ଏଠି ମିଳେ ଭେରାଇଟି ଦେଶୀ ମଦ ! ଚିନି ମଦ, ସଲପ, ଗୁଡ଼ ମଦ, ଆଉ ପାଖରେ ଦେଶରେ ଚାଖଣା ବି...

ମାଲକାନଗିରି/ଚିତ୍ରକୋଣ୍ଡା (ରିପୋର୍ଟ-ରତ୍ନାକର ପ୍ରଧାନ/ ଜିତେନ୍ଦ୍ର ବେଉରା): ଖୁଲମ୍ ଖୁଲା ଚାଲିଛି ମଦ ବେପାର । ଗଛ ମୂଳେ ମେଲିଛି ମଦ ପସରା । ପୁରୁଷଠୁ ମହିଳା ଯାଏଁ ସମସ୍ତେ ହାଣ୍ଡି ଓ ଜାରରେ ମଦ ରଖି ବିକ୍ରି କରୁଥିବା ବେଳେ ଗ୍ରାହକ ବି କିଛି କମ୍ ନାହାନ୍ତି । ଗ୍ଲାସ୍‌ରେ ପରଷା ହେଉଛି, ଆଉ ସେଇଠି ହିଁ ପିଉଛନ୍ତି ଲୋକେ । ମାଲକାନଗିରି ପଣଷପୁଟ ହାଟରେ ଦେଖିବାକୁ ମିଳିଛି ଏଭଳି ଓପନ୍ ବାର୍ । ସପ୍ତାହକୁ ଥରେ ଏଠାରେ ଚାଲେ ଆଦିବାସୀଙ୍କ ମଦ ହାଟ ।

Also Read

‘ମମିତାଙ୍କ ପରିବାର ଉପରେ ପଡ଼ୁଛି ଭୀଷଣ ଚାପ, ତେଣୁ ଚୁପ୍‌ ରହିବାକୁ ହେଉଛନ୍ତି ବାଧ୍ୟ’

ଲଗାଣ ବର୍ଷାରେ ଉବୁଟୁବୁ ଚେନ୍ନାଇ; ପାଣି ଘେରରେ ଅସ୍ତବ୍ୟସ୍ତ ଜନଜୀବନ

ଉଗ୍ର ରୂପ ନେଲା ଗୋଷ୍ଠୀ କନ୍ଦଳ, ଫୁଟିଲା ୨୦ରୁ ଅଧିକ ବୋମା

ମାଲକାନଗିରି ଜିଲ୍ଲା ସ୍ୱାଭିମାନ ଅଞ୍ଚଳରେ ଥିବା ପଣଷପୁଟ ହାଟରେ ଏଭଳି ଦୃଶ୍ୟ ଦେଖିବାକୁ ମିଳିଛି । ସପ୍ତାହକୁ ଥରେ ଏହି ହାଟରେ ମଦ ପସରା ଧରି ଏକାଠି ହୁଅନ୍ତି ଆଦିବାସୀ । ଘରେ ପ୍ରସ୍ତୁତ କରି ଆଣିଥିବା ମଦ, ବିକ୍ରି କରି ଦୁଇ ପଇସା ରୋଜଗାର ସହ ହାଟରୁ ଅତ୍ୟାବଶ୍ୟକ ସାମଗ୍ରୀ କିଣି ଫେରିଯାଆନ୍ତି । ହାଟରେ ଆଦିବାସୀଙ୍କ ଦ୍ୱାରା ପ୍ରସ୍ତୁତ ବିଭିନ୍ନ ପ୍ରକାରର ମଦ ମିଳିଥାଏ । ପ୍ରସ୍ତୁତିର ଶୈଳୀ ଓ ବ୍ୟବହୃତ ଉପାଦାନ ଅନୁସାରେ ଏହି ମଦ ଗୁଡ଼ିକର ନାଁ ବି ଭିନ୍ନ । ପେଣ୍ଡମ, ସଲପ, ଚିନି ମଦ, ଚାଉଳ ମଦ, ଗୁଡ଼ ମଦ ଆଦି ଏହି ହାଟରେ ବିକ୍ରି ହୋଇଥାଏ ।

ତେବେ ଆଦିବାସୀ ମାନେ ନିଜେ ପିଇବା ପାଇଁ ମଦ ପ୍ରସ୍ତୁତ କରିବାକୁ ଅନୁମତି ରହିଛି । କିନ୍ତୁ ହାଟରେ ମଦ ବିକ୍ରି କଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛି ଅବକାରୀ ବିଭାଗ ।

OTV is now on Whatsapp

Join and get latest news update delivered to you via whatsapp

Join Now