Ananya Pandey: ବଲିଉଡ୍‌ର ଏହି ସୁପର୍‌ଷ୍ଟାର୍‌ଙ୍କୁ ଅନନ୍ୟା ପାଣ୍ଡେ କହିଲେ ଦ୍ୱିତୀୟ ବାପା; ଜାଣନ୍ତୁ କାହିଁକି

ଅଭିନେତ୍ରୀ ଅନନ୍ୟା ପାଣ୍ଡେ ବଲିଉଡ୍‌ର କିଙ୍ଗ୍‌ ଖାନ୍‌ ଏବଂ ତାଙ୍କ ପରିବାରର ବହୁତ ନିକଟତର। ନିକଟରେ ସେ ଅଭିନେତା ଶାହରୁଖ ଖାନଙ୍କ ପ୍ରଶଂସା କରି କହିଥିଲେ ଯେ ସେ ଜଣେ ବହୁତ ଭଲ ବ୍ୟକ୍ତି। ସେ ଏହା ମଧ୍ୟ କହିଥିଲେ ଯେ ଅଭିନେତା ଏବେ ବି ତାଙ୍କୁ ତାଙ୍କ କ୍ୟାରିଅର ବିଷୟରେ ପ୍ରଶ୍ନ ପଚାରନ୍ତି। ତେବେ ଆସନ୍ତୁ ଜାଣିବା ସେ କ’ଣ କହିଛନ୍ତି।

ଅଭିନେତ୍ରୀ ଅନନ୍ୟା ପାଣ୍ଡେ ଟାଇମ୍ସ ଅଫ୍ ଇଣ୍ଡିଆ ସହିତ ଏକ ସାକ୍ଷାତକାରରେ ଯୋଗ ଦେଇଥିଲେ, ଯେଉଁଠାରେ ସେ ଅଭିନେତା ଶାହରୁଖ ଖାନଙ୍କ ବିଷୟରେ କହିଥିଲେ। ସେ କହିଥିଲେ, “ସେ ଆମ ସମସ୍ତଙ୍କୁ ଆମର କ୍ରୀଡା ଦିବସ ଏବଂ ଟାଏକୋଣ୍ଡୋ ପ୍ରତିଯୋଗିତା ପାଇଁ ଶିଖାଥିଲେ। ସେ ଆମ ଜୀବନର ପ୍ରତ୍ୟେକ ଦିଗରେ ଜଡିତ ଅଛନ୍ତି। ସେ ଏବେ ବି ଜାଣିବାକୁ ଚାହାଁନ୍ତି ଯେ ଆମେ କ'ଣ କରୁଛୁ ଏବଂ ସେ ଆମ ଜୀବନ ସହିତ ବହୁ ଭଲ ଭାବରେ ଜଡିତ।”

ଅଧିକ ପଢ଼ନ୍ତୁ:କିଙ୍ଗ୍‌ ଖାନ୍‌ଙ୍କ ନିଆରା ଇଚ୍ଛା, କହିଲେ ହେବେ କିଙ୍ଗ୍ କୋହଲି

ସେ ପୁଣି କହିଛନ୍ତି ଯେ, “ଯେତେବେଳେ ବି ସେ କଥା ହୁଅନ୍ତି, ତାଙ୍କର ଏମିତି ଗୁଣ ଅଛି ଯାହା ଆପଣଙ୍କୁ ଅନୁଭବ କରାଇଦେବ ଯେ ଆପଣ ଦୁନିଆର ଜଣେ ବିଶେଷ ବ୍ୟକ୍ତି। ମୁଁ ଭାବୁଛି ତାଙ୍କ ପରି ଆଉ କେହି ନାହାନ୍ତି।”

ଶାହରୁଖ ଖାନଙ୍କୁ କହିଲେ ଦ୍ୱିତୀୟ ବାପା:

ଅଭିନେତ୍ରୀ ଅନନ୍ୟା ପାଣ୍ଡେଙ୍କୁ ପ୍ରାୟତଃ ଅଭିନେତା ଶାହରୁଖ ଖାନଙ୍କ ପରିବାରର ଜଣେ ଅତି ନିକଟତମ ସଦସ୍ୟ ଭାବରେ ଦେଖାଯାଏ। ସାକ୍ଷାତକାର ସମୟରେ ଆହୁରି କଥା ହୋଇ ଅଭିନେତ୍ରୀ କହିଛନ୍ତି, “ଶାହାରୁଖ ମୋର ଦ୍ୱିତୀୟ ବାପା ଭଳି। ସେ ମୋର ସବୁଠାରୁ ଭଲ ବନ୍ଧୁଙ୍କ ବାପା, ତେଣୁ ଆମେ ସମସ୍ତେ ତାଙ୍କ ସହିତ IPL ମ୍ୟାଚ୍ ଦେଖିବାକୁ ଯାଉଥିଲୁ। ଇଣ୍ଡଷ୍ଟ୍ରିରେ କେବଳ ସୁହାନା (ଶାହାରୁଖ ଖାନଙ୍କ ଝିଅ) ଏବଂ ଶନାୟା (ସଞ୍ଜୟ କପୁରଙ୍କ ଝିଅ) ମୋର ସବୁଠାରୁ ଘନିଷ୍ଠ ବନ୍ଧୁ ଏବଂ ଆମେ ସବୁକିଛି ଶେୟାର କରୁ।”

ଅନନ୍ୟା ପାଣ୍ଡେଙ୍କ କ୍ୟାରିଅର ବିଷୟରେ କହିବାକୁ ଗଲେ, ସେ ୨୦୧୯ ମସିହାରେ ବଲିଉଡ୍‌ରେ ଡେବ୍ୟୁ କରିଥିଲେ। ଏହି ଅଭିନେତ୍ରୀଙ୍କୁ ସମ୍ପ୍ରତି 'କେସରୀ ୨' ଫିଲ୍ମରେ ଦେଖିବାକୁ ମିଳିଥିଲା, ଯେଉଁଥିରେ ସେ ଜଣେ ଓକିଲ ଦିଲରୀତ ଗିଲ୍‌ଙ୍କ ଭୂମିକାରେ ଅଭିନୟ କରିଥିଲେ। ଏହା ବ୍ୟତୀତ ଗତ ବର୍ଷ ଏହି ଅଭିନେତ୍ରୀଙ୍କୁ 'କଲ୍ ମି ବେ' ଧାରାବାହିକରେ ମଧ୍ୟ ଦେଖିବାକୁ ମିଳିଥିଲା।

ଅଧିକ ପଢ଼ନ୍ତୁ:ମନୋରଞ୍ଜନ ଦୁନିଆରେ ପୁଣି ଏକ ଦୁଃଖ; ଚାଲିଗଲେ ‘ସାବଧାନ ଇଣ୍ଡିଆ’ର ଅଭିନେତା