LIVE TV
ଖଣି ବ୍ୟବସାୟୀଙ୍କ ଘରେ ଆୟକର ଚଢ଼ାଉ । ଯାଜପୁର ଜିଲ୍ଲା ଧର୍ମଶାଳାରେ ଏକାଧିକ ଲଘୁଖଣିଜ ମାଲିକଙ୍କ ଘର, କାର୍ଯ୍ୟାଳୟ ଓ କ୍ରସର ୟୁନିଟ୍ରେ ଆୟକର ବିଭାଗ ରେଡ୍ କରିଛି । ଧର୍ମଶାଳା ସାରୋଇ ଅଂଚଳର ଲଘୁଖଣିଜ ବ୍ୟବସାୟୀ ଶ୍ରୀବାସ ଜେନାଙ୍କ ଘରେ ଚଢାଉ କରିଛି ଆୟକର ବିଭାଗ । ତାଙ୍କର ଭୁବନେଶ୍ୱର ବରମୁଣ୍ଡାରେ ଥିବା ଘର ଓ ଅଫିସରେ ମଧ୍ୟ ଚଢାଉ କରାଯାଇଛି ।
Also Read
ଏହି ଲିଙ୍କ୍ରେ ଏକାଧିକ ଖଣି ମାଲିକଙ୍କ କାର୍ଯ୍ୟାଳୟ ଓ କ୍ରସର ୟୁନିଟ୍ରେ ମଧ୍ୟ ଚଢାଉ କରିଛନ୍ତି ଆୟକର ବିଭାଗ ଅଧିକାରୀ । ଚଢାଉବେଳେ କିଛି ଅଘଟଣ ଘଟିବା ଆଶଙ୍କାରେ ବିଭିନ୍ନ ସ୍ଥାନରେ ପୋଲିସ ମୁତୟନ କରାଯାଇଥିଲା । ତେବେ ଏହି ଚଢାଉ ସମ୍ପର୍କରେ ଆୟକର ବିଭାଗ ପକ୍ଷରୁ କୌଣସି ସୂଚନା ପ୍ରଦାନ କରାଯାଇନାହିଁ । ଆୟକର ଫାଙ୍କି ଅଭିଯୋଗରେ ଏହି ଚଢାଉ ହେଉଥିବା ସୂଚନା ମିଳିଛି । ଶ୍ରୀବାସ ଜେନା କୋଟି କୋଟି ଟଙ୍କାର ରାଜସ୍ୱ ଫାଙ୍କିଥିବା ନେଇ ପୂର୍ବରୁ ଅଭିଯୋଗ ଥିବାବେଳେ ଏହି ଟଙ୍କା ଆଦାୟ କରିବାକୁ ତାଙ୍କୁ ସ୍ଥାନୀୟ ତହସିଲଦାର ନୋଟିସ ଜାରି କରିଥିଲେ ।
