Crime: ରାଗ ପରମ ଚାଣ୍ଡାଳ, ସ୍ତ୍ରୀ ମୃତ୍ୟୁ ସହ ସଂଗ୍ରାମ କରୁଛନ୍ତି, ସ୍ୱାମୀ…

ପାରିବାରିକ କଳହର କରୁଣ ପରିଣତି । ଧରାକୋଟ ଥାନା ଅନ୍ତର୍ଗତ କେ.ରାମଚନ୍ଦ୍ରପୁର ଗ୍ରାମରେ ଅଭାବନୀୟ ଘଟଣା। ସ୍ତ୍ରୀକୁ ଧାରୁଆ ଅସ୍ତ୍ରରେ ହାଣିଲା ସ୍ୱାମୀ । ସ୍ତ୍ରୀ ମରିଗଲା ବୋଲି ଭାବି ସ୍ୱାମୀ ନିଜ ବେକରେ ରସି ଲଗାଇ କଲା ଆତ୍ମହତ୍ୟା।

ପାରିବାରିକ କଳହକୁ ନେଇ ସ୍ବାମୀ ଓ ସ୍ତ୍ରୀଙ୍କ ମଧ୍ୟରେ ବଚସା ହୋଇଥିଲା । କଥା କଟାକଟି ହୋଇଥିଲା । ଏଥିରେ ରାଗିଯାଇ ସ୍ୱାମୀ ସ୍ତ୍ରୀକୁ ଆକ୍ରମଣ କରିଥିଲା । ସ୍ତ୍ରୀକୁ ରକ୍ତ ଜୁଡୁବୁଡୁ ଅବସ୍ଥାରେ ପ୍ରଥମେ ଆସିକା ଓ ପରେ ବ୍ରହ୍ମପୁର ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଛି।

ମିଳିଥିବା ସୂଚନା ଅନୁସାରେ, ୬୦ ବର୍ଷୀୟ ଏମ. ସୁବାସ ରେଡି ନିଜ ସ୍ତ୍ରୀ ୫୨ ବର୍ଷୀୟ ଏମ. ଯମୁନା ରେଡିଙ୍କୁ ରାଗିଯାଇ ଆକ୍ରମଣ କରିଥିଲା । ସ୍ତ୍ରୀ ମୁମୂର୍ଷୁ ଅଵସ୍ଥାରେ ଘରେ ରକ୍ତ ଜୁଡୁବୁଡୁ ହୋଇ ପଡ଼ିଥିବା ବେଳେ ସ୍ତ୍ରୀ ମରିଗଲା ବୋଲି ଭାବି ନିଜେ ରସି ଲଗାଇ ଆତ୍ମହତ୍ୟା କରିଥିଲା । ଘଟଣା ସଂପର୍କରେ ଗାଁ ଲୋକ ଜାଣିବା ପରେ ଧରାକୋଟ ପୋଲିସକୁ ଖବର ଦେଇଥିଲେ । ସ୍ଥାନୀୟ ଲୋକମାନେ ଯମୁନାଙ୍କୁ ମେଡିକାଲ୍ ନେଇଥିଲେ । ପ୍ରଥମେ ତାଙ୍କୁ ଆସିକା ମେଡ଼ିକାଲକୁ ନେଇଥିଲେ। ପରେ ତାଙ୍କୁ ବ୍ରହ୍ମପୁର ବଡ ମେଡିକାଲକୁ ନିଆଯାଇଥିଲା । ଆତ୍ମହତ୍ୟା କରିଥିବା ସ୍ୱାମୀ ସୁବାସର ଶବ ଜବତ କରି ପୋଲିସ ବ୍ୟବଚ୍ଛେଦ ପାଇଁ ମେଡିକାଲକୁ ପଠାଇଛି । ଏହି ଘଟଣାରେ ଅଧିକ ତଦନ୍ତ କରୁଛି ପୋଲିସ୍ । ହେଲେ କଳହର କାରଣ କଣ ତାହା ସ୍ପଷ୍ଟ ହୋଇ ନାହିଁ ।

ଅଧିକ ପଢ଼ନ୍ତୁ:ତନ୍ତ୍ରମନ୍ତ୍ରରେ ବିଶ୍ୱାସ କରି ମାରିଦେଲା ସ୍ୱାମୀକୁ, ଶାଶୁ କହିଲେ ଏମିତି କଥା