/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
/odishatv-khabar/media/member_avatars/uploadimage/library/16_9/16_9_1/IMAGE_1626676223.jpg )
/odishatv-khabar/media/post_attachments/uploadimage/library/16_9/16_9_0/IMAGE_1674560874.jpg)
American rapper Doja with 30000 swarovski crystals
'ପ୍ୟାରିସ୍ ଫ୍ୟାଶନ ୱିକ୍' ନା’ ଶୁଣିବା ପରେ, ଆପଣଙ୍କ ଆଖି ସାମ୍ନାକୁ କିଛି ଭିନ୍ନ ଭିନ୍ନ ପୋଷାକ କିମ୍ବା ଫ୍ୟାଶନ୍ ମଡେଲ୍ର ଚେହେରା ନିଶ୍ଚୟ ଆସିଯାଉଥିବ। ଏହି ସପ୍ତାହ ଏମିତି ଯେ, ଯେଉଁଠାରେ ଏପରି କିଛି ସୃଜନଶୀଳତା ଦେଖାଯାଏ ଯାହା ଲୋକମାନେ କଳ୍ପନା ମଧ୍ୟ କରିପାରିବେ ନାହିଁ।
ନିକଟରେ 'ପ୍ୟାରିସ୍ ଫ୍ୟାଶନ ୱିକ୍' ୨୦୨୩ ରେ ସେମିତି କିଛି ଦେଖିବାକୁ ମିଳିଥିଲା। ଏଥିରେ, ମଡେଲ ଡୋଜା କ୍ୟାଟ୍ଙ୍କ ଲାଲ୍ ଅବତାର ଲୋକଙ୍କୁ ଏତେ ଆକର୍ଷିତ କରିଥିଲା ଯେ ସେମାନଙ୍କ ଆଖି ଲାଖିଯାଇଥିଲା। ଡୋଜା ୩୦ ହଜାର ସ୍ୱାରୋଭସ୍କି ସ୍ଫଟିକ୍ ପିନ୍ଧି ଇଭେଣ୍ଟରେ ପହଞ୍ଚିଥିଲେ। ତାଙ୍କୁ ଯିଏ ଦେଖିଲା ତାଙ୍କ ଆଖି ଆଉ ଫେରୁ ନଥିଲା।
ଆମେରିକୀୟ ରାପର୍ ଡୋଜା କ୍ୟାଟ୍ଙ୍କ ଏହି ଅନନ୍ୟ ଅବତାର ସୋସିଆଲ୍ ମିଡିଆ ରେ ଭାଇରାଲ୍ ହେବାରେ ଲାଗିଛି। ଡୋଜାଙ୍କର ଏହିସବୁ ଭିଡିଓ ସୋସିଆଲ୍ ମିଡିଆ ପ୍ଲାଟ୍ଫର୍ମରେ ଖୁବ୍ ଜୋର୍ରେ ଶେୟାର ହେବାରେ ଲାଗିଛି। ପ୍ୟାରିସ୍ ଫ୍ୟାଶନ ୱିକ୍ରେ ପ୍ରାୟତଃ କିଛି ନା କିଛି ନୂଆ ଜିନିଷ ଦେଖିବାକୁ ମିଳେ।
ଏଥିରେ ଅଂଶଗ୍ରହଣ କରୁଥିବା ବ୍ୟକ୍ତି ଏପରି କିଛି ପିନ୍ଧି ଆସିବାକୁ ଚେଷ୍ଟା କରନ୍ତି ଯାହା ଆଲୋଚନାର ବିଷୟ ହୋଇଯାଏ। ଡୋଜା ଏହା କରିବାରେ ସଂପୂର୍ଣ୍ଣ ସଫଳ ହୋଇଛନ୍ତି ଏବଂ ବର୍ତ୍ତମାନ କେବଳ ତାଙ୍କୁ ନେଇ ଚର୍ଚ୍ଚା ଲାଗି ରହିଛି।
ତେବେ ନିଜକୁ ଏଭଳି ବେଶ ଦେବା ନେଇ ଡୋଜା କ୍ୟାଟ୍ଙ୍କ ପାଇଁ ସହଜ ହୋଇ ନାହିଁ। ତାଙ୍କ ଶରୀରରେ ୩୦ ହଜାର ସ୍ୱାରୋଭସ୍କି ସ୍ଫଟିକ୍ ଲଗାଯାଇଥିଲା। ତାଙ୍କ ଲୁକ୍ ପ୍ରସ୍ତୁତ କରିବାକୁ ୫ ଘଣ୍ଟାରୁ ଅଧିକ ସମୟ ଲାଗିଥିଲା।| ଏଥିପାଇଁ ପ୍ରଥମେ ଡୋଜା ମୁଣ୍ଡରୁ ପାଦ ଯାଏ କ୍ରାଇମ୍ସନ୍ ରଙ୍ଗ ବୋଲି ହୋଇଥିଲେ। ଏହା ପରେ ତାଙ୍କ ଦେହରେ ସ୍ଫଟିକ ଖଞ୍ଜା ଯାଇଥିଲା। ଏନେଇ ତାଙ୍କୁ ଅନେକ ଅସୁବିଧାର ସମ୍ମୁଖିନ ମଧ୍ୟ ହେବାକୁ ପଡିଥିଲା।
/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)