ନକଲି ସୁନା ରଖି ବ୍ୟାଙ୍କ ଋଣ ଠକେଇ ମାମଲା; ବନ୍ଧା ହେଲେ 420 ବଣିଆ

ବନ୍ଧା ହେଲେ ବଣିଆ ୪୨୦। ବାଲେଶ୍ୱର ସେଣ୍ଟ୍ରାଲ ବ୍ୟାଙ୍କରେ ନକଲି ସୁନା ରଖି ୭୦ ଲକ୍ଷର ବ୍ୟାଙ୍କ ଋଣ ଠକେଇ ମାମଲାରେ ବଣିଆ ସମେତ ୭ ଜଣ ଋଣ ଗ୍ରହୀତା ଗିରଫ ହୋଇଛନ୍ତି । ସଂପୃକ୍ତ ବଣିଆ ବ୍ୟାଙ୍କ ପାଇଁ କାମ କରୁଥିଲେ । ବ୍ୟାଙ୍କ ସୁନାର ମାନ ଓ ମୂଲ୍ୟ ନିର୍ଦ୍ଧାରଣ କରୁଥିଲେ ବଣିଆ ପଦ୍ମଲୋଚନ ରଣା । ସେ ନିଜେ କଷ୍ଟମର ଯୋଗାଡ କରୁଥିଲେ ।

ପରେ ନକଲି ସୁନାକୁ ଅସଲି ଦର୍ଶାଉଥିଲେ । ତାଙ୍କ ପ୍ରମାଣପତ୍ର ଆଧାରରେ ବ୍ୟାଙ୍କରୁ ଋଣ ମିଳୁଥିଲା । ଏଭଳି ୧୪ ଜଣ ଗ୍ରାହକ ବ୍ୟାଙ୍କରେ ନକଲି ସୁନା ରଖି ୭୦ ଲକ୍ଷ ଋଣ ନେଇଥିଲେ । ଏନେଇ ବାଲେଶ୍ୱର ସେଣ୍ଟ୍ରାଲ ବ୍ୟାଙ୍କର ମ୍ୟାନେଜର ଟାଉନ ଥାନାରେ ଅଭିଯୋଗ କରିଥିଲେ । ବଣିଆର ଚଞ୍ଚକତା ସ୍ପଷ୍ଟ ହେବା ପରେ ତାକୁ ଗିରଫ କରିଛି ଟାଉନ ପୋଲିସ । ସେହିଭଳି ଋଣ ଠକେଇ ଅଭିଯୁକ୍ତ ଅନ୍ୟ ୮ ଜଣଙ୍କୁ ଖୋଜୁଛି ପୋଲିସ ।