Kannappa Trailer: ଆସିଲା ସାଉଥ୍ ସିନେମାର ମଲ୍ଟିଷ୍ଟାରର ଫିଲ୍ମ ‘କନ୍ନପ୍ପା’ର ଟ୍ରେଲର୍; ୨୦୨୫ ର ସମସ୍ତ ରେକର୍ଡ ଭାଙ୍ଗିବ ଫିଲ୍ମ

ସାଉଥ୍ ସିନେମାର ବହୁ ଚର୍ଚ୍ଚିତ ମଲ୍ଟିଷ୍ଟାରର ଫିଲ୍ମ ‘କନ୍ନପ୍ପା’ ଖୁବ୍ ଶୀଘ୍ର ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି। କନ୍ନପାର ଟିଜର ପରେ ଏବେ ଫିଲ୍ମର ଟ୍ରେଲର୍‌ ମଧ୍ୟ ମୁକ୍ତିଲାଭ କରିଛି। ଏଥିରେ ପ୍ରଭାସ, ମୋହନଲାଲ ଏବଂ ଅକ୍ଷୟ କୁମାରଙ୍କ ଭଳି ବଡ଼ ବଡ଼ ଅଭିନେତା ନଜର ଆସିଛନ୍ତି।

ଏହାର ଟ୍ରେଲରରୁ ଅନୁମାନ କରାଯାଉଛି ଯେ ଏହି ଫିଲ୍ମଟି ବକ୍ସ ଅଫିସରେ ବ୍ଲକବଷ୍ଟର ହେବାକୁ ଯାଉଛି। ଆସନ୍ତୁ ଦେଖିବା ଫିଲ୍ମର ଟ୍ରେଲର।

ଦୁଇ ମିନିଟ୍ ୫୪ ସେକେଣ୍ଡର ଏହି ଟ୍ରେଲରଟି ଏକ ପିଲା ଅର୍ଥାତ୍ 'କନ୍ନପ୍ପା' ସହିତ ଆରମ୍ଭ ହୁଏ, ଯିଏ କହୁଛି ଯେ ଈଶ୍ୱର ନାହାନ୍ତି ଏବଂ ସେ ନିଜେ ତାଙ୍କ ସମ୍ପ୍ରଦାୟର ଲୋକଙ୍କୁ ରକ୍ଷା କରିବାର ଦାୟିତ୍ୱ ନିଏ।

ଅଧିକ ପଢ଼ନ୍ତୁ: ରିଲିଜ୍‌ ହେଲା 'କନ୍ନପ୍ପା'ର ଟିଜର; ଦେଖିବାକୁ ମିଳିଲା ଦମଦାର ଫାଇଟ୍ ସିକ୍ୱେନ୍ସ

ଏହା ପରେ, ବଲିଉଡ୍ ଅଭିନେତା ଅକ୍ଷୟ କୁମାରଙ୍କୁ ଦେଖିବାକୁ ମିଳେ, ଯିଏ ଭଗବାନ ଶିବଙ୍କ ରୂପରେ ଦେଖାଯାଇଛନ୍ତି। ଫିଲ୍ମର କାହାଣୀ ଶିବ ଭକ୍ତମାନଙ୍କ କାହାଣୀ, ଯେଉଁଥିରେ କନ୍ନପ୍ପା ସବୁଠାରୁ ବଡ଼ ନାସ୍ତିକରୁ ଶିବଙ୍କ ଜଣେ ମହାନ ଭକ୍ତ ହେବାର କାହାଣୀ ଦେଖିବାକୁ ମିଳିବ।

ଫିଲ୍ମର ଟ୍ରେଲରରେ ପ୍ରଭାସ 'ରୁଦ୍ର' ଭୂମିକାରେ ଅଭିନୟ କରିଛନ୍ତି, ଯିଏ 'କନ୍ନପ୍ପା'ଙ୍କୁ ଶିବ ଭକ୍ତ ହେବାର ପଥ ଦେଖାଉଛନ୍ତି। ଏହା ବ୍ୟତୀତ ମୋହନଲାଲଙ୍କ ସ୍କ୍ରିନ୍ ପ୍ରେଜେନ୍ସ ମଧ୍ୟ ବହୁତ ଭଲ ଦେଖାଯାଉଛି। ଏବେ ପ୍ରଶଂସକମାନେ ଏହି ଫିଲ୍ମ ପାଇଁ ଉତ୍ସାହର ସହିତ ଅପେକ୍ଷା କରିଛନ୍ତି।

ବିଷ୍ଣୁ ମାଞ୍ଚୁଙ୍କ ବହୁ ପ୍ରତୀକ୍ଷିତ ଏହ୍ ଫିଲ୍ମ ୨୭ ଜୁନ ୨୦୨୫ରେ ପ୍ରେକ୍ଷାଳୟକୁ ଆସିବ। ଏହି ଚଳଚ୍ଚିତ୍ରରେ ବିଷ୍ଣୁ ମାଞ୍ଚୁ, ମୋହନ ବାବୁ, ପ୍ରଭାସ, ମୋହନଲାଲ, ଅକ୍ଷୟ କୁମାର, ଶରତ କୁମାର, କାଜଲ ଅଗ୍ରୱାଲ, ଅର୍ପିତ ରାଙ୍କା, ବ୍ରହ୍ମାନନ୍ଦମ, ସପ୍ତଗିରି, ମୁକେଶ ଋଷି, ମଧୁବାଲା, ଐଶ୍ୱର୍ଯ୍ୟା ଭାସ୍କରମ୍, ବ୍ରହ୍ମାଜୀ, ଦେବରାଜ, ରଘୁ ବାବୁ, ଶିବ ବାଲାଜୀଙ୍କ ଭଳି କଳାକାର ଅଛନ୍ତି। କୁହାଯାଉଛି ଯେ ଏହି ଫିଲ୍ମରେ ମୋଟ ୨୭ ଜଣ ଅଭିନେତା ନଜର ଆସିବେ। ଫିଲ୍ମଟି ୨୦୨୫ ର ସମସ୍ତ ରେକର୍ଡ ଭାଙ୍ଗିବ ବୋଲି ଆଶା କରାଯାଉଛି।

ଅଧିକ ପଢ଼ନ୍ତୁ: ଇଣ୍ଟର୍‌ନେଟ୍‌ରେ ହଇଚଇ ସୃଷ୍ଟିକରୁଛି ‘ସିକନ୍ଦର’ର ଟିଜର; ସଲମାନଙ୍କ ଡାଏଲଗ ଲଗଉଛି ନିଆଁ