ଲାଞ୍ଚ ନେଉଥିଲେ ଥାନା ବାବୁ, ଧରିଲା ଭିଜିଲାନ୍ସ

ଲାଞ୍ଚ ନେଇ ଭିଜିଲାନସ ହାବୁଡରେ ଧରାପଡିଛନ୍ତି ବଲାଙ୍ଗିର ଜିଲ୍ଲା ସିନ୍ଧେକେଲା ଥାନା ଅଧିକାରୀ ଆଲୋକ କୁମାର ବେହେରା। ଚାର୍ଜସିଟରୁ ନାମ କାଟିଦେବା ପାଇଁ ୨୫ ହଜାର ଟଙ୍କା ଲାଞ୍ଚ ନେଉଥିବା ସମୟରେ ମାଡି ବସିଥିଲା ଭିଜିଲାନସ। ୨୦୨୦ ମସିହାରେ ସିନ୍ଧେକେଲା ଥାନା ଚାନ୍ଦୋତରା ଏସବିଆଇ ବ୍ୟାଙ୍କର ଏକ ଟଙ୍କା ହେରଫେର ମାମଲାର ତଦନ୍ତ କରୁଥିଲେ ଆଲୋକ କୁମାର ବେହେରା।

ସେହି ମାମଲାର ଚାର୍ଜସିଟରୁ ସେ ସମୟର ବ୍ୟାଙ୍କ ମ୍ୟାନେଜର ଅଜିତ କୁମାର ଘଢେଇଙ୍କ ନାଁ କାଟିଦେବା ପାଇଁ ୫୦ ହଜାର ଟଙ୍କା ଦାବି କରିଥିଲେ ଥାନା ଅଧିକାରୀ ଆଲୋକ କୁମାର ବେହେରା। ଏନେଇ ଅଜିତ ଘଡେଇ ଭିଜିଲାନସ ବିଭାଗକୁ ଜଣାଇଥିଲେ।

ଭିନିଲାନସ ଏସପିଙ୍କ ନିର୍ଦ୍ଦେଶରେ ବରଗଡ ଭିଜିଲାନସ ଟିମ ଆଇଆଇସିଙ୍କୁ କାବୁ କରିବା ପାଇଁ ଯୋଜନା ତିଆରି କରିଥିଲା। ପୂର୍ବ ଯୋଜନା ମୁତାବକ ଆଜି ଥାନା ଭିତରେ ଥାନା ଅଧିକାରୀ ୨୫ ହଜାର ଟଙ୍କା ଲାଞ୍ଚ ନେଉଥିବା ସମୟରେ ମାଡି ବସିଥିଲା ଭିଜିଲାନସ ଟିମ। ବଲାଙ୍ଗିର,ସମ୍ୱଲପୁର ଓ ବରଗଡ ଭିଜିଲାନସ ଟିମ ମିଳିତ ଭାବରେ ଚଢଉ କରିଥିଲେ । ବର୍ତ୍ତମାନ ମଧ୍ୟ ଭିଜିଲାନସ ଛାନଭିନ ଜାରୀ ରହିଛି ।

ରିପୋର୍ଟ: ମନରଞ୍ଜନ ଯୋଶୀ