Woman Kills Live-In Partner: ସ୍ତ୍ରୀ ସହ କଥା ହେଲେ ବୋଲି ରାଗିଗଲେ ଲିଭ-ଇନ୍ ପାର୍ଟନର, ଛୁରୀ ଭୁଷି ହତ୍ୟା କଲେ

ଗୁରୁଗ୍ରାମର ଡିଏଲଏଫ ଫେଜ ୩ ଅଞ୍ଚଳରେ ଶନିବାର ସକାଳେ ଜଣେ ସ୍କ୍ରାପ ଡିଲରଙ୍କୁ ତାଙ୍କ ଲିଭ-ଇନ ପାର୍ଟନର ଛୁରୀରେ ଆକ୍ରମଣ କରି ହତ୍ୟା କରିଛନ୍ତି। ଏହାର କାରଣ କେବଳ ସ୍କ୍ରାପ ଡିଲର ତାଙ୍କ ପତ୍ନୀଙ୍କ ସହ କଥାବାର୍ତ୍ତା ହେବା ଯୋଗୁଁ ଉଭୟଙ୍କ ମଧ୍ୟରେ ଝଗଡା ହୋଇଥିଲା। ଯାହା ଫଳରେ ତାଙ୍କୁ ହତ୍ୟା କରିଥିଲେ ଲିଭ୍ ଇନତ ପାର୍ଟନର।

ପୋଲିସ କହିଛି କି, ସ୍କ୍ରାପ ଡିଲର ହରିଶ ଶର୍ମା (୪୦), ଗୁରୁଗ୍ରାମର ବାଲିଆୱାସ ଗାଁର ବାସିନ୍ଦା। ଗତ ଏକ ବର୍ଷରୁ ଅଧିକ ସମୟ ଧରି ଯଶମୀତ କୌର (୨୭) ଙ୍କ ସହ ଲିଭ-ଇନ ସମ୍ପର୍କରେ ଥିଲେ। ସେମାନେ ଏକ ଫ୍ଲାଟ ଭଡା ନେଇ ରହୁଥିଲେ। ଶର୍ମା ବିବାହିତ ଥିଲେ ଏବଂ ତାଙ୍କର ଦୁଇ ଝିଅ ତାଙ୍କ ପତ୍ନୀଙ୍କ ସହ ଗାଁରେ ରହୁଥିଲେ। ଶର୍ମାଙ୍କ ପତ୍ନୀ କିଛି ସମୟ ଧରି ଅସୁସ୍ଥ ଥିଲେ, ଏବଂ ଶର୍ମା ତାଙ୍କ ସହ ପ୍ରାୟତଃ କଥାବାର୍ତ୍ତା କରୁଥିଲେ, ଯାହା ଯଶମୀତଙ୍କୁ ଭଲ ଲାଗୁ ନଥିଲା।

ଶନିବାର ରାତିରେ, ଶର୍ମା ତାଙ୍କ ପତ୍ନୀଙ୍କ ସହ କଥା ହେଉଥିବା ବେଳେ ଯଶମୀତ ଦେଖିଥିଲେ, ଏବଂ ଉଭୟଙ୍କ ମଧ୍ୟରେ ପ୍ରବଳ ଯୁକ୍ତିତର୍କ ହୋଇଥିଲା। ରାଗରେ, ଯଶମୀତ ରୋଷେଇ ଘରୁ ଏକ ଛୁରୀ ନେଇ ଶର୍ମାଙ୍କ ଛାତିରେ ଛୁରୀ ମାରିଥିଲେ। ଶର୍ମାଙ୍କୁ ହସ୍ପିଟାଲ ନିଆଯାଇଥିଲା, କିନ୍ତୁ ସେଠାରେ ପହଞ୍ଚିବା ମାତ୍ରେ ତାଙ୍କୁ ମୃତ ଘୋଷଣା କରାଯାଇଥିଲା।

ଶର୍ମାଙ୍କ ଜଣେ ବନ୍ଧୁ ବିଜୟ ଉର୍ଫ ସେଠୀ, ଯିଏ ଅନ୍ୟ ଏକ କୋଠରୀରେ ଉପସ୍ଥିତ ଥିଲେ ବୋଲି କୁହାଯାଉଛି, ତାଙ୍କୁ ମଧ୍ୟ ସନ୍ଦେହ ଘେରରେ ରଖାଯାଇଛି। ଶର୍ମାଙ୍କ ଭାଇ ଅଭିଯୋଗ କରିଛନ୍ତି ଯେ ଯଶମୀତ ଏବଂ ବିଜୟ ମିଳିତ ଭାବେ ଏହି ହତ୍ୟାର ଯୋଜନା କରିଥିଲେ। ଦିଲ୍ଲୀର ଅଶୋକ ନଗରର ବାସିନ୍ଦା ଯଶମୀତଙ୍କୁ ଗିରଫ କରାଯାଇଛି ଏବଂ ସେ ଅପରାଧ ସ୍ୱୀକାର କରିଛନ୍ତି। ହତ୍ୟାରେ ବ୍ୟବହୃତ ଛୁରୀ ଏବଂ ରକ୍ତମୁଖା ଟି-ସାର୍ଟ ଫ୍ଲାଟରୁ ଜବତ କରାଯାଇଛି।

ଅଧିକ ପଢ଼ନ୍ତୁ: ଟିନ୍ ଏଜ୍ ପ୍ରେମର କରୁଣ ପରିଣତି; ଜୀବନ ନେଇଗଲା ସନ୍ଦେହୀ ପ୍ରେମିକ