LIVE TV
ଚାକିରି ଦେବା ନାଁରେ ଠକେଇ( Job fraud ) ଅଭିଯୋଗ । ସୁନ୍ଦରଗଡ ସରକାରୀ ମେଡିକାଲ କଲେଜରେ ବିଭିନ୍ନ ପୋଷ୍ଟରେ ଚାକିରି କରାଇ ଦେବା ନାଁରେ ହୋଇଛି ଠକେଇ । ଜାଲ ନିଯୁକ୍ତି ପତ୍ର ଦେଇ ହଜାର ହଜାର ଟଙ୍କା ଠକେଇ ହୋଇଛି । କାହାକୁ ଆଟେଣ୍ଡାଣ୍ଟ ତ ଆଉ କାହାକୁ ଡାଟା ଏଣ୍ଟ୍ରି ଅପରେଟର, ଆଉ କେତେକଙ୍କୁ ସିକ୍ୟୁରିଟି ଗାର୍ଡ ଚାକିରି ଦେବା ନାଁରେ ଠକେଇ କରାଯାଇଛି । ଏପରିକି ମେଡିକାଲ କଲେଜର ଡିନଙ୍କ ଦସ୍ତଖତକୁ ଜାଲ କରାଯାଇ ଲେଟର ପ୍ୟାଡରେ ଓଡ଼ିଶା ସରକାରଙ୍କ ଲୋଗୋ ବ୍ୟବହାର କରାଯାଇଛି ।
ଏଭଳି ଉପାୟରେ ଆଶାୟୀ ଯୁବକଯୁବତୀଙ୍କୁ ଠକେଇ ହୋଇଛି । ଏମିତି କି ଏହି ଠକେଇରେ ଜଣେ ସ୍କୁଲ ଶିକ୍ଷକ ସାମିଲ ଥିବା ଅଭିଯୋଗ ହୋଇଛି । ଏଥିରେ ଏକ ରାକେଟ କାର୍ଯ୍ୟ କରୁଥିବା ଜଣାପଡିଛି । ବର୍ତ୍ତମାନ କେବଳ ଚାରି ପାଞ୍ଚ ଜଣ ଆଶାୟୀ ଠକେଇର ଶିକାର ହୋଇଥିବା ଜଣାପଡିଥିବା ବେଳେ ଠକେଇର ଚେର ଆହୁରି ଲମ୍ବିଥିବା ସନ୍ଦେହ କରାଯାଉଛି ।
Also Read
ଏପଟେ ମେଡିକାଲ କଲେଜ ଡିନ କହିଛନ୍ତି, ଏମିତି ଠକେଇ ହୋଇଥିବା ଜାଣିବାକୁ ମିଳିଛି । ତେଣୁ ଆଶାୟୀମାନେ ସତର୍କତା ଅବଲମ୍ବନ କରନ୍ତୁ । ଏପଟେ ଅଭିଯୋଗକାରୀମାନେ ଟାଉନଥାନାରେ ଏନେଇ ଅଭିଯୋଗ କରିଛନ୍ତି ।
