କି ନୃଶଂସ ! ବିନା କାରଣରେ... ଜଣକ ପରେ ଜଣେ ଆତ୍ମୀୟଙ୍କୁ ଟାଙ୍ଗିଆରେ ହାଣି ଜୀବନ ନେଲା

ଏମିତି ନୃଶଂସ ବ୍ୟକ୍ତି ଆପଣ କେବେ ଦେଖିନଥିବେ । ପରିବାରର ସର୍ବନାଶ କରିଦେଲା । ନିଜ ହାତରେ ନିଜ ପରିବାରକୁ ଛାରଖାର କରିଦେଲା । ରାତିର ଅନ୍ଧକାରରେ ଖେଳିଲା ରକ୍ତର ହୋଲି । ଜଣକ ପରେ ଜଣେ ଆତ୍ମୀୟଙ୍କୁ କୁରାଢ଼ିରେ ହାଣି କଲବଲ କରି  ନେଲା ୮ ଜୀବନ । ଛୋଟଠୁ ବଡ଼ କାହାକୁ ଛାଡ଼ିଲାନି । ଘର ଚଟାଣରେ ବୋହିଲା ରକ୍ତର ନଦୀ, ଗଡ଼ିଲା ଅତ୍ମୀୟଙ୍କ ମୁଣ୍ଡ । ଏପରି ନାରକୀୟ କାଣ୍ଡ ଘଟାଇବା ପରେ ମାନସିକ ଭାରସାମ୍ୟ ହରାଇ ବସିଥିବା ବ୍ୟକ୍ତିଜଣକ ଘରଠୁ ଶହେ ମିଟର ଦୂରରେ ଏକ ଗଛରେ ନିଜେ ବି ଝୁଲି ପଡ଼ି ଜୀବନ ହାରିଲା ।

ମଧ୍ୟପ୍ରଦେଶର ଛିନ୍ଦୱାଡାରୁ ସାମ୍ନାକୁ ଆସିଛି ଏପରି ଏକ ହୃଦୟ ବିଦାରକ ଘଟଣା । ମହୁଲଝିର ଥାନା ଅଞ୍ଚଳରେ ଥିବା ବୋଦଲ କଚ୍ଛାର ଗାଁରେ ଏହି ସାଂଘାତିକ ଘଟଣା ଘଟିଛି । ପୋଲିସ୍‌ ଘଟଣାସ୍ଥଳରେ ପହଞ୍ଚି ମୃତଦେହଗୁଡ଼ିକୁ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି । ଏସ୍‌ପିଙ୍କ ସୂଚନା ଅନୁଯାୟୀ, ହତ୍ୟା ଅଭିଯୁକ୍ତ ଜଣକ ପରିବାରର ସଦସ୍ୟ ହୋଇଥିବା ବେଳେ ଦୀର୍ଘ ଦିନ ହେବ ମାନସିକ ରୋଗରେ ପୀଡ଼ିତ ଥିଲା । ଗତ ରାତିରେ ସେ ଏକ କୁରାଢ଼ି ସାହାଯ୍ୟରେ ନିଜ ଭାଇ, ଭାଉଜ, ପତ୍ନୀଙ୍କ ସମେତ ୮ ଜଣଙ୍କୁ ହାଣି ଦେଇଥିଲା।

ଅଧିକ ପଢ଼ନ୍ତୁ: ମଦ ଦେଲେନି ବାର୍‌ କର୍ମଚାରୀ; ରାଇଫଲ୍ ଆଣି ଗୁଳି କରିଦେଲା ଦୁର୍ବୃତ୍ତ, ଦେଖନ୍ତୁ ଭିଡିଓ

ନିଜ ପରିବାରକୁ ନିଜ ହାତରେ ନିପାତ କରିବା ପରେ ବୋଧ ହୁଏ ବ୍ୟକ୍ତିଜଣକ ନିଜ ଭୁଲ୍‌ ବୁଝି ପାରିଥିଲା । ଏପରିକି ଘର ଚଟାଣରେ ରକ୍ତର ନଦୀ ବୋହିବାରୁ ବ୍ୟକ୍ତିଜଣକ ନିଜ ହିତାହିତ ଜ୍ଞାନ ହରାଇ ବସିଥିଲା । ତେଣୁ ସେ ରାତିରେ ଘରଠୁ ଶହେ ମିଟର ଦୂରରେ ଥିବା ଏକ ଗଛରେ ଝୁଲି ପଡ଼ି ନିଜ ଜୀବନ ହାରିଲା ।

ଏହି ଘଟଣାରେ ପରିବାରର ୮ ଜଣଙ୍କ ମୃତ୍ୟୁ ହୋଇଥିବା ବେଳେ ଏକ ଛୋଟ ଛୁଆ ଅଳ୍ପକେ ବର୍ତ୍ତି ଯାଇଛି। ପିଲାଟି ଆହତ ହୋଇଥିବା ବେଳେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ସ୍ଥାନୀୟ ଅଞ୍ଚଳରେ ଏହାକୁ ନେଇ ଚାଞ୍ଚଲ୍ୟ ସୃଷ୍ଟି ହୋଇଛି । ଗାଁରେ ଶୋକର ଛାୟା ଖେଳିଯାଇଛି । 

ଅଧିକ ପଢ଼ନ୍ତୁ: ମହିଳା ସ୍ୱରରେ କଲ୍‌ କରି ୭ ଆଦିବାସୀ ଛାତ୍ରୀଙ୍କୁ ଦୁଷ୍କର୍ମ; ଅଭିଯୁକ୍ତକୁ ବାନ୍ଧିଲା ପୋଲିସ