ବେଶ ବଦଳାଇ ଚକମା ଦେଉଥିଲେ, ୮ ବର୍ଷ ପରେ ପୂର୍ବତନ ବିଡିଓଙ୍କୁ ବାନ୍ଧିଲା ପୋଲିସ

ବିଳମ୍ବରେ ହେଉ ପଛେ ବନ୍ଧାହେଲା ଅଭିଯୁକ୍ତ । ୮ ବର୍ଷ ପରେ ପୂର୍ବତନ ବିଡିଓ ଗିରଫ । କୋରାପୁଟ ନାରାୟଣପାଟଣାର ପୂର୍ବତନ ବିଡିଓ ରମେଶ ଚନ୍ଦ୍ର ସାହୁଙ୍କୁ ଦିଲ୍ଲୀରୁ ଗିରଫ କଲା ଭିଜିଲାନ୍ସ । ୭ଟି ଦୁର୍ନୀତି ମାମଲାରେ ୱାଣ୍ଟେଡ୍ ଥିଲେ ରମେଶ ସାହୁ।

ଦୀର୍ଘ ୮ ବର୍ଷ ହେବ ଫେରାର ଥିବା ବେଳେ ଶେଷରେ ଦିଲ୍ଲୀରୁ ତାଙ୍କୁ ଗିରଫ କରାଯାଇଛି । ଦିଲ୍ଲୀ କୋର୍ଟରେ ହାଜର ପରେ ଟ୍ରାଞ୍ଜିଟ୍ ରିମାଣ୍ଡରେ ଓଡ଼ିଶା ଅଣାଯାଉଛି । ତାଙ୍କ ନାଁରେ ୭ଟି ପ୍ରକଳ୍ପରେ ୩୪ ଲକ୍ଷ ଟଙ୍କା ହଡ଼ପ ମାମଲା ରହିଛି। ଅଙ୍ଗନବାଡି କେନ୍ଦ୍ର, ରାସ୍ତା ନିର୍ମାଣ, ଡାଇଭରସନ ରାସ୍ତା ସହ NREGS କାମରେ ଏହି ଠକେଇ ହୋଇଥିବା ଅଭିଯୋଗ ହୋଇଛି।

#ଫେରାର_ପୂର୍ବତନ_ବିଡିଓ_ଦିଲ୍ଲୀରୁ_ଗିରଫ
କୋରାପୁଟ ନାରାୟଣପାଟଣାର ପୂର୍ବତନ ବିଡିଓ ଦିଲ୍ଲୀରୁ ଗିରଫ । ପୂର୍ବତନ ବିଡିଓ ରମେଶ ଚନ୍ଦ୍ର ସାହୁଙ୍କୁ ଦିଲ୍ଲୀରୁ ଗିରଫ କଲା ଭିଜିଲାନ୍ସ । ୮ ବର୍ଷ ହେବ ଫେରାର ପୂର୍ବତନ ବିଡିଓ ଦୁର୍ନୀତି ମାମଲାରେ ଗିରଫ ।#Koraput#Odisha#OTVpic.twitter.com/ki4sAamlI7

— ଓଟିଭି (@otvkhabar) August 21, 2023

ଗିରଫଦାରୀକୁ ଏଡ଼ାଇବାକୁ ସେ ଦିଲ୍ଲୀ ଫେରାର ହୋଇ ଯାଇଥିଲେ। ସେବେଠୁ ତାଙ୍କୁ ଭିଜିଲାନ୍ସ ଖୋଜୁଥିବା ବେଳେ ତାଙ୍କ ପତ୍ତା ପାଇ ପାରୁ ନ ଥିଲା।ଦିଲ୍ଲୀରେ ରହିବା ସମୟରେ ସେ ବାରମ୍ବାର ରହିବା ସ୍ଥାନ ବଦଳାଉଥିଲେ । ପ୍ରଥମେ ଭଡ଼ାରେ ଘର ନେଇ ଦିଲ୍ଲୀ ଏବଂ ଆଖପାଖ ଅଂଚଳରେ ରହିଥିଲେ । ପରେ ଲୁଚିବା ସହ ଗିରଫକୁ ଏଡାଇବାକୁ ଆସାମ ଚାଲିଯାଇଥିଲେ । 

କିଛି ଦିନ ପୂର୍ବେ ବିଶ୍ୱସ୍ତ ସୂତ୍ରରୁ ଖବର ପାଇ ଓଡ଼ିଶାର ଭିଜିଲାନ୍ସ ଟିମ୍‌ ଦିଲ୍ଲୀ ଯାଇଥିଲା । ଆଜି ଆସାମରୁ ଦିଲ୍ଲୀ ଫେରିବା ବେଳେ ତାଙ୍କୁ ଗିରଫ କରିଥିଲା ପୋଲିସ ।. ସେଠାରେ ସେମାନେ ରମେଶଙ୍କୁ ବାନ୍ଧିଥିବା ବେଳେ ସେଠାକାର କୋର୍ଟରେ ହାଜର କରାଯାଇଥିଲା । ଏହାପରେ ତାଙ୍କୁ ଓଡ଼ିଶା ଅଣାଯାଉଛି ।