Wildlife Species Rescued: ଜୀବଜନ୍ତୁ ତସ୍କରୀ ଗ୍ୟାଙ୍ଗକୁ ଧରିଲା କଷ୍ଟମ ବିଭାଗ; ଉଦ୍ଧାର ହେଲା ଝିଟିପିଟି-ଗୋଧି-ବୋଡ଼ା ସାପ

ବିମାନ ଯୋଗେ ଚାଲୁଥିଲା ଜୀବଜନ୍ତୁ ତସ୍କରୀ । ଭୁବନେଶ୍ବର ଏୟାରପୋର୍ଟରୁ ଆଜି ଏକ ଆନ୍ତରାଷ୍ଟ୍ରୀୟ ଜୀବଜନ୍ତୁ ତସ୍କରୀ ଗ୍ୟାଙ୍ଗକୁ ଧରିଛି କଷ୍ଟମ ବିଭାଗ । ବ୍ୟାଂକକରୁ ଭାୟା ଭୁବନେଶ୍ବର ଦେଇ ଚେନ୍ନାଇ ଚାଲାଣ ହେଉଥିଲା ସ୍ବତନ୍ତ୍ର ଧରଣର ସାପ, କଇଁଛ ଓ ଝିଟିପିଟି । 

ତାମିଲନାଡୁର ଜଣେ ଲୋକ ବ୍ୟାଗରେ ଏସବୁ ନେଇ ଯାଉଥିବା ବେଳେ, କଷ୍ଟମ ବିଭାଗ ଉଦ୍ଧାର କରିଛି । ସେ ମଧ୍ୟରେ ୨ଟି ପ୍ରଜାତିର ୯ଟା ସାପ, ୧୦ଟି କଇଁଛ ଓ ୧୨ଟି ଝିଟିପିଟି ଅଛନ୍ତି । ମାମଲାରେ ତାମିଲନାଡୁର ଜଣେ ବ୍ୟକ୍ତିଙ୍କୁ ଅଟକ ରଖି ପଚରାଉଚରା କରୁଛି କଷ୍ଟମ । ଏନେଇ ବନବିଭାଗକୁ ଖବର ଦିଆଯାଇଥିବା ବେଳେ, ଛାନବିନ୍ ଆରମ୍ଭ ହୋଇଛି । ଉଦ୍ଧାର ଜୀବଜନ୍ତୁ ସବୁ ନନ୍ଦନକାନନରେ ରଖାଯିବା ବୋଲି କଷ୍ଟମ ଅଧିକାରୀ ସୂଚନା ଦେଇଛନ୍ତି ।