LIVE TV
ରୋଗୀ ବେଶରେ ଆସି ନକଲି ଡାକ୍ତରଙ୍କୁ ଧରିଲା ପୋଲିସ୍ । ବେଆଇନ ନର୍ସିଂ ହୋମରେ ଏଭଳି କିଛି ଢଙ୍ଗରେ ଚଢ଼ାଉ କରି ଏକ ବଡ଼ ଅପରାଧର ପର୍ଦ୍ଦାଫାସ୍ କରିଛି ପୋଲିସ୍ । ଆଳୁ ଖୋଳୁ ଖୋଳୁ ମହାଦେବ ବାହାରିବା ସଦୃଶ୍ୟ ତାଳଚେର ପୁରୁଷୋତ୍ତମ୍ ନର୍ସିଂ ହୋମ୍ର ଅନେକ ଗୁମର ଫିଟିଛି । ଉପଯୁକ୍ତ ଡାକ୍ତରୀ ଲାଇସେନ୍ସ ନଥିବା ସତ୍ତ୍ୱେ ପ୍ରଦୀପ ବେହେରା ନାମକ ବ୍ୟକ୍ତି ଚଲାଇଥିଲେ ନର୍ସିଂ ହୋମ୍ । ରୋଗୀ ଦେଖୁଥିଲେ, ଔଷଧ ବି ଦେଉଥିଲେ ।
Also Read
#ନର୍ସିଂ_ହୋମ୍ରେ_ନକଲି_ଡାକ୍ତର !
— ଓଟିଭି (@otvkhabar) October 1, 2023
ତାଳଚେର ଥର୍ମାଲ ଚାଇଁପାଳ ଓଭରବ୍ରିଜ ନିକଟ ନର୍ସିଂ ହୋମ୍ ସିଲ୍ । ତାଳଚେର ଉପଖଣ୍ଡ ପ୍ରଶାସନ ପକ୍ଷରୁ ଚଢାଉ କରି ନର୍ସିଂ ହୋମ୍ ସିଲ୍ । ନିଜକୁ ଡାକ୍ତର ପରିଚୟ ଦେଇ ନର୍ସିଂହୋମ ଚଳାଇଥିବା ବ୍ୟକ୍ତି ଅଟକ ।#Talcher #Odisha #OTV pic.twitter.com/MAaDS1ZMGG
ଯୁକ୍ତ ଦୁଇ ବିଜ୍ଞାନ ପରେ ପଶ୍ଚିମବଙ୍ଗରୁ MBBS କରିଥିଲେ ହେଲେ ତାହା ଫେକ୍ ବୋଲି ଜାଣିବା ପରେ ବି ଡାକ୍ତରୀ ପ୍ରାକ୍ଟିସ୍ ଜାରି ରଖିଥିଲେ ପ୍ରଦୀପ। ଆଜି ଧରାପଡ଼ିବା ପରେ ଏନେଇ ଖୋଦ୍ ସେ ସ୍ୱୀକାର କରିଛନ୍ତି । ଖାଲି ଏତିକି ନୁହେଁ, ନର୍ସିଂ ହୋମ୍ର ଅନୁମତି ୨୦୧୯ ପରଠୁ ଆଉ ନବୀକରଣ ହୋଇନି। ଅଭିଯୁକ୍ତଙ୍କୁ ଗିରଫ କରି ତଦନ୍ତ କରୁଛି ପୋଲିସ।
