ରୋମାନ୍ସ ଝରକା ବାହାରେ ଥାଏ, ବିବାହ ପରେ ଏସବୁ ପଳେଇଯାଏ: ଜୟା ବଚ୍ଚନ

ଅମିତାଭ ବଚ୍ଚନ ଏବଂ ଜୟା ବଚ୍ଚନଙ୍କ ନାତୁଣୀ ନଭ୍ୟା ନଭେଲି ନନ୍ଦା ତାଙ୍କ ପୋଡ୍‌କାଷ୍ଟ 'ହ୍ୱାଟ୍ସ ଦ ହେଲ୍ ନଭ୍ୟା'କୁ ଫେରିଛନ୍ତି। ଏହି ପୋଡ୍‌କାଷ୍ଟର ଦ୍ୱିତୀୟ ସିଜନ୍ ଫେବୃଆରୀ ୧ ରୁ ଆରମ୍ଭ ହେବ, ଯାହାର ଭିଡିଓ ନଭ୍ୟାଙ୍କ ୟୁଟ୍ୟୁବ୍ ଚ୍ୟାନେଲରେ ରିଜିଲ୍ ହେବ।

ପୋଡ୍‌କାଷ୍ଟର ଦ୍ୱିତୀୟ ସିଜିନର ଟିଜର ମୁକ୍ତିଲାଭ କରିଛି ​​ଯେଉଁଥିରେ ନଭ୍ୟା ତାଙ୍କ ମା’ ଶ୍ୱେତା ବଚ୍ଚନ ଏବଂ ଜେଜେମା ଜୟା ବଚ୍ଚନଙ୍କ ସହ ନଜର ଆସିଛନ୍ତି। ପ୍ରୋମୋରେ ଜୟା ବଚ୍ଚନଙ୍କ ଏକ ବିବୃତ୍ତି ବର୍ତ୍ତମାନ ଚର୍ଚ୍ଚାରେ ଅଛି। ଏକ ପ୍ରଶ୍ନର ଉତ୍ତର ଦେଇ ଜୟା କହିଛନ୍ତି ଯେ ବିବାହ ପରେ ରୋମାନ୍ସ ଶେଷ ହୋଇଯାଏ।

ଅଧିକ ପଢ଼ନ୍ତୁ: ଏହି ପାର୍ଟିରେ ଯୋଗଦେବେ ଅଭିଷେକ ବଚ୍ଚନ; ୨୦୨୪ ନିର୍ବାଚନ ଲଢିବେ!

ଭିଡିଓରେ ନଭ୍ୟା ଜୟାଙ୍କୁ କହିଛନ୍ତି, “ଆପଣ ଜାଣନ୍ତି ଜୟା-ଇଙ୍ଗ୍‌ ନାମକ ଏକ ଶବ୍ଦ ଅଛି।”

ପ୍ରୋମୋରେ ଜୟା ନାଭ୍ୟାଙ୍କୁ କହିଛନ୍ତି, “ତୁମେମାନେ ସବୁ ବହୁତ ଗାଳି ଦେଇ କଥା ହେଉଛ।” ଏହି ସମୟରେ ସେ ବିବାହ ପରେ ରୋମାନ୍ସ ବିଷୟରେ ଖୋଲାଖୋଲି ଭାବେ କହିଥିଲେ ଏବଂ କହିଥିଲେ, “ରୋମାନ୍ସ ଝରକା ବାହାରେ। ବିବାହ ପରେ ଏସବୁ ପଳେଇଯାଏ।” ଶୋ’ର ଅଫିସିଆଲ୍ ଇନଷ୍ଟାଗ୍ରାମ ହ୍ୟାଣ୍ଡେଲରେ ଏହି ଟିଜର ଶେୟାର କରାଯାଇଛି।

ପ୍ରୋମୋରେ ନାଭ୍ୟା ଦାବି କରିଛନ୍ତି ଯେ ତାଙ୍କ ମା’ଙ୍କ ପାଖରେ ସେନ୍ସ ଅଫ୍ ହ୍ୟୁମର୍‌ ଅଛି। ଏହାର ଉତ୍ତରରେ, ଶ୍ୱେତା କହିଛନ୍ତି, “ନା, ମୋ ପାଖରେ ଜମା ବି ସେନ୍ସ ଅଫ୍ ହ୍ୟୁମର୍‌ ନାହିଁ।” ଏହି ସମୟରେ ଜୟା ନଭ୍ୟାଙ୍କୁ ଏହି ପୋଡ୍‌କାଷ୍ଟର ନାଁ ବିଷୟରେ ପଚାରିଛନ୍ତି, ସେ କାହିଁକି ଶୋ’ର ନାଁ 'ହ୍ୱାଟ୍ସ ଦ ହେଲ୍ ନଭ୍ୟା' ରଖିଲେ? ଜୟା ବଚ୍ଚନ ନଭ୍ୟାଙ୍କୁ ଏକ ପରାମର୍ଶ ଦେଇ କହିଥିଲେ ଯେ ସେ ଏହାର ନାମ ‘ହାଓ ସ୍ୱିଟ୍ ନଭ୍ୟା’ ରଖିବାର ଥିଲା।

View this post on Instagram

A post shared by What The Hell Navya (@wthn_official)

ପୋଡ୍‌କାଷ୍ଟର ପ୍ରୋମୋରେ ଏକ ମଜାଦାର କ୍ୟାପ୍‌ସନ୍ ମଧ୍ୟ ଦେଖିବାକୁ ମିଳେ। କ୍ୟାପ୍‌ସନ୍‌ରେ ଲେଖାଯାଇଛି, “ଆମର ସବୁଠାରୁ ପସନ୍ଦର ମହିଳାମାନଙ୍କ ମଧ୍ୟରୁ ୩ ଜଣ ଫେରିଛନ୍ତି! ଏଥର ଆମର କଥାବାର୍ତ୍ତା ଜୀବନ୍ତ ହୋଇଗଲା, ଯାହା ଆପଣଙ୍କୁ ଅନୁପଯୁକ୍ତ ଆଲୋଚନାର ଏକ ଅଂଶ ହେବାକୁ ଆମନ୍ତ୍ରଣ କରୁଛି। ଅନେକ ହସ ସହିତ, ଏହି ପୋଡକାଷ୍ଟର ନୂଆ ସିଜନ୍ ପ୍ରତି ଫେବୃଆରୀ ୧ ରୁ ନଭ୍ୟା ନନ୍ଦାର ୟୁଟ୍ୟୁବ୍ ଚ୍ୟାନେଲରେ ଦେଖିବାକୁ ମିଳିବ।”

ଅଧିକ ପଢ଼ନ୍ତୁ: ଖାଲି ରେଖା ନୁହେଁ, ଆହୁରି ତିନି ହିରୋଇନ୍‌ଙ୍କ ପ୍ରେମରେ ଉବୁଟୁବୁ ଥିଲେ ଅମିତାଭ ବଚ୍ଚନ