ପୁଣି ସାମ୍ନାକୁ ଆସିଲା ହନୁମାନ ପଇସା ରାକେଟ, ୫ ଗିରଫ

ହନୁମାନ ପଇସା ରାକେଟର ପର୍ଦ୍ଦାଫାସ। ପୁରୀ ଜିଲ୍ଲା ପିପିଲି ପୋଲିସ ଘଟଣାରେ ୫ ଜଣଙ୍କୁ ଗିରଫ କରିବା ସହ ହନୁମାନ ମୂର୍ତ୍ତି ଥିବା ମୁଦ୍ରା, ଏକ ହୋଣ୍ଡା କାର ଏବଂ ମୋବାଇଲକୁ ପୋଲିସ ଜବତ କରିଛି । ପୋଲିସର ସୁଚନା ଅନୁଯାୟୀ, ସାକ୍ଷୀଗୋପାଳ ନୂଆଗାଁ ଢ଼ିହିରେ ଗଦାଧର ସାହୁ ନାମକ ଜଣେ ବ୍ୟକ୍ତିଙ୍କ ଘରେ ହନୁମାନ ପଇସା କାରବାର ପାଇଁ ଡିଲ୍ ଚାଲୁଥିଲା ।

ସେମାନେ ନିଜକୁ ଆଣ୍ଟିକ୍ ସାମଗ୍ରୀ କିଣା ବିକାର ଲାଇସେନ୍ସ ଅଧିକାରୀ ବୋଲି ପରିଚୟ ଦେଇ ପ୍ରଚୁର ଟଙ୍କାର ପ୍ରଲୋଭନ ଦେଖାଉଥିଲେ। ଖବର ପାଇ ପୋଲିସ ଟିମ୍ ଚଢାଉ କରିବା ସହ ୫ ଜଣଙ୍କୁ ଧରିଥିଲା । ତା’ସହ ସେମାନଙ୍କ ପାଖରୁ ହନୁମାନଙ୍କ ପ୍ରତିକୃତି ଥିବା ଏକ ତମ୍ବା ପଇସା, ସିନ୍ଦୁର, ଅରୁଆ ଚାଉଳ, ପେନସିଲ, ସୂତା ସହ ୩ଟି ମୋବାଇଲ ଫୋନ ଏବଂ ଗୋଟିଏ କାରକୁ ଜବତ କରିଛି ।