ଏବେ ବି ସକ୍ରିୟ ମାନବାଦ ସଂଗଠନ ! ଜେଲରୁ ଅପରେଟ୍‌ କରୁଛନ୍ତି ମାନସ ଦାସ..

ଭୁବନେଶ୍ୱର: ଜେଲରେ ମାନବବାଦ ସଂଗଠନ ମୁଖ୍ୟ ମାନସ ଦାସ । ହେଲେ ଜାଣିଲେ ଆଶ୍ଚର୍ଯ୍ୟ ହେବେ ଜେଲରେ ଥାଇ ବି ସଂଗଠନ ଚଳାଉଛନ୍ତି ଏହି ତଥାତଥିତ ମାନବବାଦୀ । ଜାମିନରେ ଥିବା ପୁଅ ଜରିଆରେ ଲୋକଙ୍କୁ ଧମକ ଚମକ ଦେଇ ମାନସ ଦାସ ପୁଣି ସଂଗଠନ ବିସ୍ତାର କରୁଥିବା ଅଭିଯୋଗ ହୋଇଛି । ମଙ୍ଗଳବାର ରାତିରେ ଖୋର୍ଦ୍ଧା ବେଗୁନିଆର ଅଭିମାନପୁରରେ ଗ୍ରାମବାସୀଙ୍କୁ ମାରଣାସ୍ତ୍ର ଦେଖାଇ ଧମକ ଦେଉଥିବା ବେଳେ ଦୁଇ ଜଣ ଯୁବକଙ୍କୁ କାବୁ କରି ପୋଲିସ ଜିମା ଦିଆଯାଇଛି । ଆଜି ବେଗୁନିଆ ଥାନାରେ ସେମାନଙ୍କ ନାଁରେ ଏତଲା ଦେବା ସହ ସୁରକ୍ଷା ଦାବି କରିଛନ୍ତି ଗ୍ରାମବାସୀ ।

Also Read

ପୁଣି ଗୃହବନ୍ଦୀ ପିଡିପି ଅଧ୍ୟକ୍ଷା ମେହବୁବା ମୁଫତି

ନିର୍ବାଚନ ପୂର୍ବରୁ କଂଗ୍ରେସକୁ ବ୍ୟାକ୍‌ ଟୁ ବ୍ୟାକ୍‌ ଝଟ୍‌କା..

ସୋସିଆଲ୍ ମିଡିଆ ଯୋଗୁଁ ଦୀର୍ଘ ୭୦ ବର୍ଷ ପରେ ମା’ କୋଳକୁ ଫେରିଲା ପୁଅ

ତେବେ ଏହି ଘଟଣାରୁ ସ୍ପଷ୍ଟ ଯେ, ଜେଲରୁ ପରିଚାଳିତ ହେଉଛି ମାନବବାଦ ସଂଗଠନ ! ଗାଁ ଗାଁରେ ଏବେବି ଆତଙ୍କ ଖେଳାଉଛନ୍ତି ସଂଗଠନ ସଦସ୍ୟ । ମଙ୍ଗଳବାର ରାତିରେ ତଥାକଥିତ ଗୁରୁଜୀଙ୍କ କଥାରେ ଉଠବସ ହେଉଥିବା ଦୁଇ ଚେଲାଙ୍କୁ କାବୁ କରିଛନ୍ତି ଖୋର୍ଦ୍ଧା ବେଗୁନିଆର ଅଭିମାନପୁର ଗ୍ରାମବାସୀ । ନିଜକୁ ମାନବବାଦ ସଂଗଠନର ସଦସ୍ୟ କହି ଗାଁରେ ଆତଙ୍କ ଖେଳାଇଥିଲେ ଏହି ଯୁବକମାନେ । ବୋମା ଓ ବନ୍ଧୁକ ଦେଖାଇ ଲୋକଙ୍କୁ ଭୟଭୀତ କରିଥିଲେ । ସଫା ସଫା ଧମକ ଦେଇଥିଲେ, ସଂଗଠନ ବିରୋଧରେ ମୁହଁ ଖୋଲିଲେ କିମ୍ବା ସାକ୍ଷୀ ଦେଲେ ତାର ପରିଣାମ ଭୋଗିବାକୁ ପଡିବ । ତେବେ ଗାଁଲୋକ ଏକାଠି ହୋଇ ୨ ଜଣଙ୍କୁ କାବୁ କରିଥିଲେ ଏବଂ ପୋଲିସ ଜିମା ଦେଇଥିଲେ । ଆଜି ବେଗୁନିଆ ଥାନାରେ ସଂପୃକ୍ତ ଯୁବକଙ୍କ ବିରୋଧରେ ଏତଲା ଦେବା ସହ ସୁରକ୍ଷା ଯୋଗାଇବାକୁ ପୋଲିସକୁ ନିବେଦନ କରିଛନ୍ତି ଗ୍ରାମବାସୀ ।

ଏଭଳି ସ୍ଥିତିରେ ମାନବବାଦ ସଂଗଠନକୁ ଅସିଦ୍ଧ ଘୋଷଣା କରିବା ସହ ଆତଙ୍କ ସୃଷ୍ଟି କରୁଥିବା ସଂଗଠନର ଅନ୍ୟ ସଦସ୍ୟଙ୍କୁ ମଧ୍ୟ ଗିରଫ କରିବାକୁ ଦାବି ହୋଇଛି । କିଛି ଦିନ ତଳେ ରାଜ୍ୟର ୧୫ଟି ଆଦିବାସୀ ସଂଗଠନ ମିଳିତ ଭାବେ ଖୋର୍ଦ୍ଧା ଜିଲ୍ଲାପାଳ ଓ ଏସ୍‌ପିଙ୍କୁ ଭେଟି ଦାବିପତ୍ର ଦେଇଥିଲେ । ହେଲେ ପୋଲିସ ଏଯାଏଁ କୌଣସି କାର୍ଯ୍ୟାନୁଷ୍ଠାନ ନନେବାରୁ ସଂଗଠନ ପୁଣି ଅରାଜକତା ଆରମ୍ଭ କରିଦେଇଥିବା ଅଭିଯୋଗ ହୋଇଛି ।

OTV is now on Whatsapp

Join and get latest news update delivered to you via whatsapp

Join Now