LIVE TV
ତିର୍ତ୍ତୋଲ ବିଧାୟକ ବିଜୟ ଶଙ୍କର ଦାସଙ୍କ ବିରୋଧରେ ଅଭିଯୋଗ ଆଣି ଚର୍ଚ୍ଚାରେ ଥିବା ତାଙ୍କ ବାନ୍ଧବୀ ସୋମାଲିକା ଦାସଙ୍କୁ ଧମକ ଅଭିଯୋଗ । ତାଙ୍କୁ ଫୋନ୍ ଯୋଗେ କେହି ଜଣେ ଅଜଣା ବ୍ୟକ୍ତି ଘଟଣାର ସମାଧାନ କରିବାକୁ କହୁଥିବା ନେଇ ଅଭିଯୋଗ କରିଛନ୍ତି ସୋମାଲିକା । ସଂପୃକ୍ ବ୍ୟକ୍ତିଙ୍କ ଫୋନ କଲକୁ ରେକର୍ଡ କରି ଗଣମାଧ୍ୟମକୁ ଦେଇଛନ୍ତି । ଏ ସମ୍ପର୍କରେ ସେ ପୋଲିସ ନିକଟରେ ଅଭିଯୋଗ କରିବେ ବୋଲି କହିଛନ୍ତି । ତେବେ ତାଙ୍କୁ ଫୋନ୍ ଯୋଗେ ପରାମର୍ଶ ଦେଉଥିବା ବ୍ୟକ୍ତି ଜଣକ କିଏ ସେନେଇ ତାଙ୍କ ନିକଟରେ କିଛି ସୂଚନା ନଥିବା ସୋମାଲିକା କହିଛନ୍ତି ।
Also Read
ଦୁଇ ଦିନ ପୂର୍ବେ ବିରୋଧୀ ଦଳ ନେତାଙ୍କୁ ଭେଟିଥିଲେ ସୋମାଲିକା ଦାସ । ଜୟ ନାରାୟଣ ମିଶ୍ରଙ୍କୁ ସେ ଭେଟିବା ସହ ତାଙ୍କ ଅଭିଯୋଗର ତଦନ୍ତ ଠିକ ବାଟରେ ହେଉନାହିଁ ବୋଲି ସୋମାଲିକା କହିଥିଲେ । ସବୁ ପ୍ରମାଣ ଥିବା ସତ୍ତ୍ୱେ ବିଧାୟକ ବିଜୟ ଶଙ୍କର ଶାସକ ଦଳର ହୋଇଥିବାରୁ କୌଣସି କାର୍ଯ୍ୟାନୁଷ୍ଠାନ ନିଆଯାଉନାହିଁ ବୋଲି କହିଥିଲେ ସୋମାଲିକା ।
ତାହା ସହ ସେ ଆହୁରି କହିଥିଲେ ଯେ, ମତେ କେବଳ କୋର୍ଟ ଓ ପୋଲିସର ଚକ୍କର କାଟିବାକୁ ପଡୁଛି । ଏହି ପ୍ରସଙ୍ଗକୁ ନେଇ ବିଧାନସଭାରେ ଉଠାଇବାକୁ ବିରୋଧୀ ଦଳ ନେତା ଜୟ ନାରାୟଣ ମିଶ୍ରଙ୍କୁ ସୋମାଲିକା ଅନୁରୋଧ କରିଛନ୍ତି ।
