ସ୍ମାର୍ଟସ୍କୁଲର ଅସଲ ଚିତ୍ର : ପିଲାଙ୍କ ପାଇଁ ଆଲମିରା ପାଲଟିଛି କଳାପଟା

ସ୍କୁଲରେ କଳାପଟା ନାହିଁ । ଆଲମିରା ସାମ୍ନା ପଟକୁ କଳାପଟା ଭାବେ ବ୍ୟବହାର କରାଯାଇ ପାଠ ପଢାଉଛନ୍ତି ଶିକ୍ଷୟିତ୍ରୀ । ରାଜ୍ୟ ସରକାରଙ୍କ ଡ୍ରିମ ପ୍ରୋଜେକ୍ଟ ସ୍ମାର୍ଟ ସ୍କୁଲର ଏହା ହେଉଛି ଅସଲ ଚିତ୍ର । ଏ ଦୃଶ୍ୟ ସ୍ମାର୍ଟ ସ୍କୁଲର ପ୍ରକୃତ ହାଲ୍ ବଖାଣୁଛି । 

ସୁବର୍ଣ୍ଣପୁର ଜିଲ୍ଲା ବିନିକା ବାଳକ ବିଦ୍ୟାଳୟର ପିଲାମାନେ ତଳେ ବସି  ପାଠ ପଢୁଥିବା ବେଳେ ଶ୍ରେଣୀରେ କଳାପଟା ଟିଏ ନାହିଁ ।  ତେଣୁ ଶିକ୍ଷୟିତ୍ରୀ ବାଧ୍ୟ ହୋଇ ଆଲମିରାକୁ କଳାପଟା ଭାବେ ବ୍ୟବହାର କରୁଛନ୍ତି । ଆଶ୍ଚର୍ଯ୍ୟର କଥା ଏହି ସ୍କୁଲରେ ୪୫ ଲକ୍ଷ ଟଙ୍କା ବ୍ୟୟରେ ୫ଟି ପ୍ରୟୋଗଶାଳା ତିଆରି କରାଯାଇଛି । କାମ ସରିବା ଆଗରୁ ଉଦଘାଟନ ବି ହୋଇଛି । କିନ୍ତୁ ସ୍କୁଲରେ କଳାପଟାଟେ ବି ନାହିଁ  । ଏହି ଦୃଶ୍ୟ ରାଜ୍ୟ ସରକାରଙ୍କ ସ୍ମାର୍ଟ ସ୍କୁଲ ଅଭିଯାନକୁ ଉପହାସ କରୁଛି କହିଲେ କିଛି ଭୁଲ୍ ହେବ ନାହିଁ  ।

ଚାଲିଛି '5T' ପାଠପଢା#Binika#OTVpic.twitter.com/RctPKSzgFH

— ଓଟିଭି (@otvkhabar) September 12, 2022

ପିଲାମାନଙ୍କୁ ରାଜ୍ୟ ସରକାର କେମିତି ସ୍ମାର୍ଟ କରୁଛନ୍ତି ଏଇ ଦୃଶ୍ୟକୁ ଦେଖିଲେ ଠିକ୍ ଜଣାପଡୁଛି । ଦିନେ କିମ୍ବା ଦୁଇଦିନ ନୁହଁ ମାସମାସ ଧରି ଏଠାରେ ଏମିତି ଚାଲିଛି ପିଲାଙ୍କ ଭବିଷ୍ୟତ ଗଢା ।