ଭତ୍ତା ଟଙ୍କା ଦେଲାନି ମାଆ, ନିସ୍ତୁକ ମାଡ଼ ମାରିଲା କୁଳାଙ୍ଗାର ପୁଅ

ଭତ୍ତା ଟଙ୍କା ନ ଦେବାରୁ ୭୦ ବର୍ଷିୟ ବୃଦ୍ଧା ମା’କୁ ମାରିଲା ନିର୍ଦ୍ଦୟ ପୁଅ। ଗଞ୍ଜାମ ଜିଲ୍ଲା ଆସିକା ଥାନା ପଢାଳ ଗ୍ରାମରେ ଘଟିଛି ଏଭଳି ଲଜ୍ଜାଜନକ ଘଟଣା। ଅଭିଯୋଗ ଅନୁଯାୟୀ ପଢାଳ ଗ୍ରାମର ଦେବକୀ ରାଉତଙ୍କୁ ତାଙ୍କ ସାନ ପୁଅ ପ୍ରମୋଦ ରାଉତ ପ୍ରଥମେ ମିଳିଥିବା ଭତ୍ତା ଟଙ୍କା ମାଗିଥିଲେ l ଭତ୍ତା ଟଙ୍କା ନଦେବାରୁ ତାଙ୍କୁ ନିର୍ଦ୍ଦୟ ଭାବେ ପିଟିଥିଲେ । ଗୁରୁତର ମା’ଙ୍କୁ ମେଡିକାଲରେ ଚିକିତ୍ସା କରାଯାଇଛି। ପୁଅ ମାଡରେ ମାଆ ଦେବକୀଙ୍କ ହାତ ଭାଙ୍ଗି ଯାଇଥିବାବେଳେ ଅଣ୍ଟାରେ ମଧ୍ୟ ଆଘାତ ଲାଗିଛି।

ଏହି ଘଟଣା ପରେ ଛଳ ଛଳ ଆଖିରେ ନିଜର ଦୁଃଖ ବଖାଣିଛନ୍ତି ୭୦ ବର୍ଷୀୟ ବୃଦ୍ଧା ଜଣଙ୍କ। ସେ କହିଛନ୍ତି, ମୁଁ କିଛି ଭୁଲ କରିନି, ତଥାପି ମୋତେ ସାନ ପୁଅ ପ୍ରମୋଦ ବହୁତ ମାରିଲା, ମାରି ମାରି ମୋ ହାତ ଭାଙ୍ଗିଦେଲା, ଅଣ୍ଟା ଦରଜ କରିଦେଲା। ତା’ର ମାଡ଼ରେ ମୋତେ ବହୁତ୍ କଷ୍ଟ ହେଉଛି, ମୁଁ କାନ୍ଦିବା ପରେ ବି ସେ ମୋ କଷ୍ଟ ବୁଝି ପାରିଲାନି। ତେବେ ଏତେ ସବୁ ପରେ ବି ପୁଅକୁ କ୍ଷମା କରିଦେଇଛି ମା’ର ମମତା।

#ଭତ୍ତା_ଟଙ୍କା_ନ_ଦେବାରୁ...
ନିର୍ଦ୍ଦୟ ପୁଅ... ଭତ୍ତା ଟଙ୍କା ନ ଦେବାରୁ ମାଆକୁ ମାରିଲା ପୁଅ । ଗଞ୍ଜାମ ଜିଲ୍ଲାରେ ଘଟିଛି ଏହି ଲଜ୍ଜାଜନକ ଘଟଣା । ୭୦ ବର୍ଷିୟ ବୃଦ୍ଧା ମାଆକୁ ପୁଅ ପିଟିଥିବା ଅଭିଯୋଗ...#Ganjam#Odisha#OTVpic.twitter.com/DrOjC0aWeh

— ଓଟିଭି (@otvkhabar) January 14, 2024