ବଲିଉଡ୍ ନାୟିକାଙ୍କ ଡାକ ନାଁ; କିଏ ଗୁଲୁ ତ କିଏ ଆଲୁ, ପୁଣି କିଏ ପିଗ୍ଗି ଚପ୍

ଅଧିକାଂଶ ପିଲାମାନଙ୍କର ଗୋଟିଏ ଭଲ ନାଁ ଆଉ ଗୋଟିଏ ଡାକ ନାଁ ଥାଏ। କେହି କେହି ନ ରଖୁଥିଲେ ବି ସ୍ନେହ ଓ ପ୍ରେମରେ ପରିବାର ଲୋକେ ଓ ବନ୍ଧୁମାନେ ନିଶ୍ଚିତ ଭାବରେ ସେମାନଙ୍କୁ କିଛି ବିଶେଷ ନାମରେ ଡାକନ୍ତି। ବଲିଉଡ୍‌ ଷ୍ଟାର୍‌ମାନେ ମଧ୍ୟ ଏଥିରୁ ମୁକୁଳି ନାହାନ୍ତି।

ତେବେ କପୁର ପରିବାରର ଝିଅ କରିସ୍ମା କପୁର ଏବଂ କରୀନା କପୁରଙ୍କ ଡାକନାମ ବହୁତ ଲୋକପ୍ରିୟ। ଏହିପରି ଅନୁଷ୍କା ଶର୍ମା, ଆଲିଆ ଭଟ୍ଟ, ଐଶ୍ୱର୍ଯ୍ୟା ରାୟ, ପ୍ରିୟଙ୍କା ଚୋପ୍ରାଙ୍କ ଭଳି ଅଭିନେତ୍ରୀଙ୍କ ଡାକନାମ ଖୁବ ମଜାଳିଆ। ଏମାନଙ୍କ ମଧ୍ୟରୁ କେତେକଙ୍କର ଏପରି ନାଁ ଅଛି ଯାହାକୁ ଶୁଣି ଆପଣ ହସିବେ।

ଅଧିକ ପଢ଼ନ୍ତୁ: ବଲିଉଡ୍‌ର ଏହି ୭ ନାୟିକାଙ୍କ ଚାର୍ଜ ନାୟକଙ୍କ ଠାରୁ ବି ଅଧିକ

ପ୍ରିୟଙ୍କା ଚୋପ୍ରା:

ହଲିଉଡ ଭଳି ବଲିଉଡରେ ପ୍ରାଧାନ୍ୟ ବିସ୍ତାର କରିଥିବା ସୁନ୍ଦର ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କର ଗୋଟିଏ ନୁହେଁ ଅନେକ ଡାକନାମ ରହିଛି। ଫିଲ୍ମର ଗୀତ ଅନୁସାରେ ପ୍ରିୟଙ୍କାଙ୍କୁ ତାଙ୍କ ପ୍ରଶଂସକମାନେ ଦେଶୀ ଗର୍ଲ କହି ଡାକନ୍ତି। କିନ୍ତୁ କିଛି ଘନିଷ୍ଠ ବ୍ୟକ୍ତି ସେମାନଙ୍କୁ ପିଗ୍ଗି ଚପ୍ ବୋଲି ମଧ୍ୟ ଡାକନ୍ତି। ପ୍ରିୟଙ୍କାଙ୍କ ବାପା-ମା’ ତାଙ୍କୁ ମିଠୁ ବୋଲି କହୁଥିବା ବେଳେ କିଛି ଲୋକ ତାଙ୍କୁ ମିମି ବୋଲି ମଧ୍ୟ ଡାକନ୍ତି।

ଐଶ୍ୱର୍ଯ୍ୟା ରାୟ:

ବିଶ୍ୱ ସୁନ୍ଦରୀ ବଚ୍ଚନ ପରିବାରର ବୋହୂ ଐଶ୍ୱର୍ଯ୍ୟା ରାୟଙ୍କ ଡାକ ନାଁ ମଧ୍ୟ ଖୁବ ମଜାଳିଆ। ପିଲାଦିନରେ ଝିଅର କୌତୁକିଆ ରୂପ ଦେଖି ପରିବାର ଲୋକେ ତାଙ୍କୁ ଗୁଲୁ ବୋଲି ଡାକିଲେ। ପ୍ରଶଂସକ ଏବଂ ବନ୍ଧୁମାନଙ୍କ ତାଙ୍କୁ ଐଶ୍ ବୋଲି ଡାକନ୍ତି, ଯାହା ଖୁବ୍ ପରିଚିତ।

ସୋନମ କପୁର:

ଅନିଲ କପୁରଙ୍କ ଝିଅ ସୋନମ କପୁର ବର୍ତ୍ତମାନ ନିଜେ ଏକ ପୁଅର ମା’ ହୋଇସାରିଛନ୍ତି। ତାଙ୍କ ନାଁ ଖୁବ ମଜାଳିଆ। ସେ ଡେଙ୍ଗା ହୋଇଥିବାରୁ ଘର ଲୋକେ ତାଙ୍କୁ ସ୍ନେହରେ ଜିରାଫ୍ ବୋଲି ଡାକନ୍ତି। ଏକ ସାକ୍ଷାତକାରରେ ସୋନମ ନିଜେ କହିଛନ୍ତି ଯେ 'ମୋ ବେକ ବହୁତ ଲମ୍ବା, ସେଥିପାଇଁ ମୋ ବାପା ମୋତେ ଜିରାଫ ବୋଲି ଡାକୁଥିଲେ। ବର୍ତ୍ତମାନ ବନ୍ଧୁ ଏବଂ ପରିବାର ଲୋକେ ମୋତେ ସିନିୟର କପୁର ବୋଲି ଡାକୁଛନ୍ତି।

ଅନୁଷ୍କା ଶର୍ମା:

ଅନୁଷ୍କା ଶର୍ମାଙ୍କ ଡାକ ନାଁ ଶୁଣିଲେ ବି ଆପଣ ହସିବା ନିଶ୍ଚିତ। ପିଲାଦିନେ ଅନୁଷ୍କାଙ୍କୁ 'ନୁଷ୍କେଶ୍ୱର' ବୋଲି ଡକାଯାଉଥିଲା। ଅନୁଷ୍କା ବଡ ହେବା ପରେ ଏହି ନାଁକୁ ଛୋଟ କରି ନୁଷ୍କୀ କରିଦେଲେ। କ୍ରିକେଟ୍ ସ୍ୱାମୀ ବିରାଟ କୋହଲି ମଧ୍ୟ ଅନୁଷ୍କାଙ୍କୁ ନୁଷ୍କୀ ବୋଲି ଡାକନ୍ତି।

ଆଲିଆ ଭଟ୍ଟ:

ବଲିଉଡ ଅଭିନେତ୍ରୀ ଆଲିଆ ଭଟ୍ଟ ବର୍ତ୍ତମାନ କପୁର ପରିବାରର ବୋହୂ ହୋଇଛନ୍ତି। ତାଙ୍କ ମା’ ସୋନି ରାଜଦାନ ଏବଂ ବାପା ମହେଶ ଭଟ୍ଟଙ୍କ ପାଇଁ ସେ ସବୁବେଳେ ଆଲୁ। ପିଲାଦିନରେ ଗୋଲୁ-ମଲୁ ଆଲିଆ ଭଟ୍ଟଙ୍କୁ ପରିବାର ଲୋକେ ଆଲୁ ବୋଲି ଡାକୁଥିଲେ।

କରିସ୍ମା କପୁର:

ରଣଧୀର କପୁରଙ୍କ ଝିଅ କରିସ୍ମା କପୁରଙ୍କୁ ପିଲାଦିନରୁ ଲୋଲୋ ଡୋଲି ଡକାଯାଏ। ଏହି ନାଁ ବଲିଉଡ ଇଣ୍ଡଷ୍ଟ୍ରିରେ ଏତେ ଲୋକପ୍ରିୟ ଯେ ଲୋଲୋ କହିଦେଲେ ଲୋକମାନେ ବୁଝିଯାଆନ୍ତି ଯେ କରିସ୍ମାଙ୍କ ବିଷୟରେ କୁହାଯାଉଛି।

କରୀନା କପୁର:

କରିସ୍ମାଙ୍କ ସାନ ଭଉଣୀ କରୀନା କପୁରଙ୍କୁ ଲୋକେ ବେବୋ ବୋଲି ଡାକନ୍ତି। କରୀନା ବଲିଉଡ୍‌ ଏବଂ ପ୍ରଶଂସକଙ୍କ ମଧ୍ୟରେ ବେବୋ ଭାବରେ ମଧ୍ୟ ଲୋକପ୍ରିୟ।