LIVE TV
ଅଣ୍ଡା ତରକାରୀ ପାଇଁ ହତ୍ୟାକାଣ୍ଡ। ଲିଭଇନ୍ ପାର୍ଟନରକୁ ହତ୍ୟା କଲା ନୃଶଂସ ପ୍ରେମିକ। ହତ୍ୟା ଅଭିଯୋଗରେ ଅଭିଯୁକ୍ତ ପ୍ରେମିକକୁ ଗିରଫ କରିଛି ପୋଲିସ। ଗୁରୁଗ୍ରାମରୁ ଏଭଳି ଏକ ହୃଦୟ ବିଦାରକ ମାମଲା ସାମ୍ନାକୁ ଆସିଛି।
Also Read
ଗୁରୁଗ୍ରାମ ପୋଲିସ ଚୌମା ଗାଁରେ ଏହି ହତ୍ୟାକାଣ୍ଡ ଘଟିଛି। ଏକ ନିର୍ମାଣାଧୀନ ଘରେ ଜଣେ ମହିଳାଙ୍କ ମୃତଦେହ ମିଳିବା ପରେ ପୋଲିସ ତାଙ୍କ ପ୍ରେମିକ ଲଲନ ଯାଦବଙ୍କୁ ଗିରଫ କରିଛି। ପରେ ଏହି ହତ୍ୟାକାଣ୍ଡର ରହସ୍ୟ ଖୋଲିଛି। ହତ୍ୟାକାଣ୍ଡର କାରଣ ଶୁଣି ଆଶ୍ଚର୍ଯ୍ୟ ହୋଇଛି ପୋଲିସ। ପ୍ରେମିକ ଲଲନ ଅଣ୍ଡା ତରକାରୀ କହିଥିଲେ ମାତ୍ର ପ୍ରେମିକା ମନା କରିବାରୁ ସେ ରାଗି ଯାଇଥିଲେ। ମଦ୍ୟପାନ କରିଥିବାରୁ ସେ ଉତକ୍ଷିପ୍ତ ହୋଇ ତାଙ୍କୁ ହାତୁଡ଼ି ଓ ବେଲ୍ଟରେ ପିଟିପିଟି ହତ୍ୟା କରିଥିଲେ। ପଚରାଉଚରା ସମୟରେ ଅପରାଧ ସ୍ୱୀକାର କରିଛି ଅଭିଯୁକ୍ତ।
ସୂଚନା ଅନୁଯାୟୀ, ଅଭିଯୁକ୍ତ ଲଲନର ଘର ବିହାରର ମାଧେପୁରା ଜିଲ୍ଲା ଅରହି ଗାଁରେ। ମୃତ ମହିଳା ହେଲେ ୩୨ ବର୍ଷୀୟ ଅଞ୍ଜଳି। ବୁଧବାର ଚୌମା ଗାଁ ନିକଟରେ ଥିବା ଏକ ନିର୍ମାଣାଧୀନ କୋଠାରୁ ଅଞ୍ଜଳିଙ୍କ ମୃତଦେହ ମିଳିବା ପରେ ପୋଲିସ ତଦନ୍ତ ଆରମ୍ଭ କରିଥିଲା। ପରେ ଯାଦବଙ୍କୁ ଦିଲ୍ଲୀର ସାରାଇ କାଲେ ଖାନ ଅଞ୍ଚଳରୁ ପାଲମ ବିହାର ପୋଲିସ ଷ୍ଟେସନର ଏକ ଟିମ୍ ଗିରଫ କରିଥିଲା।
ଉଭୟ ମାର୍ଚ୍ଚ ୧୦ ତାରିଖରେ ଗୁରୁଗ୍ରାମ ବସ୍ ଷ୍ଟାଣ୍ଡରୁ ଅଣ-ନିର୍ମାଣାଧୀନ କୋଠାରେ କାମ କରିବାକୁ ଅଣାଯାଇଥିଲା। ବିଲଡିଂ ମାଲିକଙ୍କୁ ସେମାନେ ସଠିକ ନାମ, ଠିକଣା ଏବଂ ପରିଚୟ ନେଇ ନଥିଲେ। ଅଭିଯୁକ୍ତ ଅଞ୍ଜଳିଙ୍କୁ ତାଙ୍କ ପତ୍ନୀ ବୋଲି କହିଥିଲେ। ପଚରାଉଚରା ବେଳେ ଅଭିଯୁକ୍ତ କହିଥିଲେ ଯେ ତାଙ୍କ ସ୍ତ୍ରୀଙ୍କର ୬ ବର୍ଷ ପୂର୍ବେ ସାପ କାମୁଡ଼ାରେ ମୃତ୍ୟୁ ହୋଇଥିଲା। ଏହା ପରେ ସେ ଦିଲ୍ଲୀ ଆସିଥିଲେ। ସାତ ମାସ ପୂର୍ବେ ଅଭିଯୁକ୍ତ ଅଳିଆ ସଂଗ୍ରହକାରୀ ଅଞ୍ଜଳିଙ୍କ ସହ ସେ ଲିଭ-ଇନରେ ରହୁଥିଲେ।
