LIVE TV
୧୩୦ ଟଙ୍କା ପାଇଁ ଛାରଖାର । ଦୋକାନରୁ ବାକି ଖାଇଲେ, ଟଙ୍କା ମାଗିଲେ ଦୋକାନରେ ନିଆଁ ଲଗେଇଲେ ଅଭିଯୁକ୍ତ ଗରାଖ । ଚନ୍ଦକା ଥାନା ଅଧିନ ମହୁଲ ଛକରେ ଅଗ୍ନିକାଣ୍ଡ ହୋଇଛି । ଘଟଣାରେ ସିସିଟିଭିରେ ଭିଡିଓ କଏଦ ହୋଇଛି । ଅଭିଯୁକ୍ତକୁ ଗିରଫ କରିଛି ପୋଲିସ ।
Also Read
ଦୋକାନରୁ ବାକି ଖାଇଲେ, ଟଙ୍କା ମାଗିଲେ ଦୋକାନରେ ନିଆଁ ଲଗେଇଲେ । ରାତି ଅଧରେ ଦୋକାନରେ ନିଆଁ ଲଗାଇ ଛାରଖାର କରିଦେଲେ ଅଭିଯୁକ୍ତ । ଆଖି ପିଛୁଳାକେ ସବୁ କିଛି ଜଳିପୋଡି ପାଉଁଶ ହୋଇଯାଇଛି । ଚନ୍ଦକା ଥାନା ଅଧିନ ମହୁଲ ଛକରେ ଥିବା ଏକ ଦୋକାନ ଛାରଖାର ହୋଇଯାଇଛି । ମଧୁପୁର ଗାଁର ରଞ୍ଜିତ ସାହୁଙ୍କ ଦୋକାନରୁ ଅଭିଯୁକ୍ତ ସଦାଶିବ ସ୍ୱାଇଁ ୧୩୦ ଟଙ୍କାର ବାକି ଖାଇଥିଲେ। ଦୋକାନୀ ରଞ୍ଜିତ ଟଙ୍କା ମାଗିବାରୁ ରାଗରେ ଉତ୍ୟକ୍ତ ହୋଇଥିଲେ ସଦାଶିବ। ପ୍ରତିଶୋଧ ନେବାକୁ ରାତି ଅଧରେ ଦୋକାନରେ ନିଆଁ ଲଗାଇ ଦେଇଥିଲେ । ପୂରା ଘଟଣା ସିସିଟିଭିରେ କଏଦ ହୋଇଛି ।
ସିସିଟିଭି ଆଧାରରେ ପୋଲିସ ତନାଘନା କରୁଛି । ଅଭିଯୋଗ ଆଧାରରେ ମାମଲା ରୁଜୁ କରି ଅଭିଯୁକ୍ତ ସଦାଶିବକୁ ଗିରଫ କରିଛି ଚନ୍ଦକା ଥାନା ପୋଲିସ। ଉଭୟ ଅଭିଯୁକ୍ତ ଓ ଅଭିଯୋଗକାରୀ ମଧୁପୁର ଗାଁର ବୋଲି ଜଣାପଡିଛି।
- Reported by:
- BALRAM LENKA , ATULYA BOUT
