LIVE TV
ଜିଲ୍ଲାପାଳଙ୍କ ନାଁରେ ଫେକ୍ ଆକାଉଣ୍ଟ ! ଆଗରୁ ସାଧାରଣ ଲୋକଙ୍କ ନାଁରେ ତ ବିଭିନ୍ନ ସୋସିଆଲ ମିଡିଆରେ ଆକାଉଣ୍ଟ ଖୋଲି ଲୁଟୁଥିଲେ ସାଇବର ଲୁଟେରା । କିନ୍ତୁ ଏବେ ଜିଲ୍ଲାପାଳଙ୍କୁ ବି କରିଛନ୍ତି ଟାର୍ଗେଟ । ଜିଲ୍ଲାପାଳ ବି ବର୍ତ୍ତିଲେନି ସାଇବର ଲୁଟେରାଙ୍କ ଆଖିରୁ ।
Also Read
କଟକ ଜିଲ୍ଲାପାଳ ଭବାନୀ ଶଙ୍କର ଚୟନିଙ୍କ ନାଁରେ ଫେକ୍ ହ୍ୱାଟ୍ସଆପ୍ ଆକାଉଣ୍ଟ ଖୋଲିଛନ୍ତି ସାଇବର ଠକ । ଏବଂ ତାଙ୍କ ନାଁରେ ଲୋକଙ୍କୁ ମେସେଜ୍ ପଠାଇ ଆମାଜନ ଗିଫ୍ଟ କାର୍ଡ ମାଗୁଛନ୍ତି । ଏ ସଂପର୍କରେ କଟକ ସାଇବର ଥାନାରେ ଅଭିଯୋଗ କରିଛନ୍ତି କଟକ ଜିଲ୍ଲାପାଳ । ସେ ସାଇବର ଥାନାରେ ଅଭିଯୋଗ କରିବାର କିଛି ଘଣ୍ଟା ପରେ ଆଉ ଏକ ନମ୍ବର ଆକ୍ଟିଭେଟ୍ କରାଯାଇଛି । ଏହା ସହିତ ଆମାଜନ ଗିଫ୍ଟ କାର୍ଡ ଯୋଗାଡ଼ କରି ତାଙ୍କୁ ପଠାଇବାକୁ ମେସେଜରେ କୁହାଯାଇଛି ।
ପ୍ରାଥମିକ ତଦନ୍ତରୁ କଟକ ସାଇବର ଥାନା ପୋଲିସ ଜାଣିପାରିଛି ଯେ, ଏହି ସିମ୍ଗୁଡ଼ିକର ସର୍ଭିସ ଏରିଆ ରାଜ୍ୟ ବାହାରେ ଅଛି । ସାଇବର ଠକମାନେ ଜିଲ୍ଲାପାଳଙ୍କ ମୋବାଇଲରେ ଥିବା କଣ୍ଟାକ୍ଟ ଡିଟେଲ୍ସ ସଂଗ୍ରହ କରି ସେହି ତାଲିକାରେ ଥିବା ଲୋକଙ୍କୁ ଏଭଳି ମେସେଜ୍ ପଠାଯାଉଥିବା ଜଣାପଡ଼ିଛି । ଏହାର ତଦନ୍ତ କରାଯାଉଥିବା କହିଛନ୍ତି କଟକ ଡିସିପି ।
