LIVE TV
ମୋବାଇଲ୍ ପାଇଁ ମରିବାକୁ ରାଜି ! ଆଜିକାଲିର ଯୁବପିଢ଼ି ମୋବାଇଲ୍, ସୋସିଆଲ ମିଡିଆରେ ଜାଲରେ ଏପରି ଛନ୍ଦି ହୋଇଯାଇଛନ୍ତି, ଯେଉଁଠୁ ମୁକୁଳିବାର ବାଟ ନାହିଁ । ଅନେକ ସମୟରେ ଏହି ମୋବାଇଲ ପାଇଁ ଜୀବନ ଦେବା ତଥା ଜୀବନ ନେବା ପରି ଘଟଣା ଦେଖିବାକୁ ମିଳୁଛି । ଏବେ ଛତିଶଗଡର ମିନି ନାଏଗ୍ରା କୁହାଯାଉଥିବା ଚିତ୍ରକୋଟ ଜଳପ୍ରପାତରେ ଏଭଳି ଏକ ଆଶ୍ଚର୍ଯ୍ୟକର ଘଟଣା ଘଟିଛି । ଜଣେ ଯୁବତୀ କେବଳ ମୋବାଇଲ ପାଇଁ ଆତ୍ମହତ୍ୟା ଉଦ୍ୟମ କରିଛନ୍ତି । ହେଲେ ଠିକ୍ ସମୟରେ ତାଙ୍କୁ ଉଦ୍ଧାର କରାଯାଇଛି ।
ଅତିରିକ୍ତ ପୋଲିସ ଅଧୀକ୍ଷକ ଅନୁସାରେ,୨୧ ବର୍ଷିୟ ଯୁବତୀ ସରସ୍ୱତୀ ମୌର୍ଯ୍ୟ ଅଧିକାଂଶ ସମୟ ମୋବାଇଲରେ ବିତାଉଥିଲେ। ଘରେ ଥିଲେ ମଧ୍ୟ ଘର ଲୋକଙ୍କ ସହ ସମୟ ବିତାଉନଥିଲେ । ଏପରିକି କାହା ସହିତ କଥାବାର୍ତ୍ତା କରୁନଥିଲେ । ଏଥିପାଇଁ ସରସ୍ୱତୀଙ୍କୁ ଗାଳି କରୁଥିଲେ ଘର ଲୋକ । ହେଲେ ସେ କାହା କଥା ଶୁଣୁନଥିଲେ ।
Also Read
ଅଧିକ ପଢ଼ନ୍ତୁ: କପି କରି ଧରା ପଡ଼ିଲେ ବିଟେକ୍ ଛାତ୍ର; କଲେଜର ୮ ମହଲାରୁ ଡେଇଁ ଜୀବନ ହାରିଲେ
#WATCH : A woman attempted to commit suicide by jumping into Chitrakoot #Waterfall of #Bastar district, Chhattisgarh. Fortunately, the woman managed to swim back to shore.#Chitrakoot #ChitrakootNews pic.twitter.com/pesrPEAkXy
— upuknews (@upuknews1) July 19, 2023
ମଙ୍ଗଳବାର ଦିନ ଦିନ ପ୍ରାୟ ୧ଟାରେ ମୋବାଇଲ୍ ଦେଖୁଥିବାରୁ ସରସ୍ୱତୀ ମୌର୍ଯ୍ୟଙ୍କୁ ଘର ଲୋକ ଗାଳି ଦେଇଥିଲେ । ଗାଳି ଖାଇବା ପରେ ହିତାହିତ ଜ୍ଞାନ ହରାଇ ସରସ୍ୱତୀ ଆତ୍ମହତ୍ୟା କରିବା ପାଇଁ ଚିତ୍ରକୋଟ ଜଳପ୍ରପାତରେ ପହଞ୍ଚି ଯାଇଥିଲେ।
ଆତ୍ମହତ୍ୟା କରିବାକୁ ଉଦ୍ୟମ କରିବା ସମୟରେ ସେଠାରେ ଉପସ୍ଥିତ ପର୍ଯ୍ୟଟକ ତାଙ୍କୁ ଏପରି କରିବାକୁ ବାରଣ କରିଥିଲେ । ହେଲେ ସରସ୍ୱତୀ କାହା କଥା ନ ଶୁଣି ହଠାତ୍ ଜଳପ୍ରପାତରୁ ତଳକୁ ଡେଇଁ ପଡ଼ିଥିଲେ । ହେଲେ ପାଣିରେ ପଡ଼ିବା ପରେ ସେ ନିଜ ଭୁଲ୍ ବୁଝି ପାରିଥିଲେ । ଏହାପରେ ପହଁରି ପହଁରି କୂଳକୁ ଆସିବାକୁ ଚେଷ୍ଟା କରିଥିଲେ ।
ଏହାରି ଭିତରେ ଜଳପ୍ରପାତ ନିକଟରେ ଥିବା ଲାଇଫ୍ଗାର୍ଡମାନେ ବୋଟ ସାହାଯ୍ୟରେ ସରସ୍ୱତୀଙ୍କୁ କୂଳକୁ ଆଣିଥିଲେ । ଏବେ ସେ ସୁସ୍ଥ ଥିବା ବେଳେ ନିଜ ଘରକୁ ଫେରିଥିବା ଜଣାଯାଇଛି ।
