୧୦ ହଜାର ଟଙ୍କା ଲାଞ୍ଚ ନେବା ବେଳେ ଧରାପଡ଼ିଲେ ଡ୍ରେନେଜ୍ ଡିଭିଜନ ଅଧୀକ୍ଷଣ ଯନ୍ତ୍ରୀ

ଯାଜପୁର: ଭିଜିଲାନ୍ସ ଜାଲରେ ଯାଜପୁର ଡ୍ରେନେଜ୍ ଡିଭିଜନ ଅଧୀକ୍ଷଣ ଯନ୍ତ୍ରୀ । ଲାଞ୍ଚ ନେଇ ଧରାପଡ଼ିଲେ ଅଧୀକ୍ଷଣ ଯନ୍ତ୍ରୀ ଚଣ୍ଡିପ୍ରସାଦ ମହାପାତ୍ର । ଜଣେ ଗାଡ଼ି ମାଲିକଙ୍କ ଠାରୁ ୧୦ ହଜାର ଲାଞ୍ଚ ନେଲା ବେଳେ ସେ ଧରାପଡ଼ିଛନ୍ତି । ସୂଚନା ଅନୁସାରେ ଦେବାଶିଷ ପଣ୍ଡା ନାମକ ଜଣେ ଗାଡି ଠିକାଦାରଙ୍କ ଠାରୁ ଅଫିସରେ ଲାଗିଥିବା ଗାଡିର ୩ ମାସର ବକେୟା ପ୍ରାପ୍ୟ କରାଇଦେବାକୁ ୧୦ ହଜାର ଟଙ୍କା ଲାଂଚ ମାଗିଥିଲେ । ଚଣ୍ଡିପ୍ରସାଦ ଲାଞ୍ଚ ଟଙ୍କା ନେବା ବେଳେ ସେ ଧରାପଡିଥିବା କଟକ ଭିଜିଲାନସ ଡିଭିଜନ ଡିଏସ୍‌ପି ସୂଚନା ଦେଇଛନ୍ତି । ଭିଜିଲାନ୍ସ ହାତରେ ଧରାପଡ଼ିବା ପରେ ଚଣ୍ଡିପ୍ରସାଦଙ୍କ ଭୁବନେଶ୍ୱର, ତିର୍ତ୍ତୋଲସ୍ଥିତ ଘରେ ମଧ୍ୟ ଭିଜିଲାନ୍ସ ଚଢ଼ାଉ କରିଛି ।

Also Read

ସେନା ହେଲିକପ୍ଟର ଦୁର୍ଘଟଣା ପରେ ଚାଲିଛି ସର୍ଚ୍ଚ ଅପରେସନ, ଡ୍ୟାମ୍‌ରେ ବୁଡ଼ି ଯବାନଙ୍କୁ ଖୋଜୁଛି NDRF

ସ୍ୱର୍ଣ୍ଣ ପଦକ ଆଶା ଦେଖାଇଲେ ଭାରତୀୟ ରେସଲର ରବି ଦହିୟା, ଫାଇନାଲରେ କଲେ ଏଣ୍ଟ୍ରି

ଜାଣନ୍ତୁ କେଉଁ ପୁରୁଷଙ୍କ ପ୍ରତି ମହିଳା ହୋଇଥାନ୍ତି ବେଶି ଆକର୍ଷିତ

ସୂଚନାଯୋଗ୍ୟ, ଯାଜପୁର ଡ୍ରେନେଜ୍ ଡିଭିଜନ ଅଫିସରେ ନିୟୋଜିତ ହୋଇଥିଲା ଠିକାଦାର ଦେବାଶିଷ ପଣ୍ଡାଙ୍କ ଗାଡି । ହେଲେ ତାଙ୍କୁ ୩ ମାସର ବକେୟା ଟଙ୍କା ମିଳୁନଥିଲା । ଏଥିପାଇଁ ଶ୍ରୀ ପଣ୍ଡା ବାରମ୍ୱାର ଡ୍ରେନେଜ୍‌ ବିଭାଗ ଅଫିସ୍‌ ଦୌଡି ନୟାନ୍ତ ହୋଇଥିଲେ । ମାତ୍ର ତାଙ୍କୁ ବକେୟା ଟଙ୍କା ମିଳୁନଥିଲା । ଶେଷରେ ଡ୍ରେନେଜ୍ ଡିଭିଜନ ଅଧୀକ୍ଷଣ ଯନ୍ତ୍ରୀ ଚଣ୍ଡି ପ୍ରସାଦ ମହାପାତ୍ର ୧୦ ହଜାର ଟଙ୍କା ଲାଞ୍ଚ ମାଗିଥିଲେ ।

ଠିକାଦାର ଶ୍ରୀ ପଣ୍ଡା ଏନେଇ ଭିଜିଲାନ୍ସରେ ଅଭିଯୋଗ କରିଥିଲେ । ଯୋଜନା ମୁତାବକ ଶ୍ରୀ ପଣ୍ଡା ଆଜି ଯନ୍ତ୍ରୀ ଚଣ୍ଡି ପ୍ରସାଦ ମହାପାତ୍ରଙ୍କୁ ଲାଞ୍ଚ ଟଙ୍କା ଦେଉଥିଲେ । ଏହି ସମୟରେ ସେଠାରେ ସାଦା ପୋଷାକରେ ଉପସ୍ଥିତ ଥିବା ଭିଜିଲାନ୍ସ ଅଧିକାରୀମାନେ ତାଙ୍କୁ ଗିରଫ କରିଥିଲେ । ଏପରିକି ଲାଞ୍ଚ ଟଙ୍କା ଜବତ କରିଥିଲେ । ପରେ ଭିଜିଲାନ୍ସ ଅଧିକାରୀମାନେ ଯନ୍ତ୍ରୀଙ୍କ ଭୁବନେଶ୍ୱରସ୍ଥିତ ଘର ଓ ଜଗତସିଂହପୁର ଜିଲ୍ଲା ତିର୍ତ୍ତୋଲ୍‌ ସ୍ଥିତ ବାସ ଭବନରେ ଚଢ଼ଉ କରିଛନ୍ତି ।

OTV is now on Whatsapp

Join and get latest news update delivered to you via whatsapp

Join Now