ରଣବୀର ସିଂଙ୍କ ପାଇଁ ବଢ଼ିଲା ଅଡ଼ୁଆ, ଥାନାରେ ହାଜର ହେବାକୁ ଡାକିବ ପୋଲିସ

ଅଭିନେତା ରଣବୀର ସିଂଙ୍କ ପାଇଁ ବଢ଼ୁଛି ଅଡ଼ୁଆ ା ଥାନାରେ ହାଜର ହେବାକୁ ନୋଟିସ୍ କଲା ମୁମ୍ବାଇ ଚେମ୍ବୁର ପୋଲିସ୍ । ଅଗଷ୍ଟ ୨୨ରେ ସେ ଥାନାରେ ହାଜର ହୋଇ ନିଜ ପକ୍ଷ ରଖିବେ । ଏନେଇ ମୁମ୍ବାଇ ପୋଲିସ୍ ପକ୍ଷରୁ ତାଙ୍କ ବାସଭବନକୁ ଯାଇ ନୋଟିସ୍ କରାଯାଇଛି । ରଣବୀରଙ୍କ ନାଁରେ ଏକ ଏନ୍‌ଜିଓ ଥାନାରେ ମାମଲା ରୁଜୁ କରିଥିଲା । ଏନେଇ ଧାରା ୨୯୨, ୨୯୩ ଓ ସୂଚନା ପ୍ରଯୁକ୍ତି ଆଇନ୍‌ର ୫୦୯ରେ ଦଫାରେ ତଦନ୍ତ ଆରମ୍ଭ କରିଛି ପୋଲିସ୍ ।

Also Read

ନିଆଳି ଛେନାକୁ ନେଇ ବଢ଼ୁଛି ସନ୍ଦେହ, ଲ୍ୟାବ୍‌କୁ ପଠାଗଲା ନମୁନା

୩ ଦିନ ଅବିଶ୍ରାନ୍ତ ବର୍ଷା : ତଳିଆ ଅଞ୍ଚଳରେ ଜଳବନ୍ଦୀ ସମସ୍ୟା ଆଶଙ୍କା

ବିମାନରେ ସିଗାରେଟ୍ ଟାଣି ବିବାଦରେ ବଡି ବିଲ୍‌ଡର୍‌ ବବି କଟାରିଆ

କିଛିଦିନ ପୂର୍ବରୁ ରଣବୀର ଏକ ପତ୍ରିକା ପାଇଁ ନିଜର ନଗ୍ନ ଫଟୋ ସୁଟ୍ କରିଥିଲେ । ଏହି ଫଟୋଟି ସଂପୃକ୍ତ ପତ୍ରିକାର କଭର ପେଜରେ ପ୍ରକାଶ ପାଇଥିଲା । ଏପରିକି କଭର ପେଜ୍ ଫଟୋକୁ ରଣବୀର ଇନଷ୍ଟାଗ୍ରାମର ନିଜ ପେଜ୍‌ରେ ଅପଲୋଡ୍ କରିଥିଲେ । ଘଟଣାକୁ ନେଇ ଦେଶର ବିଭିନ୍ନ ସ୍ଥାନରେ ବିକ୍ଷୋଭ ପ୍ରଦର୍ଶନ ହେବା ସହ ଅସନ୍ତୋଷ ପ୍ରକାଶ ପାଇଥିଲା ।

ତେବେ ରଣବୀର ଯେହେତୁ ମୁମ୍ବାଇ ବାହାରେ ଅଛନ୍ତି ତେଣୁ ଚେମ୍ବୁର ପୋଲିସ ତାଙ୍କୁ ଏପର୍ଯ୍ୟନ୍ତ ସମନ କରି ନାହିଁ । ଅଗଷ୍ଟ ୧୬ରେ ଏକ ନୋଟିସ କରିବ ପୋଲିସ । ସେ ମୁମ୍ବାଇରେ ପହଞ୍ଚିବା ପରେ ତାଙ୍କୁ ଅଗଷ୍ଟ ୨୨ରେ ପୋଲିସ ନିକଟରେ ହାଜର ହେବାକୁ ନୋଟିସ ଦିଆଯିବ । ଭାରତୀୟ ଦଣ୍ଡ ସଂହିତା (ଆଇପିସି) ର ଧାରା ୫୦୯, ୨୯୨ ଏବଂ ୨୯୪ ଏବଂ ଆଇଟି ଆକ୍ଟର ଧାରା ୬୭ ଏ ଅନୁଯାୟୀ ରଣବୀର ସିଂହଙ୍କୁ ବୁକ୍ କରାଯାଇଛି । ଚେମ୍ବୁର ପୋଲିସ ଷ୍ଟେସନରେ ଏକ ଏନଜିଓର ଜଣେ କର୍ମଚାରୀ ଏବଂ ଜଣେ ମହିଳା ଓକିଲ ଅଭିଯୋଗ କରିଥିଲେ ।

ମହିଳାଙ୍କ ସ୍ୱାଭିମାନଙ୍କୁ ଆଘାତ ଦେଇଛନ୍ତି ରଣବୀର । ତାଙ୍କ ଫଟୋଗ୍ରାଫ୍ ମାଧ୍ୟମରେ ସେ ମହିଳାମାନଙ୍କ ସ୍ୱାଭିମାନଙ୍କୁ ଅପମାନିତ କରିଛନ୍ତି । ତେଣୁ ତାଙ୍କ ବିରୋଧରେ ମାମଲା ରୁଜୁ କରିବାକୁ ଦାବି ହୋଇଥିଲା ।