Gun Factory Kingpin Arrest: ଧରାପଡିଲା ବନ୍ଧୁକ ରାକେଟ ମାଷ୍ଟରମାଇଣ୍ଡ, ମୁଙ୍ଗେରରେ ମାଡିବସିଲା କ୍ରାଇମବ୍ରାଞ୍ଚ

କଟକ ବୟାଳିଶ ମୌଜା ବେଆଇନ୍ ବନ୍ଧୁକ ରାକେଟ ମାମଲାର ମାଷ୍ଟରମାଇଣ୍ଡ ଗିରଫ । ବିହାର ମୁଙ୍ଗେରରୁ ଧରାପଡ଼ିଲା ମାଷ୍ଟରମାଇଣ୍ଡ ମହମ୍ମଦ ଅସଲମ୍ । କ୍ରାଇମବ୍ରାଞ୍ଚ STF ଅସଲମକୁ ମୁଙ୍ଗେରରୁ ଗିରଫ କରିଛି । ତା' ନାଁରେ ବିହାର ଓ ପଶ୍ଚିମବଙ୍ଗରେ ମଧ୍ୟ ମାମଲା ରହିଛି । ଅଧିକ ତଥ୍ୟ ପାଇଁ ତାକୁ ରିମାଣ୍ଡରେ ଆଣିଛି କ୍ରାଇମବ୍ରାଞ୍ଚ । ଗତ ମାର୍ଚ୍ଚ ୧୩ ତାରିଖରେ କଟକ ବୟାଳିଶି ମୌଜାରେ ଚୋରା ବନ୍ଧୁକ କାରଖାନା ଠାବ ହୋଇଥିଲା । 

ଅଧିକ ପଢ଼ନ୍ତୁ: ଫିଟିଲା ମାଉଜର ମିଷ୍ଟ୍ରି; ମୁଙ୍ଗେରରୁ ଆଣୁଛନ୍ତି, ଓଡ଼ିଶାରେ ମଣିଷ ମାରୁଛନ୍ତି

ବୟାଳିଶି ମୌଜାରେ  ଚଢ଼ାଉ ବେଳେ ବିଭିନ୍ନ ସାଇଜର ୩୦ରୁ ଅଧିକ ଅର୍ଦ୍ଧନିର୍ମିତ ବନ୍ଧୁକ ଜବତ କରାଯାଇଥିଲା । ପୂର୍ବରୁ କାରଖାନାରେ ନିୟୋଜିତ ଥିବା ବିହାରୀ କାରିଗରଙ୍କ ସମେତ ୫ ଜଣଙ୍କୁ ଗିରଫ କରିଥିଲା କ୍ରାଇମବ୍ରାଞ୍ଚ ।  ତଦନ୍ତ ପରେ ଜଣାପଡ଼ିଥିଲା ଏଠାରୁ ପ୍ରାୟ ୨ ଶହ ଚୋରା ବନ୍ଧୁକ ଯାଇଥିଲା ବଜାରକୁ । ବୟାଳିଶ ମୌଜା ଲିଙ୍କ୍ ଖୋଜି ଖୋଜି STF ପହଞ୍ଚିଥିଲା ବିହାର ମୁଙ୍ଗେରରେ ।

ବୟାଳିଶ ମୌଜାରେ ତିଆରି ହେଉଥିଲା ମାଉଜର ଛାଞ୍ଚ, ମୁଙ୍ଗେରରେ ଦିଆଯାଉଥିଲା ଫାଇନାଲ୍ ଟଚ୍ । ସେଠାରୁ ଭାୟା କଟକ ହୋଇ ଚାଲାଣ ହେଉଥିଲା ଗଞ୍ଜାମ, ବାଲେଶ୍ୱର, ପୁରୀ, ଫୁଲବାଣୀ ଆଦି ବିଭିନ୍ନ ଜିଲ୍ଲାକୁ । ଏବେ ମାଷ୍ଟରମାଇଣ୍ଡ ମହମ୍ମଦ ଅସଲମ୍ ଗିରଫ ହେବା ପରେ ବନ୍ଧୁକ କାରବାରର ପୂରା ରାକେଟର ପର୍ଦ୍ଦାଫାସ ହେବା ଆଶା କରାଯାଉଛି । 

ଅଧିକ ପଢ଼ନ୍ତୁ: କାନ୍ଦୁଛି ଜେଜେମା', ମାତ୍ର ୨୦ ହଜାର ଲୋଭରେ ବୋହୂ ଘଟାଇଛି ଏମିତି କାଣ୍ଡ