LIVE TV
ବାହାଘର ପାଇଁ ସମସ୍ତଙ୍କ ଥିଲା ଅପେକ୍ଷା । ପହଞ୍ଚିଥା’ନ୍ତା ବର । ହୋଇଥା’ନ୍ତା ବାହାଘର । କନ୍ୟା ବି ସଜେଇ ହୋଇ ଚାହିଁଥିଲା ତା’ର ଜୀବନ ସାଥୀକୁ । ବାଜା ବାଣ ଫୁଟାଇ ରୋଷଣୀ କରି କନ୍ୟାକୁ ନିଜ ଘରକୁ ନେଇଥା’ନ୍ତା ବର । ହେଲେ ଏସବୁ ସୁନ୍ଦର ସମୟ ପୂର୍ବରୁ ଘଟିଲା ଅଘଟଣ । ବାହାର ହେଲା ସିନା, ହେଲେ ବର ଓ କନ୍ୟା ଘର ମଧ୍ୟରେ ହେଲା ପ୍ରବଳ ବଚସା । ଆଉ ତା’ ପରେ ହେଲା ହାତାହାତି । ଖାଲି ସେତିକି ନୁହେଁ, ଗାଡ଼ି ମଧ୍ୟ ପୋଡ଼ିଦେଲେ ବରପକ୍ଷ ଲୋକ ।
କେନ୍ଦ୍ରାପଡ଼ା ଜିଲ୍ଲା ରାଜନଗର କଇଁଥା ଗାଁରେ ଏପରି ଅଭାବନୀୟ ଘଟଣା ଘଟିଛି । ବର ପକ୍ଷ ଓ ଗାଁ ଲୋକଙ୍କ ମଧ୍ୟରେ ଗୋଷ୍ଠୀ ସଂଘର୍ଷ ହେବା ପରେ କନ୍ୟା ପକ୍ଷଙ୍କ ଏକ ଅଟୋକୁ ବର ପକ୍ଷ ଲୋକେ ଜାଳିଦେଇଥିଲେ । ପରେ ଗାଁ ଲୋକ ବର ସହ କନ୍ୟା ଅଟକ ରଖିଥିଲେ।
Also Read
ମିଳିଥିବା ସୂଚନା ଅନୁଯାୟୀ, ରାଜନଗର ଥାନା ଯଦୁ ଚନ୍ଦ୍ରପୁର ଗାଁର ମାନସ ରାଉଳ ଏବଂ କଇଁଥା ଗାଁର ପ୍ରଫୁଲ୍ଲ ପଢିଆରିଙ୍କ ଝିଅ ପ୍ରତିମା ପଢିଆରିଙ୍କ ମଧ୍ୟରେ ଚାଲିଥିଲା ବିବାହ । ଏଥିପାଇଁ ବରଯାତ୍ରୀ ସହ କଇଥା ଗାଁରେ ପହଞ୍ଚି ପ୍ରୋସେସନବେଳେ ବରଯାତ୍ରୀ ଏବଂ ଗ୍ରାମବାସୀଙ୍କ ଉପୁଜିଥିଲା ଗଣ୍ଡଗୋଳ ।
ଏହି ଗଣ୍ଡଗୋଳରେ ବରଯାତ୍ରୀ ମାନେ କନ୍ୟାପକ୍ଷ ଅଟୋକୁ ଜାଳି ଦେଇଛନ୍ତି । ଉତ୍ତେଜନା ତୀବ୍ର ହେବା ଫଳରେ କଇଥା ଗ୍ରାମବାସୀମାନେ ବରକୁ ଅଟକ ରଖିଛନ୍ତି । ଘଟଣାସ୍ଥଳରେ ରାଜନଗର ପୋଲିସ ପହଞ୍ଚି ଅଧିକ ତଦନ୍ତ କରି ଆପୋଷ ସମାଧାନ କରାଯିବା ସହ ଅଟୋ ପୋଡ଼ିଥିବା ବ୍ୟକ୍ତିଙ୍କ ବିରୋଧରେ ମାମଲା ରୁଜୁ କରାଯାଇଛି । ଅନ୍ୟପଟେ ଗାଁ ଲୋକଙ୍କ ଆପୋଷ ସମାଧାନ ପରେ କନ୍ୟାଙ୍କୁ ଧରି ଘରକୁ ଫେରିଛନ୍ତି ବର ମାନସ ରାଉଳ ।
- Reported by:
- MANOJ SWAIN
