ଲୁହାରଡ଼ ବୋଝେଇ ଟ୍ରକ୍‌ରୁ ମିଳିଲା ୩.୭୫ କ୍ୱିଣ୍ଟାଲ ଗଞ୍ଜେଇ

ଗଞ୍ଜେଇ ଚୋରା ଚାଲାଣ ବଢିବାରେ ଲାଗିଛି। ପ୍ରତିଦିନ କୁଇଣ୍ଟାଲ କୁଇଣ୍ଟାଲ ଗଞ୍ଜେଇ ଜବତ କରୁଛି ପୋଲିସ। କେତେବେଳେ ପୁଷ୍ପା ଷ୍ଟାଇଲରେ ଗଞ୍ଜେଇ ଚାଲାଣ ହେଉଛି ତ ଆଉ କେତେବେଳେ ଗଞ୍ଜି ତଳେ ଚାଲାଣ କରାଯାଉଛି। ତେବେ ଆଜି ଆଉ ଏକ ଅଭିନବ ଉପାୟରେ ଗଂଜେଇ ଚାଲାଣ ବେଳେ ଧରିଛି ପୋଲିସ।

ଲୁହା ରଡ୍ ତଳେ ରଖି ହେଉଥିଲା ଗଂଜେଇ ଚାଲାଣ । ପୋଲିସ ୩ କୁଇଣ୍ଟାଲ ୭୫ କେଜି ଗଞ୍ଜେଇ ଜବତ କରିବା ସହ ଦୁଇ ଜଣଙ୍କୁ ଗିରଫ କରିଛି । ବୌଦ୍ଧ ଜିଲ୍ଲା କଂଟାମାଳ ଅଂଚଳରୁ ଏକ ଟ୍ରକରେ ଲୁଡା ରଡ୍ ବୋଝେଇ ହୋଇଆସୁଥିଲା । ହେଲେ ଏହି ଲୁହା ରଡ୍ ତଳେ ଗଞ୍ଜେଇ ଚାଲାଣ ହେଉଥିବା ଖବର ମିଳିଥିଲା।

ଅଧିକ ପଢ଼ନ୍ତୁ: ଗଞ୍ଜେଇ ଚାଲାଣ କାର୍‌ରେ ବିଜେଡି ଲୋଗୋ

ଗଞ୍ଜେଇ ଚୋରା ଚାଲାଣ ନେଇ ସୋନପୁର ପୋଲିସକୁ ସୂଚନା ମିଳିବା ପରେ ପୋଲିସ କୁଂଜ ଛକରେ ଛପି ରହିଥିଲା । ଟ୍ରକ୍ ପହଞ୍ଚିବା ପରେ ତାକୁ ଅଟକାଇ ଯାଞ୍ଚ କରିଥିଲା ପୋଲିସ । ଏହି ଗଂଜେଇ ଚାଲାଣ କରୁଥିବା ମଧ୍ୟପ୍ରଦେଶର ବିଜୟ ଗାୱଲେ ଏବଂ ବିନୋଦ ମାଂଝୀକୁ ପୋଲିସ ଗିରଫ କରିଛି । ଟ୍ରକରେ ଥିବା ୨୪ ଟନ ୯୬୦ କେଜି ଲୁହା ରଡକୁ ମଧ୍ୟ ଜବତ କରିଛି ପୋଲିସ ।

କିଛିଦିନ ତଳେ କୋରାପୁଟ ନନ୍ଦପୁରରେ ଏଭଳି ଅଭିନବ ଉପାୟରେ ଗଞ୍ଜେଇ ଚାଲାଣ ହେଉଥିଲା। ନିଜ ଦେହରେ ଗଞ୍ଜେଇକୁ ଗୁଡ଼ାଇଥିଲା ଅଭିଯୁକ୍ତ। ବେଶ୍ ଚାଲାକ ସହ ସେଲୋ ଟ୍ୟାପରେ ପେଟ, ପିଠି ଏବଂ ଛାତିରେ ଗଞ୍ଜେଇକୁ ପ୍ୟାକିଂ କରିଥିଲା । ସ୍ଥାନୀୟ ବାଞ୍ଜଲାପୁଟ ବସଷ୍ଟାଣ୍ଡ୍ ନିକଟରୁ ଅନ୍ୟତ୍ର ଯିବା ବେଳେ ପୋଲିସ୍ ଅଭିଯୁକ୍ତକୁ ମାଡ଼ି ବସିଥିଲା । ଯାଞ୍ଚ ପରେ ୨୨ କିଲୋ ଗଞ୍ଜେଇକୁ ଏଭଳି ପେଟରେ ଲୁଚାଇ ନେଉଥିବା ଜଣାପଡ଼ିଥିଲା। ଅଭିଯୁକ୍ତ ଜଣକ ଛତିଶଗଡ଼ର ବୋଲି ପୋଲିସ ସୂଚନା ଦେଇଥିଲା।

ଅଧିକ ପଢ଼ନ୍ତୁ: ମଦ ଦେଲେନି ବାର୍‌ କର୍ମଚାରୀ; ରାଇଫଲ୍ ଆଣି ଗୁଳି କରିଦେଲା ଦୁର୍ବୃତ୍ତ, ଦେଖନ୍ତୁ ଭିଡିଓ