LIVE TV
ରଜନୀକାନ୍ତ ପୁଣି ଥରେ ପ୍ରେକ୍ଷାଳୟରେ ହଇଚଇ କରିବାକୁ ଯାଉଛନ୍ତି। ଏହି ସୁପରଷ୍ଟାରଙ୍କ 'ଜେଲର' ଯାହା ଅଗଷ୍ଟ ୧୦ରେ ରିଲିଜ୍ ହେବାକୁ ଯାଉଛି, ତାକୁ ନେଇ ଲୋକ ଏବେ ପାଗଳ। ଏହି ଫିଲ୍ମକୁ ନେଇ ଲୋକଙ୍କ ଭିତରେ ଯେଉଁଭଳି ଉତ୍ସାହ ଦେଖିବାକୁ ମିଳୁଛି, ଲାଗୁଛି ପ୍ରଥମ ଦିନରୁ ହିଁ ଫିଲ୍ମ ଧମାଲ୍ କରିବ।
ରଜନୀକାନ୍ତ ୨ ବର୍ଷ ପରେ ପୁଣିଥରେ ରୂପେଲି ପରଦାକୁ ଜବରଦସ୍ତ ସହ ଫେରୁଛନ୍ତି। ଏକ ରିପୋର୍ଟ ଅନୁଯାୟୀ ଫିଲ୍ମ ରିଲିଜ୍ ଦିନ ଚେନ୍ନାଇ, ତାଙ୍କ ହୋମ୍ଟାଉନ୍ ଏବଂ ବେଙ୍ଗାଲୁରୁର ଅନେକ କାର୍ଯ୍ୟକ୍ଷେତ୍ରରେ କର୍ମଚାରୀଙ୍କ ପାଇଁ ଛୁଟି ଘୋଷଣା କରାଯାଇଛି।
‘ଜେଲର’ ଆସିବା ନେଇ ସୁପରଷ୍ଟାର ରଜନୀକାନ୍ତଙ୍କ ପାଇଁ ମଧ୍ୟ ଉତ୍ସାହ ବହୁତ ବୃଦ୍ଧି ପାଇଛି। କୁହାଯାଉଛି ଯେ 'ଜେଲର' ପ୍ରଥମ ଦିନରେ ତାଙ୍କ ନିଜ ରାଜ୍ୟରେ ୯୦% ରୁ ଅଧିକ ସ୍କ୍ରିନ୍ କବ୍ଜା କରିବ, ଯାହା ରଜନୀକାନ୍ତଙ୍କ ପାଇଁ ଏକ ଐତିହାସିକ ଡେବ୍ୟୁ ହେବ।
Also Read
ଅଧିକ ପଢ଼ନ୍ତୁ: 'ଜେଲର୍' ରିଲିଜ୍ ପରେ ଫିଲ୍ମରୁ ବ୍ରେକ୍ ନେବେ ରଜନିକାନ୍ତ; ହିମାଳୟ ଯିବେ !
ନେଲ୍ସନ୍ ଦିଲୀପ କୁମାରଙ୍କ ନିର୍ଦ୍ଦେଶିତ 'ଜେଲର' ଏକ ମନୋରଂଜନ ଧର୍ମୀ-ଆକ୍ସନ୍ ପ୍ୟାକ୍ରେ ଭରପୂର। ଏଥିରେ ରଜନୀକାନ୍ତ ଜଣେ ଅବସରପ୍ରାପ୍ତ ପୋଲିସ ଅଧିକାରୀ ଭାବରେ ଦେଖାଦେବେ। ବିଶ୍ୱାସ କରାଯାଏ ଯେ ନିର୍ଦ୍ଦେଶକ ଫିଲ୍ମରେ ଅନେକ ଭାବପ୍ରବଣତାକୁ ବୁଣିଛନ୍ତି।
‘ଜେଲର’ର ଆଡଭାନ୍ସ ବୁକିଂ ୫ ଅଗଷ୍ଟରୁ ଆରମ୍ଭ ହୋଇଥିଲା ଏବଂ ଖୁବ ଶୀଘ୍ର ତାମିଲନାଡୁ, କର୍ଣ୍ଣାଟକ ଏବଂ ଆନ୍ଧ୍ରପ୍ରଦେଶର ଅନେକ ସହରରେ ୧୫ ଅଗଷ୍ଟ ପର୍ଯ୍ୟନ୍ତ ସମସ୍ତ ଶୋ’ ବୁକ୍ ହୋଇଯାଇଥିଲା। ବାଣିଜ୍ୟ ବିଶ୍ଳେଷକ ବିଜୟବାଲାନ୍ ମଧ୍ୟ ପୂର୍ବ ଦିନ ବୁକିଂ ସିଟ୍ର ସ୍କ୍ରିନ୍ସଟ୍ ଶେୟାର କରିଥିଲେ।
ସୂଚନା ଅନୁଯାୟୀ, ଟ୍ୱିଟର ତଥା ଅନ୍ୟାନ୍ୟ ସୋସିଆଲ ମିଡିଆ ପ୍ଲାଟ୍ଫର୍ମରେ ଟିକେଟ୍ ବ୍ଲାକ୍ରେ ବିକ୍ରି ହେଉଛି, ଯାହାର ମୂଲ୍ୟ ୫୦୦୦ ପର୍ଯ୍ୟନ୍ତ ରହିଛି। ଲୋକେ ଏହାକୁକୁ ମଧ୍ୟ କିଣୁଛନ୍ତି।
ରଜନୀକାନ୍ତଙ୍କୁ ୨ ବର୍ଷ ପରେ ପରଦାରେ ଜେଲର ଭାବରେ ଦେଖିବା ପାଇଁ ପ୍ରଶଂସକମାନେ ମଧ୍ୟ ଯେକୌଣସି ମୂଲ୍ୟ ଦେବାକୁ ପ୍ରସ୍ତୁତ। ଏହି କାରଣରୁ ତାମିଲନାଡୁ ଏବଂ କର୍ଣ୍ଣାଟକର ଅନେକ କମ୍ପାନୀ ଛୁଟି ଘୋଷଣା କରିଛନ୍ତି। କେବଳ ଏତିକି ନୁହେଁ, କମ୍ପାନୀର କର୍ମଚାରୀମାନଙ୍କୁ ମଧ୍ୟ ଫିଲ୍ମ ଟିକେଟ୍ ଦିଆଯାଉଛି ବୋଲି ଶୁଣିବାକୁ ମିଳିଛି।
ଏହି ଫିଲ୍ମ ଚାହିଦା ଦେଖି ଚେନ୍ନାଇ ଏବଂ ତାମିଲନାଡୁର ଅଧିକାଂଶ ସିନେମା ହଲ୍ ରିଲିଜ୍ ଦିନ ସକାଳୁ ଶୋ’ ଆରମ୍ଭ କରୁଛନ୍ତି। ବାଙ୍ଗାଲୋର ଭଳି ଜାଗାରେ ମଧ୍ୟ ଅନେକ ପରଦାରେ ସକାଳ ୬ଟାରେ ଶୋ ଆରମ୍ଭ ହେବ। ବାଣିଜ୍ୟ ବିଶ୍ଳେଷକ ମନୋବାଲା ବିଜୟବାଲାନ ବେଙ୍ଗାଲୁରୁ ହଲ୍ର ସ୍କ୍ରିନଗ୍ରାଫ୍ ଶେୟାର କରିଛନ୍ତି ଯେଉଁଥିରେ ‘ଜେଲର’ ସକାଳର ଶୋ’ର ଟିକେଟ୍ ମୂଲ୍ୟ ୮୦୦ରୁ ୧୪୦୦ ଟଙ୍କା ମଧ୍ୟରେ ରହିଛି।
ରଜନୀକାନ୍ତଙ୍କ ଫିଲ୍ମର ଟିକେଟ୍ ପାଇଁ ଲୋକଙ୍କ ମଧ୍ୟରେ ଝଗଡା ହେବା ମଧ୍ୟ ଶୁଣିବାକୁ ମିଳିଛି। ସୂଚନା ଅନୁଯାୟୀ, ପ୍ରଥମ ଦିନର ପ୍ରଥମ ଶୋ’ ପାଇଁ ଟିକେଟ୍ ନ ପାଇ ଲୋକମାନେ ଥିଏଟର ମ୍ୟାନେଜରଙ୍କ ଉପରେ ଆକ୍ରମଣ କରିଥିଲେ, ଯିଏ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି।
ଏହି ଫିଲ୍ମରେ ରଜନୀକାନ୍ତଙ୍କ ବ୍ୟତୀତ ତମନ୍ନା ଭାଟିଆ, ପ୍ରିୟଙ୍କା ମୋହନ, ଶିବ ରାଜକୁମାର, ରାମ୍ୟା କୃଷ୍ଣନ, ଯୋଗୀ ବାବୁ, ବସନ୍ତ ରବି ଏବଂ ବିନାୟକାନ୍ ପ୍ରମୁଖ ଭୂମିକାରେ ଅଛନ୍ତି। ଫିଲ୍ମ ନିର୍ମାତା ମାଲାୟାଲମ୍ ଅଭିନେତା ମୋହନଲାଲଙ୍କୁ ମଧ୍ୟ ଏକ କେମିୟୋ ଭୂମିକାରେ ଫିଲ୍ମରେ ଦେଖେଇଛନ୍ତି।
