ଯାଜପୁର ପାଣିକୋଇଲିରେ ଚାଞ୍ଚଲ୍ୟ। ଜୁଏରାଲୀ ଦୋକାନରୁ ଫିଲ୍ମ ଷ୍ଟାଇଲରେ ସଶସ୍ତ୍ର ଡକାୟତି। ଲୁଟେରାଙ୍କ ଗୁଳିମାଡ଼ରେ ଚାଲିଗଲା ଜଣେ କର୍ମଚାରୀ ଓ ଜଣେ ସାଧାରଣ ଲୋକଙ୍କ ଜୀବନ। ଆଜି ଦିନ ପ୍ରାୟ ୨ଟା ବେଳେ ପାଣିକୋଇଲି ବଜାରରେ ଥିବା ପଣ୍ଡା ଅଳଙ୍କାରରେ ଲୁଟ୍ ଓ ଫାୟାରିଂ ଆତଙ୍କ ଖେଳାଇଥିଲେ ୪-୫ ଜଣ ଦୁର୍ବୃତ୍ତ। ଜଣେ ଲୋକଙ୍କଠାରୁ ବାଇକ୍ ଛଡ଼ାଇ ଫିଲ୍ମ ଷ୍ଟାଇଲରେ ଚମ୍ପଟ ମାରିବା ବେଳେ ଲୋକଙ୍କ ହାବୁଡ଼ରେ ପଡ଼ିଥିଲେ ଲୁଟେରା। ଜଣଙ୍କୁ ଉତ୍ତମ ମଧ୍ୟମ ଦେଇଥିଲେ ଉତ୍ୟକ୍ତ ଲୋକ। ଆଉ ଜଣଙ୍କୁ ଜୁଏଲାରୀ ଦୋକାନରୁ ହେପାଜତକୁ ନେଇଛି ପୋଲିସ।
ଲୁଟ୍ ପାଇଁ ଫାୟାରିଂ। ଦିନ ଦ୍ବିପ୍ରହରରେ ଜୁଏଲାରୀ ଦୋକାନରେ ଆତଙ୍କରାଜ। ଡକାୟତି ବେଳେ ଫୁଟିଲା ଗୁଳି। ଦୁର୍ବୃତ୍ତଙ୍କ ଗୁଳିମାଡ଼ରେ ଚାଲିଗଲା ୨ ଜୀବନ। ସ୍ପଟରେ ଜଣେ ଓ
Also Read
ଅଧିକ ପଢ଼ନ୍ତୁ: ମଣପୁରମ୍ ଫାଇନାନ୍ସ କମ୍ପାନୀରେ ସଶସ୍ତ୍ର ଡକାୟତି, ୩୦ କେଜି ସୁନା ଧରି ଚମ୍ପଟ ମାରିଲେ ଲୁଟେରା
ଫାୟାରିଂ ଘଟଣା ପରେ ପାଣିକୋଇଲିରେ ଦେଖାଦେଇଥିଲା ପ୍ରବଳ ଉତ୍ତେଜନା। ଜୁଏଲାରୀ ଦୋକାନରେ ଗୁଳିମାଡ଼ ଖବର ବିଜୁଳି ବେଗରେ ବ୍ୟାପିଥିଲା। ରୁଣ୍ଡ ହୋଇଥିଲା ଶହଶହ ଲୋକ। ଗୋଟିଏ ଦୋକାନ ଭିତରେ ରହିଥିଲେ ଗୁଳି କରିଥିବା ୨ ଦୁର୍ବୃତ୍ତ। ସେମାନଙ୍କୁ ଉଦ୍ଧାର ପାଇଁ ପୋଲିସ ନାକେଦମ ହେଲା। ପୋଲିସ ଗାଡ଼ିକୁ ଘେରିଥିଲେ ଶହ ଶହ ଉତ୍ୟକ୍ତ ଲୋକ।
ସ୍ପଷ୍ଟ ଦିବାଲୋକରେ ଜୁଏଲାରୀ ଦୋକାନରୁ ସଶସ୍ତ୍ର ଲୁଟ୍ ଉଦ୍ୟମ ଅନେକ ପ୍ରଶ୍ନବାଚୀ ସୃଷ୍ଟି କରିଛି। ପୂର୍ବରୁ ଯୋଜନା କରିଥିଲେ କି ଦୁର୍ବୃତ୍ତ ? ପଣ୍ଡା ଅଳଙ୍କାରକୁ ଆସି ରେକି କରିଥିଲେ କି ? ଲୁଟେରା ହିନ୍ଦୀରେ କଥାବାର୍ତ୍ତା କରୁଥିବାରୁ ରାଜ୍ୟ ବାହାର ଗ୍ୟାଙ୍ଗର ସଂପୃକ୍ତି ରହିଛି କି ? ନା ରାଜ୍ୟର କୌଣସି ଲୁଟେରା ସାମିଲ ଅଛନ୍ତି ? ଲୁଟେରାଙ୍କ ନିକଟରୁ ଲୁଟ୍ ଗହଣା ଜବତ ହୋଇଛି। ବିଭିନ୍ନ ଦିଗକୁ ଦୃଷ୍ଟିରେ ରଖି ତନାଘନା ତଦନ୍ତ କରୁଛି ଯାଜପୁର ପୋଲିସ।