେତେବେଳେ କରିସ୍ମା କପୁର ୨୦୦୩ ରେ ବିବାହ କରିଥିଲେ, ସେତେବେଳେ ମଧ୍ୟ ବଡ ବଡ କଳାକାରମାନେ ଅଂଶଗ୍ରହଣ କରିଥିଲେ ଏବଂ ତାଙ୍କ ବିବାହରେ ମୌଜ କରିଥିଲେ।

ସେତେବେଳେ ସୋସିଆଲ୍ ମିଡିଆ ସାଧାରଣ ଲୋକଙ୍କ ପାଖରେ ପହଞ୍ଚିପାରି ନଥିଲା। ଏନେଇ କରିସ୍ମାଙ୍କ ବିବାହର ଦୃଶ୍ୟ କେବଳ ବଡ ବଡିଆଙ୍କ ପାଖରେ ରହିଯାଇଥିଲା। ବର୍ତ୍ତମାନ କରିସ୍ମା କପୁରଙ୍କ ବିବାହର ଭିଡିଓ ଦିନକୁ ଦିନ ଭାଇରାଲ ହେବାରେ ଲାଗିଛି ଏବଂ ବିବାହରେ ଯୋଗଦେଇଥିବା ବଲିଉଡ୍‌ ତାରକାମାନେ ଏଥିରେ ଦେଖାଯାଉଛନ୍ତି। ଗୋଟିଏ ପଟେ ଶ୍ରୀଦେବୀ ତାଙ୍କ ହାତରେ ମେହେନ୍ଦୀ ଲଗେଇ ଦେଉଥିବା ବେଳେ ତବୁ ଆନନ୍ଦରେ ଡେଇଁପଡୁଥିବାର ନଜର ଆସିଛନ୍ତି।

ଅଧିକ ପଢ଼ନ୍ତୁ: ଦମଦାର ସହ ଫେରିଛନ୍ତି କପିଲ ଶର୍ମା; ଜମୁଛି 'ଦି ଗ୍ରେଟ୍ ଇଣ୍ଡିଆନ୍ କପିଲ୍ ଶୋ'

ତେବେ ଆସନ୍ତୁ କରିସ୍ମା କପୁରଙ୍କ ବିବାହର ଏହି ପୁରୁଣା ଭିଡିଓ ଦେଖିବା, ଯେଉଁଥିରେ ଆପଣ ଆପଣଙ୍କର ପ୍ରିୟ ଅଭିନେତାମାନଙ୍କୁ ଦେଖି ଆଶ୍ଚର୍ଯ୍ୟ ହୋଇଯିବେ। କାରଣ ସେତେବେଳେ ସେମାନେ ବହୁତ ଭିନ୍ନ ଦେଖାଯାଉଥିଲେ।

କରିସ୍ମା କପୁର ଏବଂ ସଞ୍ଜୟ କପୁରଙ୍କ ବିବାହର ଏକ ଭିଡିଓ ଇନ୍‌ଷ୍ଟାଗ୍ରାମ୍‌ରେ editss_and_more ନାମକ ଏକ ପେଜ୍‌ରେ ଶେୟାର କରାଯାଇଛି। ଏହି ଭିଡିଓରେ ଆପଣ ପ୍ରଥମେ ଦେଖିପାରିବେ ଯେ କରିସ୍ମା କପୁର କିପରି ଅକ୍ଷୟ କୁମାରଙ୍କୁ ଆଲିଙ୍ଗନ କରୁଛନ୍ତି। ଏହି ସମୟରେ ତାଙ୍କ ପତ୍ନୀ ଟ୍ୱିଙ୍କଲ୍‌ ଖାନ୍ନା ମଧ୍ୟ ତାଙ୍କ ସହ ଅଛନ୍ତି।

ଏହା ପରେ ଭେଟେରାନ ଅଭିନେତା ଅମ୍ରିଶ ପୁରୀ ମଧ୍ୟ ତାଙ୍କ ବିବାହ ଉତ୍ସବରେ ଯୋଗ ଦେଇଥିଲେ। ସମସ୍ତେ ଗୋବିନ୍ଦାଙ୍କ ଷ୍ଟାଇଲ୍‌କୁ ବହୁତ ପସନ୍ଦ କରିଥିଲେ ଏବଂ କରିସ୍ମାଙ୍କ ବିବାହରେ ସେ ସଲମାନ ଖାନଙ୍କୁ ଆଲିଙ୍ଗନ କରୁଥିବା ଦେଖିବାକୁ ମିଳେ।

ଏହା ବ୍ୟତୀତ ଜ୍ୟାକି ଶ୍ରଫ୍‌ ମଧ୍ୟ କରିସ୍ମାଙ୍କ ବିବାହ ଉତ୍ସବରେ ଯୋଗ ଦେଇଥିଲେ। କିନ୍ତୁ ଦେଖାଯାଏ ଯେ କରିସ୍ମାଙ୍କ ବିବାହରେ ତବୁଙ୍କ ଖୁସିର କୌଣସି ସୀମା ନଥିଲା। ସେ ବହୁତ ଖୁସି ଦେଖାଯାଉଥିଲେ ଏବଂ କରିସ୍ମା କପୁରଙ୍କୁ ସ୍ନେହରେ ଆଲିଙ୍ଗନ କରିଥିଲେ। ଏହା ବ୍ୟତୀତ କୁନି ଜାହ୍ନଭୀ କପୁର ମଧ୍ୟ ଏହି ଭିଡିଓରେ ନଜର ଆସିଛନ୍ତି।

View this post on Instagram

A post shared by 𝘼𝙡𝙡 𝙚𝙙𝙞𝙩𝙨 𝙛𝙤𝙧 𝙮𝙤𝙪🖤🤌 (@editss_and_more)

ଏହି ସମୟରେ, ତାଙ୍କ ମା’ ଅର୍ଥାତ୍ କିମ୍ବଦନ୍ତୀ ଅଭିନେତ୍ରୀ ଶ୍ରୀଦେବୀ ମଧ୍ୟ ତାଙ୍କ ହାତରେ ମେହେନ୍ଦୀ ଲଗାଉଥିବା ନଜର ଆସନ୍ତି। ଏହି ଭିଡିଓରେ ଅରବାଜ ଖାନ, ସୋହେଲ ଖାନ, ବିବେକ ଓବରାୟ ଏବଂ ଶତ୍ରଘ୍ନ ସିହ୍ନା ଭଳି ଅଭିନେତାମାନେ ମଧ୍ୟ ଅଛନ୍ତି।

ତେବେ ଏହି ବିବାହରେ ଏହିପରି ଦୁଇଜଣ ସେଲିବ୍ରିଟି ମଧ୍ୟ ନଜର ଆସନ୍ତି, ଯାହାଙ୍କୁ ଦେଖି ଆପଣଙ୍କ ହୋସ୍ ଉଡ଼ିଯିବ। ବର୍ତ୍ତମାନ ଆମେ ଅରବାଜ୍ ଖାନ୍ ଏବଂ ମଲାଇକା ଅରୋରାଙ୍କ ବିଷୟରେ କହୁଛୁ, ଯାହାକୁ ଚିହ୍ନିବା ପାଇଁ କଷ୍ଟଦାୟକ ହେବ।

କରିସ୍ମା କପୁର ଏବଂ ସଞ୍ଜୟ କପୁରଙ୍କ ବିବାହର ଏହି ଭିଡିଓ ସୋସିଆଲ ମିଡିଆରେ ଦିନକୁ ଦିନ ଭାଇରାଲ୍‌ ହେବାରେ ଲାଗିଛି। ତେବେ କରିସ୍ମା କପୁର ୨୦୦୩ରେ ଦିଲ୍ଲୀର ବଡ ବ୍ୟବସାୟୀ ସଞ୍ଜୟ କପୁରଙ୍କୁ ବିବାହ କରିଥିଲେ, ଯାହାଙ୍କ ଠାରୁ ତାଙ୍କର ଦୁଇଟି ସନ୍ତାନ ସମୟରା ଏବଂ କିୟାନ ଅଛନ୍ତି।

କିନ୍ତୁ ୧୩ ବର୍ଷର ବୈବାହୀକ ସଂପର୍କ ପରେ କରିସ୍ମା ଏବଂ ସଞ୍ଜୟ ଛାଡପତ୍ର ହୋଇଥିଲେ, ଏହି ସମୟରେ କରିସ୍ମା ସଞ୍ଜୟଙ୍କ ବିରୋଧରେ ଗୁରୁତର ଅଭିଯୋଗ ମଧ୍ୟ କରିଥିଲେ। ଆଜି କରିସ୍ମା କପୁର ନିଜ ପିଲାମାନଙ୍କ ସହ ଜୀବନ ବିତାଉଛନ୍ତି ଏବଂ ସଞ୍ଜୟ କପୁର ଦ୍ୱିତୀୟ ଥର ପାଇଁ ପ୍ରିୟା ସଚ୍ଚଦେବଙ୍କୁ ବିବାହ କରିଛନ୍ତି।