ଏଣିକି ଯୁକ୍ତ ଦୁଇ ଛାତ୍ରଛାତ୍ରୀ ମଧ୍ୟ ୟୁଟ୍ୟୁବ୍‌ରେ ପାଠ ପଢ଼ିବେ

ଭୁବନେଶ୍ୱର: ଏଣିକି ୟୁଟ୍ୟୁବ୍‌ରେ ପାଠ ପଢ଼ିବେ ଯୁକ୍ତ ଦୁଇ ପ୍ରଥମ ଓ ଦ୍ୱିତୀୟ ବର୍ଷ ଛାତ୍ରଛାତ୍ରୀ । ୟୁଟ୍ୟୁବ୍‌ରେ ପାଠ ପଢ଼ିବା ନେଇ ସୂଚନା ଦେଇଛନ୍ତି ଗଣଶିକ୍ଷା ମନ୍ତ୍ରୀ ସମୀର ଦାଶ । ପୂର୍ବରୁ ପ୍ରଥମରୁ ଦଶମ ଯାଏ ପିଲାଙ୍କୁ ୟୁଟ୍ୟୁବ୍‌ରେ ପଢ଼ା ଯାଉଥିଲା । ଆଉ ଏବେ ଯୁକ୍ତ ୨ ପିଲାଙ୍କୁ ମଧ୍ୟ ପାଠ ପଢ଼ାଯିବା ନେଇ ନିଷ୍ପତ୍ତି ହୋଇଥିବା ମନ୍ତ୍ରୀ କହିଛନ୍ତି ।

କରୋନା ମହାମାରୀ ଯୋଗୁ ବିପର୍ଯ୍ୟସ୍ତ ହୋଇପଡ଼ିଛି ସ୍ୱାଭାବିକ ଜୀବନଯାତ୍ରା । ବିଶେଷକରି ପିଲାଙ୍କ ପାଠପଢାରେ ପ୍ରଭାବ ପକାଇଛି ମହାମାରୀ । ସ୍କୁଲ, ଟିଉସନ ସବୁ ବନ୍ଦ । ଅନ୍‌ଲାଇନ କ୍ଲାସରେ ଅନେକ ସମସ୍ୟା ରହିଛି । କେଉଁଠି ଇଣ୍ଟରନେଟ୍‌ ନାହିଁ ତ କେଉଁଠି ଡାଟା ସରି ଯାଉଛି । ଯାହା ବି ହେଉ, ଘରୋଇ ସ୍କୁଲ ପିଲାମାନଙ୍କର ଅନ୍‌ଲାଇନ କ୍ଲାସ ଜାରି ରହିଥିବା ବେଳେ ବେଶି ଅସୁବିଧାର ସମ୍ମୁଖୀନ ହେଉଥିଲେ ସରକାରୀ ସ୍କୁଲରେ ପଢୁଥିବା ଛାତ୍ରଛାତ୍ରୀ । ତେବେ ପ୍ରଥମେ ପ୍ରଥମରୁ ଦଶମ ଶ୍ରେଣୀ ଯାଏଁ ପିଲାଙ୍କୁ ୟୁଟ୍ୟୁବରେ ଶିକ୍ଷାଦାନ ଲାଗି ଯୋଜନା ପ୍ରସ୍ତୁତ ହୋଇଥିଲା । ଆଉ ଏବେ ଯୁକ୍ତ ଦୁଇ ପିଲା ମଧ୍ୟ ପଢ଼ିବେ ଅନ୍‌ଲାଇନ୍‌ରେ । 

Also Read

ଅଟୋ ଚାଳକଙ୍କ ପୁଅ କୁନି ବୈଜ୍ଞାନିକ : ମାତ୍ର ୧୪ ବର୍ଷ ବୟସରେ ଏରୋପ୍ଲେନ୍, ମୋଟର ବୋଟ୍, ଜେସିବିର ମଡ଼େଲ୍ ତିଆରି କରୁଛନ୍ତି ଆଦିତ୍ୟ

ତାଲିବାନୀ ଶାସନ ବିରୋଧରେ, ନିଜ ହକ୍‌ ପାଇଁ ଆଫ୍‌ଗାନ୍‌ ମହିଳାଙ୍କ ଆନ୍ଦୋଳନ..

ଅଗଷ୍ଟ ୨୦ରୁ ୨୫ ଭିତରେ ବଣ୍ଟା ହେବ BSKY ସ୍ମାର୍ଟ ହେଲ୍‌ଥ କାର୍ଡ : ଏସ୍ଓପି ପ୍ରସ୍ତୁତ କରିସାରିଛନ୍ତି ରାଜ୍ୟ ସରକାର

କେଉଁ ଦିନ କେଉଁ ବିଷୟରେ ପାଠପଢା ହେବ ସେନେଇ ରୁଟିନ୍ ବି ପ୍ରକାଶ ପାଇବ । ଯେମିତି ସ୍କୁଲ ପିଲାଙ୍କ ପାଇଁ ପ୍ରକାଶ ପାଇଥିଲା । ୟୁଟ୍ୟୁବରେ ଯେଉଁ ବିଷୟ ପଢାଯିବ, ତାହା ବିଦ୍ୟାଳୟର ସମ୍ପୃକ୍ତ ବିଷୟର ଶିକ୍ଷକ ଦେଖିବେ ଏବଂ ଛାତ୍ରଛାତ୍ରୀଙ୍କ ମଧ୍ୟରେ ରହୁଥିବା ଦ୍ୱନ୍ଦ୍ୱକୁ ଚାଟ୍ ଓ ଭଏସ କଲ୍ ମାଧ୍ୟମରେ ଦୂର କରିବେ ।

ତେବେ ସବୁଠାରୁ ବଡ଼ କଥା ହେଲେ, ଯେତେବେଳେ ସ୍କୁଲ ପିଲାଙ୍କ ପାଇଁ ୟୁଟ୍ୟୁବ୍‌ କ୍ଲାସ୍‌ ଆରମ୍ଭ ହେଲା, ସେତେବେଳେ ରାଜ୍ୟରେ ମାତ୍ର ୪୦ ପ୍ରତିଶତ ପିଲାଙ୍କ ପାଖରେ ଇଣ୍ଟରନେଟ ସୁବିଧା ପହଞ୍ଚି ପାରିଥିଲା । ହେଲେ ଉପାନ୍ତ ଅଞ୍ଚଳ ତଥା ଗ୍ରାମାଞ୍ଚଳରେ ରହୁଥିବା ୬୦ ପ୍ରତିଶତ ପିଲା ଏହି ସୁବିଧା ପାଇପାରି ନାହାନ୍ତି । ତେଣୁ ଏଥିନିମନ୍ତେ ଶିକ୍ଷକମାନେ ଭିଡିଓ କରି ସେମାନଙ୍କୁ ପାଠ ପଢ଼ାଇବେ ବ୍ୟବସ୍ଥା କରିବାକୁ ଚେଷ୍ଟା କରିଥିଲେ । 

OTV is now on Whatsapp

Join and get latest news update delivered to you via whatsapp

Join Now