ଭାଇରଲ ଭିଡିଓରେ ପିସି ଭାଗବଣ୍ଟା ! କାହାର କେତେ ରେଟ୍‌, ସବୁ ଫିକ୍ସଡ୍‌..

ନୂଆପଡ଼ା: ପାଞ୍ଚଟି T ବେଶି ଗୁରୁତ୍ୱପୂର୍ଣ୍ଣ, ନା ଗୋଟିଏ P ଓ ଗୋଟିଏ C । ଆମେ ଆପଣଙ୍କୁ ଇଂରାଜୀ ବର୍ଣ୍ଣ ପରିଚୟ କରାଉନୁ । ଆପଣଙ୍କୁ ପରିଚିତ କରାଉଛୁ ସରକାରୀ ବାବୁଙ୍କ ଉପୁରି ମୋହ ସହ । ସିଧାସିଧା କହିଲେ, ପିସିର ମୋହ ଆଗରେ ବାବୁମାନଙ୍କ ପାଇଁ ସତେକି ତୁଚ୍ଛ ହୋଇଯାଇଛି କି ସରକାରଙ୍କ ଫାଇଭ୍-ଟି ମନ୍ତ୍ର ।

ପୁରାପୁରି ଫିକ୍ସଡ୍ ରେଟ୍, ପିସିରେ ନୋ ମୂଲ୍‌ଚାଲ୍‌ । ଫାଇଭ୍-ଟିର ନାକ ତଳେ ସରକାରୀ ପ୍ରକଳ୍ପ କାମ କେମିତି ଚାଲିଛି, ପିସି ଭାଗବଣ୍ଟା କେମିତି ହେଉଛି, କାହାର ପକେଟ୍‌କୁ କେତେ ଯାଉଛି, ତାର କଚ୍ଚା ଚିଠା ସୋସିଆଲ୍ ମିଡିଆରେ ଭାଇରାଲ୍ ହେଉଥିବା ଏକ ଭିଡିଓରୁ ଜଣାପଡ଼ୁଛି । ନୂଆପଡ଼ା ଜିଲ୍ଲା ସିନାପାଲି ବ୍ଲକ୍‌ର ୨ କନିଷ୍ଠ ଯନ୍ତ୍ରୀ ଉପେନ୍ଦ୍ର ତିହାଡ଼ି ଓ ନାରାୟଣ ସାହୁଙ୍କର ଅଭିଯୋଗ ଅନୁସାରେ, ସେହି ବ୍ଲକ୍‌ର କାପସି ଡଙ୍ଗରୀପଡ଼ାରେ ପଶ୍ଚିମ ଓଡ଼ିଶା ବିକାଶ ପରିଷଦ ପାଣ୍ଠିରୁ ଏକ କମ୍ୟୁନିଟି ସେଣ୍ଟର ତିଆରି ହୋଇଛି । ପ୍ରକଳ୍ପ ମୂଲ୍ୟ ରହିଛି ୫ ଲକ୍ଷ ଟଙ୍କା ।

Also Read

ଭାରତରେ କାଉଡି ଯାତ୍ରା : ରାବଣ ଥିଲା ପ୍ରଥମ କାଉଡିଆ

ସ୍ୱତନ୍ତ୍ର ପ୍ୟାକେଜ୍‌ ନେଇ ଆସନ୍ତାକାଲି ୟୁପି ଗସ୍ତ କରିବେ ମୋଦି

ପୀୟୂଷ ଗୋୟଲଙ୍କୁ ଗୁରୁଦାୟିତ୍ୱ, ରାଜ୍ୟସଭା ସଂସଦୀୟ ଦଳ ନେତା ଘୋଷିତ

ତେବେ ସେଥିରୁ କିଏ କେତେ ନେବେ, ଠିକାଦାର ଗୋପୀନାଥ ହଂସଙ୍କୁ ଘରକୁ ଡାକି ତାର ତାଲିକା ଦେବା ବେଳେ, ସେ ହିଁ ଏହି ଭିଡିଓ ରେକର୍ଡ କରିଥିଲେ ।ଗୋପୀନାଥଙ୍କ କହିବା କଥା, ୧୮ ପ୍ରତିଶତ ପିସି ଓ ଅନ୍ୟ ପ୍ରଶାସନିକ ଖର୍ଚ୍ଚକୁ ମିଶାଇ ମୋଟ ୩୦ ପ୍ରତିଶତ ଯଦି କେବଳ ସରକାରୀ ଖର୍ଚ୍ଚରେ ଯାଏ, ତେବେ ଠିକାଦାର ପ୍ରକଳ୍ପ କାମ କରିବ କେମିତି ?

ଜେଇ ଉପେନ୍ଦ୍ର ତିହାଡ଼ିଙ୍କ ଘରେ ଏହି ବୈଠକ ବସିଥିଲା । ରେଟ୍ ଚାର୍ଟ ବଖାଣିଥିଲେ ଆଉ ଜଣେ ଜେଇ ନାରାୟଣ ସାହୁ । କାଲ୍‌କୁଲେଟରରେ ହିସାବକିତାବ ପରେ ଟଙ୍କା ଭାଗବଣ୍ଟା ବି ହୋଇଥିଲା । ବ୍ଲକ୍ ସ୍ତରର ସବୁ ଓ୍ୱାର୍କ ଅର୍ଡର୍ ଜେଇଙ୍କ ନାଁରେ ହେଉଥିବାରୁ, ଠିକାଦାରଙ୍କ ପାଖରେ ବି ତାଙ୍କ କଥା ମାନିବା ଛଡ଼ା କିଛି ଉପାୟ ନାହିଁ । ହେଲେ ଏସବୁର ଭିଡିଓ ସର୍ବସମ୍ମୁଖକୁ ଆସିବା ପରେ ଏବେ ବାବୁମାନେ ପୁରା ଗାୟବ । ଫୋନ୍‌ରେ ଯୋଗାଯୋଗ କରିବାକୁ ଚେଷ୍ଟା କରାଯାଇଥିଲେ ମଧ୍ୟସେ ଆଉ ଫୋନ ରିସିଭ୍ କରିନଥିଲେ ।

ତେବେ ରେଟ୍ ଚାର୍ଟରେ ବିଡିଓଙ୍କ ନାଁ ବି ଥିବା ବେଳେ, ସେ କହିଛନ୍ତି ଫାଇଭ୍-ଟି ଅନୁସାରେ କାମ ହେଉଛି, ଟ୍ରାନ୍ସପରେନ୍ସି ଆମ ମୁଖ୍ୟ ଲକ୍ଷ୍ୟ । ସେପଟେ ଜିଲ୍ଲାପାଳ କହିଛନ୍ତି, ଘଟଣାର ତଦନ୍ତ ପରେ କାର୍ଯ୍ୟାନୁଷ୍ଠାନ ନିଆଯିବ ।

OTV is now on Whatsapp

Join and get latest news update delivered to you via whatsapp

Join Now