• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Otv Khabar Bureau

News Highlights

  • ଏବେ ହିନ୍ଦୀରେ ୯୦% ଡବ୍ ଫିଲ୍ମ

ଡବିଙ୍ଗ... ଡବିଙ୍ଗ ଆଉ ଖାଲି ଡବିଙ୍ଗ। ତେଲୁଗୁ, ତାମିଲ, ମାଲାୟାଲାମ, ହଲିଉଡ୍ ଏବଂ ବେଶୀ ଚେଷ୍ଟା କଲେ କୋରିଆନ ଫିଲ୍ମରୁ। ଅବିକଳ ଉତ୍ତାରି ଦେଉଛନ୍ତି ହିନ୍ଦି ସିନେମା ନିର୍ମାତା। ଯାହା ଆପଣ ଦେଖିଛନ୍ତି, ଯାହାକୁ ଆପଣ ପସନ୍ଦ କରିଛନ୍ତି ସେସବୁ ଯେପରି ପୁଣି ଥରେ ହିନ୍ଦି ଭାଷାରେ କପି କରାଯାଉଛି। ଆଉ ଏହା ପଛରେ କୌଣସି ନବାଗତ କିମ୍ବା ଛୋଟ ପ୍ରଯୋଜନା ସଂସ୍ଥା ନୁହେଁ ବରଂ ବଡ଼ ଷ୍ଟାର ଆଉ ବ୍ୟାନର ବି ରହିଛନ୍ତି।

ଏବେ ରିଲିଜ୍ ହେଉଥିବା ୯୦ ପ୍ରତିଶତ ଫିଲ୍ମ ଡବ୍।...କେବଳ ମନୋରଞ୍ଜନ ପାଇଁ ଏହା କରାଯାଉଛି ତା ନୁହେଁ...ଦର୍ଶକ କଣ ଚାହୁଁଛନ୍ତି, ଦର୍ଶକଙ୍କ ପସନ୍ଦ କଣ ତାକୁ ନଜରରେ ରଖି ନୁହେଁ କେବଳ ହିଟ୍ ଫର୍ମୁଲାକୁ ଆପଣେଇ ଫିଲ୍ମ ହେଉଛି। ଯଦି, ତେଲୁଗୁ, ତାମିଲ, ମାଲାୟଲମରେ ହିଟ୍ ତେବେ ଏହାକୁ ହିନ୍ଦୀରେ ବି ଅବିକଳ କରାଯାଉ। ଏହି ଚିନ୍ତାଧାରା ଏବେ ହିନ୍ଦୀର ନିଜସ୍ଵପଣ ଆଉ ଦକ୍ଷତାକୁ ନଷ୍ଟ କରୁଛି। 

ଗତକାଲି ହିଁ ଅକ୍ଷୟ କୁମାରଙ୍କ ଆଗାମୀ ଫିଲ୍ମ ସେଲ୍ଫିର ଘୋଷଣା ହେଇଛି। ଫିଲ୍ମରେ ଅକ୍ଷୟ ଓ ଇମ୍ରାନ ହାସମି ପ୍ରଥମ ଥର ପାଇଁ ଏକା ସହ ନଜର ଆସିବେ। ୨୦୧୯ରେ ରିଲିଜ୍ ହେଇଥିବା ମାଲାୟାଲାମ ସିନେମା ଡ୍ରାଇଭିଂ ଲାଇସେନ୍ସର ୟେ ହେଉଛି ରିମେକ୍। ପୃଥିବୀରାଜଙ୍କ ଏହି ଫିଲ୍ମ କେରଳରେ ଟ୍ରେଣ୍ଡ ସେଟ୍ କରିଥିଲା। ଆଉ ଏହାକୁ ନେଇ ଏବେ କରନ୍ ଜୋହର ହିନ୍ଦି ରିମେକ୍ କରୁଛନ୍ତି।

ଖାଲି ଏହି ଗୋଟିଏ ନୁହେଁ, କିଛି ଦିନ ତଳେ ହ୍ରିତିକ୍ ରୋସନଙ୍କ ଫିଲ୍ମ୍ 'ବିକ୍ରମ ବେଦା'ର ଲୁକ୍ ରିଲିଜ୍ ହୋଇଥିଲା। ଯେଉଁଥିରେ ହ୍ରିତିକ୍ ବେଦା ଚରିତ୍ରରେ ନଜର ଆସିଥିଲେ। ଏହା ତାମିଲ ଫିଲ୍ମ ବିକ୍ରମ ବେଦାର ଡବ୍। ଯେଉଁଥିରେ ଭର୍ସଟାଇଲ ବିକ୍ରମ ସେତୁପତିଙ୍କ ଚରିତ୍ରରେ ହ୍ରିତିକଙ୍କୁ ଦେଖିବାକୁ ମିଳିବ।

ଏହା ବ୍ୟତୀତ ଜର୍ଶି ସହ ତାମିଲ ଫିଲ୍ମ ଅନୀୟନ ରିମେକରେ ରଣଭିର, ରତଶାସନରେ ଅକ୍ଷୟ କୁମାର, ଥଡମରେ ଆଦିତ୍ୟ ରାୟ କପୁର, କୋମଲି ପାଇଁ ଅର୍ଜୁନ କପୁର, କେଥିରେ ଅଜୟ ଦେବଗନ୍ ଭଳି ଷ୍ଟାର ଚୂଡାନ୍ତ ହେଇ ସାରିଲେଣି। ତାମିଲ ବ୍ୟତୀତ ଅନ୍ୟ ଭାଷାର ପ୍ରାୟ ଦୁଇ ଡଜନରୁ ଅଧିକ ଫିଲ୍ମ୍ ଏବେ ହିନ୍ଦୀରେ ରିମେକ୍ ହେବ।

(ପ୍ରସନଜିତ ରାୟ) 

Other Stories