LIVE TV
ସୁବଣ୍ଣପୁର: ସୁବର୍ଣ୍ଣପୁର ଜିଲ୍ଲା ତରଭା ଏନଏସିର ୧୦ ନମ୍ବର ୱାର୍ଡର କାଉନସିଲରଙ୍କ ସ୍ୱାମୀଙ୍କୁ ଧାରୁଆ ଅସ୍ତ୍ରରେ ହାଣି ହତ୍ୟା କରାଯାଇଥିବା ଅଭିଯୋଗ ହୋଇଛି। କାଉନସିଲର ନଳିନୀ ନାୟକଙ୍କ ସ୍ୱାମୀ ସଂଜୀବ ଗୁରୁଙ୍କୁ ହତ୍ୟା କରାଯାଇଥିବା ଜଣାପଡିଛି । ଗତ ରାତିରେ ଘରେ ସଂଜୀବ ଏକାକୀ ଶୋଇଥିବା ସମୟରେ ଏହି କାଣ୍ଡ ଘଟିଥିଲା । ସଂଜୀବଙ୍କ ମୁଣ୍ଡକୁ ଧାରୁଆ ଅସ୍ତ୍ରରେ ଆକ୍ରମଣ କରାଯାଇଥିବା ସନ୍ଦେହ କରାଯାଉଛି ।
Also Read
ଆଜି ସକାଳୁ ସଞ୍ଜୀବଙ୍କ ମୃତଦେହ ରକ୍ତଜୁଡ଼ୁବୁଡ଼ୁ ଅବସ୍ଥାରେ ପଡ଼ିଥିବା ପରିବାର ଲୋକେ ଦେଖିଥିଲେ। ଘଟଣା ଜଣା ପଡିବା ପରେ ପତ୍ନୀ ନଳିନୀ ନାଏକ ତରଭା ଥାନାରେ ମାମଲା ରୁଜୁ କରିଛନ୍ତି । ତରଭା ପୋଲିସ ମୃତଦେହକୁ ଜବତ କରିବା ସହ ତଦନ୍ତ ଆରମ୍ଭ କରିଛି ।
ତେବେ କିଏ କାହିଁକି ସଂଜୀବକୁ ହତ୍ୟାକଲା କାରଣ ଅସ୍ପଷ୍ଟ ରହିଛି । ଏହା ରାଜନୀତିକ ହତ୍ୟାକାଣ୍ଡ ନା ଆଉ କିଛି କାରଣ ରହିଛି, ତାହା ପୁଲିସ୍ର ତଦନ୍ତ ପରେ ଜଣାପଡ଼ିବ।
