LIVE TV
ଆଜି ଧର୍ମେନ୍ଦ୍ର-ହେମାମାଳିନୀଙ୍କ ବିବାହ ବାର୍ଷିକୀ। ନିଜର ମ୍ୟାରେଜ୍ ଆନିଭର୍ସାରି ଅବସରରେ ଭାବପ୍ରବଣ ମେସେଜ୍ ସେୟାର କଲେ ଡ୍ରିମଗାର୍ଲ। ଅଭିନେତ୍ରୀ ତଥା ରାଜନେତ୍ରୀ ହେମାମାଳିନୀ ଆଜିର ଦିନକୁ ମନେପକାଇ ଏକ ଫଟୋ ସେୟାର କରିଛନ୍ତି। ଯେଉଁଥିରେ ତାଙ୍କ ସହିତ ସ୍ୱାମୀ ଧର୍ମେନ୍ଦ୍ର ଅଛନ୍ତି। ଏହି ଫଟୋ ସେୟାର କରି ସେ ଭାବପ୍ରବଣ ହୋଇପଡ଼ିଛନ୍ତି।
ଟ୍ୱିଟ୍ କରି ସେ ଲେଖିଛନ୍ତି ଯେ ମୁଁ ସବୁ ବର୍ଷ ମୋ ବିବାହ ବାର୍ଷିକୀରେ ମୋ ପ୍ରିୟ ପିଲାମାନେ, ନାତି ନାତୁଣୀ ଓ ଶୁଭେଚ୍ଛୁଙ୍କ ସହ ଖୁସି ମନାଉଥିବାରୁ ମୁଁ ଭଗବାନଙ୍କୁ ଧନ୍ୟବାଦ ଜଣାଉଛି। ତାଙ୍କ ଆଶୀର୍ବାଦ ମୋ ପାଖରେ ରହିଛି। ଏହି ଅବସରରେ ଧର୍ମେନ୍ଦ୍ରଙ୍କ ଆଶୁ ଆରୋଗ୍ୟ କାମନା କରିଥିବା ପ୍ରଶଂସକଙ୍କୁ ସେ ଧନ୍ୟବାଦ ଜଣାଇଛନ୍ତି।
Our wedding anniversary today❤️❤️ I thank God for all these years of happiness, our darling children and grandchildren, our well wishers everywhere! I feel truly blessed🙏🙏 pic.twitter.com/uAsb7Mc5AL
— Hema Malini (@dreamgirlhema) May 2, 2022
ସେ ଟ୍ୱିଟ୍ କରି କହିଛନ୍ତି ଯେ ଧର୍ମେନ୍ଦ୍ରଙ୍କ ଆଶୁ ଆରୋଗ୍ୟ କାମନା କରିଥିବା ହଜାର ହଜାର ପ୍ରଶଂସକଙ୍କୁ ମୁଁ ଧନ୍ୟବାଦ ଦେବାକୁ ଚାହୁଁଛି। ହଁ, ସେ କିଛି ଦିନ ପାଇଁ ହସ୍ପିଟାଲରେ ଥିଲେ। ବର୍ତ୍ତମାନ ସେ ସୁସ୍ଥ ଅଛନ୍ତି। ଧର୍ମେନ୍ଦ୍ରଙ୍କ ସ୍ୱାସ୍ଥ୍ୟାବସ୍ଥା ନେଇ ଯେଉଁମାନେ ପଚାରି ବୁଝିଥିଲେ, ସେମାନଙ୍କୁ ମୁଁ ପୁଣି ଥରେ ଧନ୍ୟବାଦ ଜଣାଉଛି ।
I would like to thank thousands of well wishers who have been enquiring about Dharam ji’s health. Yes, he was in hospital for a few days but he is ok now and thankfully back home. Thank you all once again for your anxious calls and enquiries about his health🙏God has been kind🙏
— Hema Malini (@dreamgirlhema) May 2, 2022
ବର୍ତ୍ତମାନ ହେମାମାଳିନୀଙ୍କ ବୟସ ୭୩ ଓ ଧର୍ମେନ୍ଦ୍ର ବୟସ ୮୬। ୧୯୮୦ ମସିହାରେ ଡ୍ରିମ୍ ଗର୍ଲ ହେମାମାଳିନୀଙ୍କ ହାତ ଧରିଥିଲେ ଧର୍ମେନ୍ଦ୍ର। ସେମାନଙ୍କ ଦୁଇ ଝିଅ ହେଲେ ଇଷା ଦେୱଲ ଓ ଆହାନା ଦେୱଲ। ଉଭୟଙ୍କ ଦୁଇଟି ଲେଖାଏଁ ସନ୍ତାନ ଅଛନ୍ତି।
ଆଜିର ଦିନରେ ହସ୍ପିଟାଲରୁ ଡିସଚାର୍ଜ ହୋଇଛନ୍ତି ଧର୍ମେନ୍ଦ୍ର । ମାଂସପେଶୀରେ ଯନ୍ତ୍ରଣା ଯୋଗୁଁ ଗତ ସପ୍ତାହର ପ୍ରଥମାର୍ଦ୍ଧରେ ତାଙ୍କୁ ମୁମ୍ବାଇର ବ୍ରିଚ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଥିଲା । ଏବେ ସେ ସୁସ୍ଥ ଅଛନ୍ତି । ତେବେ ହସ୍ପିଟାଲରୁ ଫେରିବା ପରେ ସେ ଏକ ଭିଡିଓ ମଧ୍ୟ ସେୟାର କରିଛନ୍ତି । ଶୁଟିଂ ସମୟରେ ଅଭିନେତା ଧର୍ମେନ୍ଦ୍ରଙ୍କ ପିଠିରେ ଯନ୍ତ୍ରଣା ଆରମ୍ଭ ହୋଇଥିଲା । ଏଥିପାଇଁ ତାଙ୍କୁ ଚାରି ଦିନ ପୂର୍ବରୁ ହସ୍ପିଟାଲରେ ଭର୍ତ୍ତି କରାଯାଇଥିଲା ।
