LIVE TV
ପୋଷ୍ଟରର ଧମାକାଦାର ରିଲିଜର ମାତ୍ର ଗୋଟିଏ ଦିନ ପରେ ୧୨୦ ବାହାଦୂର ନିର୍ମାତା ମାନେ ଟିଜର ରିଲିଜ କରିଛନ୍ତି, ଯାହାକୁ ସମସ୍ତେ ବେଶ ଉତ୍ସାହର ସହ ଅପେକ୍ଷା କରିଥିଲେ। ଏହି ଟିଜର ଦେଶଭକ୍ତିରେ ଭରପୂର ରହିଛି । ଏଥିରେ ଫରହାନ ଅଖତାର ମେଜର ଶୈତାନ ସିଂହ ଭାଟୀଙ୍କ ଶକ୍ତିଶାଳୀ କ୍ୟାରେକ୍ଟରରେ ନଜର ଆସୁଛନ୍ତି।
ପ୍ରଥମ ଦୃଶ୍ୟ ହିଁ ଦେଖାଇ ଦେଉଛି ଯେ ଏହି ଚଳଚ୍ଚିତ୍ର ସାହସ ଓ ବଳିଦାନ ସହ ଜଡ଼ିତ ଏକ ଶାନଦାର ଯୁଦ୍ଧ କାହାଣୀ ହେବାକୁ ଯାଉଛି। ୧୯୬୨ରେ ରେଜାଙ୍ଗ ଲାରେ ବୀରତ୍ୱ ସହ ଜଡ଼ିତ କାହାଣୀ ଟିଜରରେ ଦେଖିବାକୁ ମିଳିଛି ।
କିପରି ୧୨୦ ଭାରତୀୟ ସୈନିକ ହଜାର ହଜାର ଶତ୍ରୁଙ୍କ ସାମ୍ନାରେ ଦୃଢ଼ତାର ସହ ଠିଆ ହୋଇ ଇତିହାସ ରଚିଥିଲେ। ନିର୍ମାତା ନିଜର ଅଫିସିଆଲ ସୋସିଆଲ ମିଡିଆ ହ୍ୟାଣ୍ଡେଲରେ ଟିଜର ସେୟାର କରିଛନ୍ତି ।
Also Read
କ୍ୟାପସନରେ ଲେଖିଛନ୍ତି, ଫରହାନ ଅଖତାରଙ୍କ ଶକ୍ତିଶାଳୀ ପ୍ରତ୍ୟାବର୍ତ୍ତନ । ଟିଜରରେ ତାଙ୍କୁ ଏକ ଏକାନ୍ତ ଗମ୍ଭୀର, ସଂଯତ ଏବଂ ହୃଦୟସ୍ପର୍ଶୀ ଅନ୍ଦାଜରେ ଦେଖାଯାଇଛି। ମେଜର ଶୈତାନ ସିଂହଙ୍କ ଚରିତ୍ରରେ ତାଙ୍କର ଅଭିନୟ ଏବେ ଠାରୁ ପ୍ରଶଂସା ସାଉଁଟୁଛି ।
Yeh wardi sirf himmat nahin, balidaan bhi maangti hai!
— Farhan Akhtar (@FarOutAkhtar) August 5, 2025
Based on the incredible true story is a war forged in snow and sealed with sacrifice. 120 Bahadur, teaser out now. Releasing in cinemas near you on 21st Nov, 2025.#120Bahadur #EkSauBeesBahadur #DadaKishanKiJai#RashiKhanna… pic.twitter.com/Ni16F9dBgF
ଲଦାଖ, ରାଜସ୍ଥାନ ଓ ମୁମ୍ବାଇରେ ସୁଟିଂ ହୋଇଛି ଫିଲ୍ମ । ଏଯାଏ ସବୁଠାରୁ ବଡ଼ ସ୍କେଲରେ ନିର୍ମିତ ୧୨୦ ବାହାଦୂର ଯୁଦ୍ଧକୁ ଦର୍ଶକ ବଡ଼ ପରଦାରେ ଦେଖିପାରିବେ। ବରଫରେ ଆଚ୍ଛାଦିତ ଯୁଦ୍ଧ ଭୂମିଠୁ ଆରମ୍ଭ କରି ଯୁଦ୍ଧକ୍ଷେତ୍ରର ନୀରବତା ପର୍ଯ୍ୟନ୍ତ ପ୍ରତ୍ୟେକଟି ଦୃଶ୍ୟ ଜୀବନ୍ତ ହୋଇଛି ।
ରଜନୀଶ “ରେଜୀ” ଘୋଷଙ୍କ ନିର୍ଦ୍ଦେଶନାରେ ନିର୍ମିତ ଏବଂ ରିତେଶ ସିଧୱାନୀ ଓ ଫରହାନ ଅଖତାର (ଏକ୍ସେଲ ଏଣ୍ଟରଟେନମେଣ୍ଟ) ତଥା ଅମିତ ଚନ୍ଦ୍ରା (ଟ୍ରିଗର ହାପି ଷ୍ଟୁଡିଓଜ)ଙ୍କ ପ୍ରଯୋଜନାରେ ପ୍ରସ୍ତୁତ ୧୨୦ ବାହାଦୂର ୨୧ ନଭେମ୍ବର ୨୦୨୫ରେ ସିନେମା ହଲରେ ରିଲିଜ ହେବ।
