LIVE TV
ମିଠା ମିଠା କଥା କହିଲେ...ପ୍ରେମ ଜାଲରେ ଫଶାଇଲେ । ଖାଲି ଫଶାଇଲେ ତାହା ନୁହେଁ ବରଂ ବାହା ହେବାର ପ୍ରତିଶ୍ରୁତି ଦେଲେ । ପରିବାର ଲୋକଙ୍କ ଉପସ୍ଥିତିରେ ବଡ ଆଡମ୍ବରରେ ରିଙ୍ଗ ସେରିମନି ବି ହେଲା । ରିଙ୍ଗ ସେରିମନିରେ କେକ୍ କଟାଯାଇଥିଲା...ଫଟୋ ସୁଟ୍ ବି ହୋଇଥିଲା । ମାତ୍ର ଦିନ କେଇଟାରେ ସେମାନଙ୍କର ବାହାଘର ବି ହୋଇଥାଆନ୍ତା । ହେଲେ ସବୁ କିଛି ପାଣି ଫୋଟକା ପରି ଫୁଟିଗଲା । କାରଣ ଶାରୀରିକ ସମ୍ପର୍କ ରଖିବା ପରେ ଧୋକା ଦେଇଦେଲା ପ୍ରେମିକା । ଏମିତି କିଛି ଲଭ୍, ସେକ୍ସ ଓ ଧୋକା ପରି ସଙ୍ଗୀନ ମାମଲା ଆସିଛି ଢେଙ୍କାନାଳ କାମାକ୍ଷାନଗରରୁ । ଯାହାକୁ ନେଇ ଏବେ ଚର୍ଚ୍ଚା ।
ଅଧିକ ପଢ଼ନ୍ତୁ: ସୈତାନ ସାଜିଲା ପ୍ରେମିକ...ଯାହାକୁ ଭଲ ପାଉଥିଲା ତାକୁ ହିଁ ମାରିଦେଲା
କାମାକ୍ଷାନଗର ଥାନା ଆଲୁଅଝରଣ ଗାଁରୁ ସାମ୍ନାକୁ ଆସିଛି ଏହି ସଙ୍ଗୀନ ମାମଲା । ଗାଁର ୧୮ ବର୍ଷୀୟା ଯୁବତୀଙ୍କୁ ପ୍ରତାରଣା କରି ଛାଡି ଦେଇଛନ୍ତି ପ୍ରେମିକ ପ୍ରବୀର । କାମାକ୍ଷାନଗର ଥାନା ପଥରଖମ୍ବ ଗାଁର ଯୁବକ ମନୀଷ ଦେହୁରୀ ଚଳିତ ବର୍ଷ ଏପ୍ରିଲ ୮ ତାରିଖରେ ଆଲୁଅଝରଣ ଗାଁକୁ ଝିଅ ଦେଖିବାକୁ ଯାଇଥିଲେ । ପୂର୍ବରୁ ମନୀଷଙ୍କ ସଂପର୍କୀୟ ସେଇ ଝିଅକୁ ପସନ୍ଦ କରିଥିଲେ...ମନୀଷଙ୍କ ପସନ୍ଦ ହେବା ପରେ ଏପ୍ରିଲ ୧୬ରେ ନିର୍ବନ୍ଧ ହୋଇଥିଲା । ଆଉ ପରେ ଯୁବତୀଙ୍କ ସହ ମିଳାମିଶା ଆରମ୍ଭ କରିଥିଲେ ମନୀଷ ।
ଦିନ ଗଡ଼ିବା ସହିତ ଉଭୟଙ୍କ ମଧ୍ୟରେ ସଂପର୍କ ବଢିଥିଲା । ହେଲେ କିଛିଦିନ ଯିବା ପରେ କୌଣସି କାରଣରୁ ମନୀଷଙ୍କ ପରିବାର ଲୋକେ ବାହାଘର ପାଇଁ ରାଜି ହୋଇନଥିଲେ । ପରିବାର ଲୋକ ସିନା ରାଜି ହୋଇନଥିଲେ ହେଲେ ମନୀଷ ଯୁବତୀଙ୍କ ପ୍ରେମରେ ଏମିତି ଉବୁଟୁବୁ ହେଉଥିଲେ ଯେ ତାଙ୍କୁ ଛାଡିବାକୁ ଚାହୁଁନଥିଲେ । ତେଣୁ କୌଶଳକ୍ରମେ ଏପ୍ରିଲ ୨୯ ତାରିଖରେ ଯୁବତୀଙ୍କୁ ଫେରାର କରି ଭୁବନେଶ୍ୱରରୁ ପ୍ଲାଇଟରେ ସୁରତ ନେଇଗଲେ ମନୀଷ । ସ୍ଥାନୀୟ ଅଂଚଳର ଏକ ଶିବ ମନ୍ଦିରରେ ଉଭୟଙ୍କ ବାହାଘର ବି ହେଲା ।
Also Read
ପ୍ରେମ କରୁଥିବାରୁ ଯୁବତୀଙ୍କୁ ସିନା ମନୀଷ ବିବାହ କରିଦେଲେ । ହେଲେ ପରିବାରର ବିନା ଅନୁମତିରେ ବାହାଘର ହୋଇଥିବାରୁ ଚିନ୍ତାରେ ଥିଲେ ମନୀଷ । ତେଣୁ କିଛି ବାହାନା କରି ଜୁନ ୧ରେ ଯୁବତୀଙ୍କୁ ଟ୍ରେନ୍ରେ ବସାଇ ଦେଇଥିଲେ ମନୀଷ । ଏହାପରେ ଯୁବତୀଙ୍କ ସହ ସମ୍ପର୍କ ରଖିବାକୁ ମନା କରିଦେଇଥିଲେ ମନୀଷ । ହେଲେ ବାହାଘର ସରିଥିବା ସହ ଶାରିରୀକ ସମ୍ପର୍କ ଥିବାରୁ ମନୀଷଙ୍କ ସହ ରହିବାକୁ କହିଥିଲେ ଯୁବତୀ । କିନ୍ତୁ ଏନେଇ ମନୀଷ ରାଜି ନହେବାରୁ କାମାକ୍ଷାନଗର ଥାନାରେ ଏନେଇ ଲିଖିତ ମାମଲା ରୁଜୁ ହୋଇଥିଲା । ସେପଟେ ପୂରା ଘଟଣାରେ ମନୀଷଙ୍କ ମନ୍ତବ୍ୟକୁ ନେଇ ଚର୍ଚ୍ଚା ଚାଲିଛି । ସେ ସିଧାସିଧା କହିଛନ୍ତି, ଆମେ ଗୋଟିଏ କୋଠରୀରେ ରହୁଥିଲେ ବି ଶାରିରୀକ ସମ୍ପର୍କ ନଥିଲା ଏବଂ ବାହାଘର ହୋଇନି ।
ତେବେ ଏଠାରେ ପ୍ରଶ୍ନ ଉଠୁଛି ଯଦି ମନୀଷ ସତ କହୁଛନ୍ତି, ତେବେ ବାହାଘର ହୋଇନଥିବା ବେଳେ କାହିଁକି ଯୁବତୀଙ୍କୁ ଏମିତି ଫେରାର କରିଥିଲେ ମନୀଷ? ଏପଟେ ଯୁବତୀଙ୍କ ପରିବାର ପକ୍ଷରୁ ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଜୋରଦାର ଦାବି ହୋଇଛି...
- Reported by:
- Bidyadhar Baral
