ଅନଲାଇନ୍ ମନିଗେମ୍ ଖେଳି ଜୀବନ ହାରିଲେ ଶିକ୍ଷୟିତ୍ରୀ !

ଗଞ୍ଜାମ ପାଟପୁର ଥାନା ଡେଙ୍ଗାଡ଼ି ଗାଁରେ ଅଭାବନୀୟ ଘଟଣା ଘଟିଛି । ଘର ଭିତରୁ ପତ୍ନୀଙ୍କ ମୃତଦେହ ସହ ସ୍ୱାମୀଙ୍କୁ ସଙ୍କଟାପନ୍ନ ଅବସ୍ଥାରେ ଉଦ୍ଧାର କରାଯାଇଛି । ଅନଲାଇନ୍ ମନି ଗେମ୍ ପାଇଁ ଉଭୟ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ତେବେ ସ୍ତ୍ରୀଙ୍କ ଜୀବନ ଯାଇଥିବା ବେଳେ ସ୍ୱାମୀଙ୍କୁ ଉଦ୍ଧାର କରାଯାଇଛି। ଉଭୟ ସ୍ୱାମୀ-ସ୍ତ୍ରୀ ଶିକ୍ଷକ-ଶିକ୍ଷୟିତ୍ରୀ ଥିବା ସୂଚନା ମିଳିଛି ।

ଏହି ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ଅନଲାଇନ୍ ମନି ଗେମ୍ ପାଇଁ ଏଭଳି ଘଟଣା ଘଟିଥିବା କୁହାଯାଉଛି । ଏନେଇ ପୋଲିସ ସୂଚନା ପାଇବା ପରେ ଘଟଣାସ୍ଥଳରେ ପହଞ୍ଚିତଦନ୍ତ ଆରମ୍ଭ କରିଛି ।

ପୂର୍ବରୁ ଅନଲାଇନ୍‌ ଗେମ୍‌ ଯୋଗୁଁ ଅନେକ ଲୋକ ଆତ୍ମହତ୍ୟା କରିଥିବା ନଜିର ରହିଛି । ଅନଲାଇନ୍‌ ଗେମ୍‌ରେ ବହୁ ଲୋକ ଠକାମୀର ଶିକାର ମଧ୍ୟ ହୋଇଛନ୍ତି । ହେଲେ ବର୍ତ୍ତମାନ ଗଞ୍ଜାମ ପାଟପୁର ଥାନା ଡେଙ୍ଗାଡ଼ି ଗାଁର ଘଟଣା ସବୁଠି ଚର୍ଚ୍ଚାର ବିଷୟ ପାଲଟିଛି ।