ବିବାହ ପୂର୍ବରୁ ସୈଫ୍‌ଙ୍କ ବିଷୟରେ ଏହି କଥା ଜାଣି ନଥିଲେ କରୀନା

କରୀନା କପୁରଙ୍କ ଅଭିନୟ ଯେତିକି ବଳିଷ୍ଠ, ଅଭିନେତ୍ରୀଙ୍କ ଫ୍ୟାଶନ୍ ସେନ୍ସ ମଧ୍ୟ ସେତିକି ଆଶ୍ଚର୍ଯ୍ୟଜନକ। କରୀନା କେତେବେଳେ ତାଙ୍କ ଫ୍ୟାଶନ୍ ସେନ୍ସ ଏବଂ କେତେବେଳେ ତାଙ୍କ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ରହିଥାନ୍ତି। କରୀନା ଏବଂ ସୈଫ୍‌ ବା 'ସୈଫିନା' ବଲିଉଡ୍‌ ର ସେହି ଦମ୍ପତି, ଯେଉଁମାନେ ଅନ୍ୟ ଦମ୍ପତିମାନଙ୍କ ପାଇଁ ଉଦାହରଣ ସୃଷ୍ଟି କରିବା ନେଇ କୌଣସି ବି ସୁଯୋଗ ହାତଛଡ଼ା କରନ୍ତି ନାହିଁ। ବଲିଉଡ୍‌ର ବେବୋ ଏବଂ ଛୋଟେ ନବାବ ହୁଏତ ଏକ ଉପଯୁକ୍ତ ଦମ୍ପତି ହୋଇପାରନ୍ତି, କିନ୍ତୁ ବାସ୍ତବ ଜୀବନରେ ସେମାନେ ପରସ୍ପରଠାରୁ ସମ୍ପୂର୍ଣ୍ଣ ଅଲଗା।

ଅଧିକ ପଢ଼ନ୍ତୁ:୧୦ ବର୍ଷ ବଡ ସୈଫ୍‌ଙ୍କୁ କାହିଁକି ବାହାହେଲେ କରୀନା; କହିଲେ କାରଣ

ବର୍ଷ ବର୍ଷ ଧରି ପରସ୍ପରକୁ ଡେଟ୍‌ କରିବା ପରେ ମଧ୍ୟ ଏମିତି କିଛି କଥା ରହିଗଲା ଯାହା ଦୁହେଁ ପରସ୍ପର ବିଷୟରେ ଜାଣି ନଥିଲେ। ଏହା ଶୁଣି ଆପଣ ମଧ୍ୟ ଆଶ୍ଚର୍ଯ୍ୟ ହେଉଥିବେ। ଏମିତି କେଉଁ କଥା ରହିଗଲା ଯେ ସେମାନେ ବିବାହ ପୂର୍ବରୁ ଜାଣି ପାରିଲେ ନାହିଁ! ବିବାହ ଦିନ ମଧ୍ୟ ବେବୋଙ୍କ ସହ ଏମିତି ଘଟିଥିଲା। ବିବାହ ସମୟ ପର୍ଯ୍ୟନ୍ତ କରୀନା କପୁର ସ୍ୱାମୀ ସୈଫ୍‌ ଅଲି ଖାନଙ୍କ ପ୍ରକୃତ ନା’ ବିଷୟରେ ଅବଗତ ନଥିଲେ।

ସୈଫ୍‌ ଅଲି ଖାନଙ୍କ ପ୍ରକୃତ ନା’ ସାଜିଦ ଅଲି ଖାନ ପଟୌଦି ଥିଲା, କିନ୍ତୁ ପରେ ସେ ତାଙ୍କ ନାମ ସୈଫ୍‌ ଅଲି ଖାନ୍‌ରେ ବଦଳାଇଥିଲେ। କରୀନା କପୁର ଯେତେବେଳେ ତାଙ୍କ ବିବାହ ପ୍ରମାଣପତ୍ର ଦେଖିଲେ, ସେ ଏ ବିଷୟରେ ଜାଣିବାକୁ ପାଇଲେ।

ଛୋଟେ ନବାବ ନିଜେ କହିଥିଲେ ଯେ ତାଙ୍କ ନା’ରୁ 'ପଟୌଦି' ହଟାଇବାର କାରଣ ହେଉଛନ୍ତି ତାଙ୍କ ବାପା। ତାଙ୍କ ବାପା ମଂସୁର ଅଲି ଖାନ ପଟୋଦି ମଧ୍ୟ ଭାରତରେ ରାଜକୁମାର ପରମ୍ପରା ଶେଷ ହେବା ପରେ ତାଙ୍କ ନା’ରୁ ପଟୌଦି ଉପନାମକୁ ହଟାଇ ଦେଇଥିଲେ।

ଯଦି ଆମେ ତାଙ୍କ କାମର କଥା କହିବା, ତେବେ କରୀନା କପୁରଙ୍କ ହାତରେ ଅନେକ ଚଳଚ୍ଚିତ୍ର ଅଛି। ଅଭିନେତ୍ରୀ ହଂସଲ ମେହେଟ୍ଟାଙ୍କ ଅନ୍‌ଟାଇଟଲ୍ ଚଳଚ୍ଚିତ୍ର ସହିତ ଅନ୍ୟ ଦୁଇଟି ଚଳଚ୍ଚିତ୍ରରେ ମଧ୍ୟ ନଜର ଆସିବେ। ସେଥିମଧ୍ୟରୁ ଗୋଟିଏ ହେଉଛି ରିୟା କପୁରଙ୍କ 'ଦ କ୍ରୁ'। ଏହି ଚଳଚ୍ଚିତ୍ରରେ କରୀନାଙ୍କ ସହ ତବୁ ଏବଂ କ୍ରିତି ସାନନ୍ ମୁଖ୍ୟ ଭୂମିକାରେ ନଜର ଆସିବେ। ଏହା ଏକ ହାସ୍ୟ ଚଳଚ୍ଚିତ୍ର। ଏହା ବ୍ୟତୀତ କରୀନାଙ୍କୁ 'ଦି ଡିଭୋସନ୍‌ ଅଫ୍ ସସ୍‌ପେକ୍ଟ୍ ଏକ୍ସ'ରେ ମଧ୍ୟ ଦେଖିବାକୁ ମିଳିବ।