Honeymoon Murder Case: ରାଜା ମରିଛି କି ନାହିଁ ନିଶ୍ୱାସ ଯାଞ୍ଚ କରିଥିଲା ସୋନମ୍‌, ତା’ପରେ ଖାଇକୁ ଠେଲି ଦେଇଥିଲା...

ମୋ ପୁଅ କି ଦୋଷ କଲା ? କାହିଁକି ତାକୁ ହତ୍ୟା କଲା ବୋହୂ ସୋନମ ? ମୋ ପୁଅକୁ ନ୍ୟାୟ ଦିଅ ? ମୃତ ରାଜାଙ୍କ ମା’ ଉମା ରଘୁବଂଶୀ କାନ୍ଦି କାନ୍ଦି ନୟାନ୍ତ । ମୋ ପୁଅ ହତ୍ୟାକାରୀକୁ ଏମିତି ଦଣ୍ଡ ମିଳୁ, ସେ କେବେ ସ୍ୱପ୍ନରେ ସୁଦ୍ଧା ଭାବି ନଥିବ ବୋଲି ଦାବି କରିଛନ୍ତି ମା' । ରାଜାଙ୍କ ଦୁଇ ବଡ ଭାଇ ମଧ୍ୟ ହତ୍ୟା ଘଟଣାର ସିବିଆଇ ତଦନ୍ତ ଦାବି କରିଛନ୍ତି । ସୋନମ ହିଁ ହତ୍ୟା ଘଟଣାର ମୁଖ୍ୟ ଅଭିଯୁକ୍ତ । ସୋନମଙ୍କୁ ପଚରାଉଚରା କଲେ ଆହୁରି ଅଧିକ କିଛି ସୁରାକ ମିଳିବ ବୋଲି ଭାଇ ବିପିନି ରଘୁବଂଶୀ କହିଛନ୍ତି ।

ଅଧିକ ପଢ଼ନ୍ତୁ: ତ୍ରିକୋଣୀୟ ପ୍ରେମରୁ ନୃଶଂସ କାଣ୍ଡ; ଫ୍ରିଜରରେ ଥିଲା ପ୍ରେମିକ ମୃତଦେହ, ପୂରା ଘଟଣା ଉଡାଇଦେବ ହୋସ୍‌

ଏଥିସହ ପୋଲିସ ସୋନମଙ୍କ ମାଆକୁ ତଦନ୍ତ ପରିସରକୁ ଆଣିବାକୁ ଦାବି କରିଛନ୍ତି । ସୋନମଙ୍କ ମାଆ କିଛି ଘଟଣା ଲୁଚାଉଛନ୍ତି ବୋଲି କହିଛନ୍ତି । କାରଣ ପ୍ରଥମରୁ ସୋନମ ବାବଦରେ ସେ ମିଛ କଥା କହି ଆସିଛନ୍ତି । ସୋନମ ପୂରା ପରିବାରକୁ ବରର୍ବାଦ କରିଦେଇଛି । ତେଣୁ ତା' ବିରୋଧରେ କଠୋରୁରୁ କଠୋର ସଜ୍ଜା ମିଳିବା ଅବଶ୍ୟକ ବୋଲି ରାଜାଙ୍କ ଭାଇ ସଚିନ ରଘୁବଂଶୀ କହିଛନ୍ତି ।

ସେପଟେ ସୋନମଙ୍କ ଭାଇ ଗୋବିନ୍ଦ ରଘୁବଂଶୀ, ଭଉଣୀର ଏଭଳି କାଣ୍ଡ ପାଇଁ ଲଜ୍ଜିତ ଥିବା କଥା କହିଛନ୍ତି । ମେ ୨୫ ତାରିଖରୁ ଗୋବିନ୍ଦ ମେଘାଳୟ ଯାଇ ପୋଲିସ ତଦନ୍ତରେ ସହାୟତା କରିଛନ୍ତି । ତେବେ ହତ୍ୟାକାରୀ ରାଜ୍‌ ସହ ଉଉଣୀର ସମ୍ପର୍କ ଥିବା କଥା ଅସ୍ୱୀକାର କରିଛନ୍ତି । କିନ୍ତୁ ବ୍ୟବସାୟ ଆଳରେ ସୋନମ ଓ ରାଜ୍‌ ସହ ଗତ ୩ ବର୍ଷ ହେଲା ଫୋନରେ କଥାବାର୍ତ୍ତା ହୋଇଥିବା କଥା ସେ ମାନିଛନ୍ତି । ରାଜାର ହତ୍ୟାକାଣ୍ଡ ଘଟଣାରେ ସୋନମ ଯଦି ଥିବ ତେବେ ତାକୁ ଫାଶୀ ଦଣ୍ଡ ଦିଆଯାଉ ବୋଲି ଦାବି କରିଛନ୍ତି ଗୋବିନ୍ଦ ।   

ମେଘାଳୟ ପୋଲିସ ଅଭିଯୁକ୍ତ ସୋନମଙ୍କ ସହ ୪ ଜଣଙ୍କୁ ୭ ଦିନିଆ ରିମାଣ୍ଡରେ ନେଇଛି । ତେବେ ସୋନମ ନିଜ ସ୍ୱାମୀଙ୍କୁ ହତ୍ୟା କରିଥିବା ମାନିଛି । ନିଜ ଆଖି ଆଗରେ ସୋନମ ରାଜାର ମୃତ୍ୟୁ ଦେଖିଛି । ଧାରୁଆ ଅସ୍ତ୍ରରେ ମାରିବା ପରେ ମରିଛି ନା ନାହିଁ ଯାଞ୍ଚ ବି କରିଛି ସୋନମ । ତା ପରେ ସେ ଓ ତାର ୪ ସହଯୋଗୀ ମିଶି ରାଜାର ମୃତ ଶରୀରକୁ ଖାଇ ଭିତରକୁ ଠେଲି ଦେଇଥିବା ପୋଲିସ କହିଛି । ସୋନମ କାହିଁକି ହତ୍ୟା କଲା ? ତା ପଛରେ ପରକୀୟା ପ୍ରୀତି ନା ଆଉ କିଛି କାରଣ? ଅଧିକ ପଚରାଉଚରା ପରେ ଜଣାପଡିବ ବୋଲି ପୋଲିସ କହିଛି । 

ସୋନମ ବିବାହକୁ ମାସେ ପୂରିଛି । ଆଉ ମାସେ ପରେ ସୋନମ ତା ସ୍ୱାମୀକୁ ମାରିଥିବା ପୋଲିସ ଆଗରେ ମାନିଛି । ଆଗକୁ ଏହି ଘଟଣା ଆଉ କି ମୋଡ ନେଉଛି  ଅଧିକ ତଦନ୍ତ ପରେ ଜଣାପଡିବ ।

ଅଧିକ ପଢ଼ନ୍ତୁ: ୟୁପିରେ ବିବାହ, ହନିମୁନ ପାଇଁ ସିକ୍କିମ ଯାଇ ନିଖୋଜ