• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Satyendu Shekher Mishra

ସବୁ ଆଶା ଆଶଙ୍କାର ଅବସାନ ଘଟାଇ ଆସନ୍ତାକାଲି ପ୍ରକାଶ ପାଇବାକୁ ଯାଉଛି ଯୁକ୍ତ ଦୁଇ ରେଜଲ୍ଟ। ଦିନ ୧୧ଟାରେ ଭୁବନେଶ୍ବର ଉଚ୍ଚ ମାଧ୍ୟମିକ ଶିକ୍ଷା ପରିଷଦ କାର୍ଯ୍ୟାଳୟରେ ଆନୁଷ୍ଠାନିକ ଭାବେ ଘୋଷଣା ହେବ ପରୀକ୍ଷା ଫଳ। କେବଳ ବିଜ୍ଞାନ ଓ ବାଣିଜ୍ୟ ବିଭାଗର ଫଳ ଆସନ୍ତାକାଲି ପ୍ରକାଶ ପାଇବ। ଆନୁଷ୍ଠାନିକ ରେଜଲ୍ଟ ଘୋଷଣା ପରେ ଛାତ୍ରଛାତ୍ରୀ ମାନ www.orissaresults.nic.in ୱବସାଇଟ ଓ ସାମ୍ସ ପୋର୍ଟାଲ୍ ରୁ ନିଜ ନିଜର ରେଜଲ୍ଟ ଜାଣିପାରିବେ

ଚଳିତ ବର୍ଷ ପରୀକ୍ଷା ମାର୍ଚ୍ଚ ୧ରୁ ଏପ୍ରିଲ୍ ୫ ଯାଏ ଅନୁଷ୍ଠିତ ହୋଇଥିଲା । କଳାରେ ୨ଲକ୍ଷ ୧୯ହଜାର ୧୧୦, ବିଜ୍ଞାନରେ ୯୧,୩୭୯, ବାଣିଜ୍ୟରେ ୨୩,୧୪୮ଜଣ ଓ ଧନ୍ଦାମୂଳକ ଶିକ୍ଷାରେ ୫ହଜାର ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି । ତବର୍ଷ ଯୁକ୍ତଦୁଇ ବିଜ୍ଞାନରେ ପାସ୍ ହାର ୯୪.୧୨ ପ୍ରତିଶତ ଓ ବାଣିଜ୍ୟରେ ୮୯.୨ ପ୍ରତିଶତ ରହିଥିଲା।

ଅନ୍ୟପଟେ କଳା ଓ ଧନ୍ଦାମୂଳକ ଶିକ୍ଷା ପରୀକ୍ଷା ଫଳ ପ୍ରକାଶନରେ ବିଳମ୍ବକୁ ନେଇ ପରୀକ୍ଷାର୍ଥୀଙ୍କ ଭିତରେ ପ୍ରବଳ ଅସନ୍ତୋଷ। CBSE ଓ CISCE ବୋର୍ଡ ରେଜଲ୍ଟ ୧୫ ଦିନ ତଳୁ ପ୍ରକାଶ ପାଇସାରିଲାଣି। ଯେଉଁଥିପାଇଁ ଚିନ୍ତାରେ ଅଭିଭାବକ ଓ ଛାତ୍ରଛାତ୍ରୀ । ବଢୁଥିବା ଅସନ୍ତୋଷକୁ ଦୃଷ୍ଟିରେ ରଖି ଉଚ୍ଚ ମାଧ୍ୟମିକ ଶିକ୍ଷା ପରିଷଦ କେବଳ ବିଜ୍ଞାନ ଓ ବାଣିଜ୍ୟ ପରୀକ୍ଷା ଫଳ ତାରିଖକୁ ଘୋଷଣା କରିଦେଇଛନ୍ତି। ପରିଷଦର ବ୍ୟବସ୍ଥାଗତ ତ୍ରୁଟି ପାଇଁ ପ୍ରତିବର୍ଷ ଏସମସ୍ୟା ଉପୁଜୁଛି। ପରିଷଦର ନୀତିରେ ସ୍ପଷ୍ଟତା ଆସିଲେ ରେଜଲ୍ଟ ଠିକ୍ ସମୟରେ ପ୍ରକାଶ ପାଇ ପାରିବ ବୋଲି ଶିକ୍ଷାବିତ୍‌ଙ୍କ ମତ ।

ନିୟମ ଅନୁଯାୟୀ ପରୀକ୍ଷା ଶେଷ ହେବାର ୪୫ ଦିନ ଭିତରେ ପରୀକ୍ଷା ଫଳ ପ୍ରକାଶ ପାଇବା କଥା। ମାତ୍ର ପରିଷଦ ରେଜଲ୍ଟ ପ୍ରକାଶନ ପାଇଁ ଦୁଇ ମାସ ସମୟ ନେବା ତ୍ରୁଟି ଶୂନ୍ୟ ମୂଲ୍ୟାୟନ ଉପରେ ପ୍ରଶ୍ନବାଚୀ ଲଗାଇଛି ।

 

  • Reported by:
  • DEBASHISH MOHANTY , JAGDISH DAS , BIBARTAN PANDA