ଧରା ପଡ଼ିଲା ୱେବ ସାମ୍ବାଦିକଙ୍କ କଳା କାରନାମା

କୋରାପୁଟ: ସାମ୍ନାକୁ ଆସିଲା ପୁଣି ଜଣେ ୱେବ ସାମ୍ବାଦିକଙ୍କ କଳା କାରନାମା । ଗଞ୍ଜେଇ ଚୋରା ଚାଲାଣ ବେଳେ ପୋଲିସ ହାତରେ ଧରା ପଡିଲେ ଜଣେ ୱେବ ସାମ୍ବାଦିକ ହେମନ୍ତ ଟାକ୍ରିଙ୍କ ସମେତ ୫ ଗଞ୍ଜେଇ ଚାଲାଣକାରୀ । ସେ କୋରାପୁଟ ବୈପାରୀଗୁଡ଼ାର ବିଶ୍ୱବିଜୟୀ ୱେବ ପୋର୍ଟାଲ ସାମ୍ବାଦିକ ବୋଲି ଜଣାପଡ଼ିଛି ।

ମାଲକାନଗିରି ଜିଲ୍ଲା ଖଇରପୁଟ ବ୍ଲକ ମୁଦୁଲିପଡା ଥାନା ଓ.ଆଇ.ସିଙ୍କ ନେତୃତ୍ୱ ରେ ପୋଲିସ ଏକ ଟିମ ଝରିଆଗୁଡା ଠାରେ ଗାଡି ଯାଞ୍ଚ କରୁଥିବା ବେଳେ ଗଂଜେଇ ଜବତ ହୋଇଛି।  ଯାଂଚ ବେଳେ ଏକ ପିକଅପ୍ ଗାଡି ଓ କାର ଦ୍ରୁତଗତିରେ ଜୟପୁର ଅଭିମୁଖେ ଯାଉଥିଲା । ପୋଲିସ  ପ୍ରଥମେ ଗାଡି ଗୁଡିକୁ ଅଟକାଇବା ପାଇଁ ଚେଷ୍ଟା କରିଥିଲା। ତେବେ ସମ୍ପୃକ୍ତ ଗାଡି ଚାଳକ ଗାଡି ନଅଟକାଇ ଦ୍ରୁତଗତିରେ ଜୟପୁର ଅଭିମୁଖେ ଚାଲି ଯାଇଥିଲେ।

Also Read

ଗୁରୁଜୀଙ୍କ ଗିରଫ ଦାବିରେ ଗର୍ଜିଲା ଆଦିବାସୀ ସଂଘ

ସେପ୍ଟେମ୍ବର ୫ ସୁଦ୍ଧା ସବୁ ଶିକ୍ଷକଙ୍କୁ ଦିଆଯିବ ଟିକା

ନଦୀର ରୌଦ୍ର ରୂପ : ୧୭୧ଟି ଗାଁ ବନ୍ୟା ପ୍ରଭାବିତ, ବାସହରା ହେଲେ ହଜାର ହଜାର ଲୋକ

 ଚେକିଙ୍ଗ ଦାୟିତ୍ୱରେ ଥିବା ପୋଲିସ କର୍ମୀ ଗାଡି ଗୁଡିକୁ ପିଛା କରି ଧରିବାରେ ସକ୍ଷମ ହୋଇଥିଲେ । ଗା଼ଡ଼ି ଯାଂଚ ବେଳେ ବିପୁଳ ପରିମାଣର ଗଞ୍ଜେଇ ଥିବା ପୋଲିସ ଜାଣିବାକୁ ପାଇଥିଲା।  ଏହାପରେ ୨ଟି ଗାଡି ଓ ୫ ଜଣଙ୍କୁ ମୁଦୁଲିପଡା ଥାନାକୁ ନେଇ ପଚରା ଉଚରା କରିଥିଲା ପୋଲିସ ।

ଚିତ୍ରକୋଣ୍ଡା ଅଞ୍ଚଳରୁ ବାହାର ରାଜ୍ୟକୁ ଗଂଜେଇ ନେଉଥିବା ଗିରଫ ଅଭିଯୁକ୍ତ ସ୍ୱୀକାର କରିଥିବା ପୋଲିସ କହିଛି।  ଏହି ଚଢାଉ ବେଳେ ୧୫ଶହ କେଜିରୁ ଅଧିକ ଗଂଜେଇ ଜବତ କରିଛି ପୋଲିସ ।

ଏ ନେଇ  ଚିତ୍ରକୋଣ୍ଡା ଏସଡିପିଓ ଅଂଶୁମାନ ଦ୍ୱିବେଦୀ କହିଛନ୍ତି, ଝରିଆଗୁଡା ନିକଟରେ ଚେକିଂ ଚାଲିଥିବାବେଳେ ଦ୍ରୁତ ଗତିରେ ଯାଉଥିବା ଗାଡ଼ିକୁ ଦେଖି ସନ୍ଦେହ ହୋଇଥିଲା। ପୋଲିସକୁ ଦେଖି ସେମାନେ ଦୌଡି ପଳାଇ ଯାଉଥିଲେ। ଆମେ ସେମାନଙ୍କୁ ଗୋଡ଼ାଇ ଗୋଡ଼ାଇ ଧରିଥିଲୁ । ଗାଡିରୁ ପ୍ରାୟ ଦେଢ କୋଟି ଟଙ୍କାର ଗଞ୍ଜେଇ ଜବତ ହୋଇଛି। ତଦନ୍ତ ଚାଲିଛି। 

,