ମାୟାବିନୀର ଫୋନ୍ ହ୍ୟାକିଂ ଖେଳ, ITR ତଥ୍ୟ ହାସଲ ପାଇଁ ବିଦେଶରୁ ହନିଟ୍ରାପ୍‌

ଭୁବନେଶ୍ୱର: ମାୟାବିନୀର ଫୋନ୍ ହ୍ୟାକିଂ ଖେଳ । ITR ତଥ୍ୟ ହାସଲ ପାଇଁ ବିଦେଶରୁ ପଡୁଥିଲା ହନିଟ୍ରାପ୍‌ର ଫାଶ । ୫ ଅଭିଯୁକ୍ତଙ୍କୁ ରୂପଲାବଣ୍ୟରେ ବଶ କରି କଣ୍ଢେଇ ଭଳି ନଚାଉଥିବା ରହସ୍ୟମୟୀ, ମୋବାଇଲ୍ ହ୍ୟାକିଂରେ ବି ମାହିର ଥିବାର ପ୍ରମାଣ ପାଇଛି ତଦନ୍ତକାରୀ ଟିମ୍ । ମିଳିଥିବା ସୂଚନା ଅନୁଯାୟୀ, ରହସ୍ୟମୟୀ ୮ ମାସ ଧରି ଜଣେ ଅଭିଯୁକ୍ତର ମୋବାଇଲ୍ ହ୍ୟାକ୍ କରି ତା ଲିଙ୍କରେ ଥିବା ସମସ୍ତଙ୍କ ସହ ସଂପର୍କରେ ରହୁଥିଲା । ଡାଟା ବି ଚୋରି କରୁଥିଲା । ଯାହାର କେହି କିଛି ବି ଟେର୍ ପାଉ ନଥିଲେ । ଏପରିକି ଅଭିଯୁକ୍ତ ସଚିନ୍ ଜରିଆରେ ବର୍ଷାଧିକ କାଳ ଧରି ITR ନିର୍ଦ୍ଦେଶକଙ୍କ ଗତିବିଧିକୁ ପୂରା ଟ୍ରାକ୍ କରୁଥିଲା । ଟିକିନିଖି ଖବର ରଖୁଥିଲା ।

କେବଳ ସେତିକି ନୁହେଁ ମାୟାବିନୀଙ୍କ ସହ କଥା ହେବାକୁ କିଛି ଅଭିଯୁକ୍ତ ନୂଆ ସିମ୍ ବି କିଣିଥିବାର ତଥ୍ୟ ସାମ୍ନାକୁ ଆସିଛି । ସବୁଠୁ ବଡ଼ କଥା ହେଉଛି ଏସବୁକୁ ବିଦେଶରୁ ହିଁ ପରିଚାଳିତ କରାଯାଉଥିବା ନେଇ କ୍ରାଇମ୍‌ବ୍ରାଞ୍ଚ ହାତରେ ତଥ୍ୟ ଲାଗିଥିବା ସୂଚନା ମିଳିଛି । ତେବେ ନିର୍ଦ୍ଦିଷ୍ଟ କେଉଁ ଦେଶରୁ ରହି ହନିଟ୍ରାପ୍‌ର ଏ ଫାଶ ପଡ଼ିଥିଲା ? କିଏ ସେହି ମାୟାବିନୀ ? ତା ହାତରେ କେଉଁ କେଉଁ ତଥ୍ୟ ଲାଗିଛି ? ସେସବୁ ତଥ୍ୟକୁ ସେ କାହାକୁ ଦେଇଛି ? କେଉଁ ଦେଶକୁ ଲିକ୍ ହୋଇଛି ? ଏସବୁ ପ୍ରଶ୍ନର ଉତ୍ତର ଖୋଜୁଛି କ୍ରାଇମ୍‌ବ୍ରାଞ୍ଚ ।

Also Read

ଭାରତ ବନ୍ଦ ପ୍ରଭାବ: ଦିଲ୍ଲୀରେ ପ୍ରବଳ ଟ୍ରାଫିକ୍ ଜାମ

ଯୁବକର ବର୍ବରତା; ପୂର୍ବତନ ପ୍ରେମିକାଙ୍କୁ ମାଡ ମାରି, ସୁଟ୍‌କେସ୍‌ରେ ଭରି ଫିଙ୍ଗିଦେଲା

ଅସିତ ଭୁବନେଶ୍ୱର କ୍ଲବ୍‌ ସଭାପତି ନିର୍ବାଚିତ

UKର ଟେଲିଫୋନ୍ ନମ୍ବର ବ୍ୟବହାର କରି ଭିନ୍ନ ଭିନ୍ନ ଆଇପି ଆକାଉଣ୍ଟ ଏବଂ ଛଦ୍ମ ପରିଚୟ ସାହାରାରେ ଅଭିଯୁକ୍ତଙ୍କ ସହ ଦୀର୍ଘଦିନ ଧରି ସଂପର୍କରେ ଥିଲା ରହସ୍ୟମୟୀ । ତେବେ UK ନମ୍ବର ବ୍ୟବହାର ପଛର ରହସ୍ୟ କଣ ? ସାଇବର ଏକ୍ସପର୍ଟଙ୍କ ମତରେ ତଦନ୍ତକାରୀ ଅଧିକାରୀଙ୍କୁ ଭୂଆଁ ବୁଲାଇବା ପାଇଁ ଜଣେ ଅତି ସହଜରେ ଏଇଠି ଥାଇ ବି UK ନମ୍ବର ହାସଲ କରିପାରିବ । ତେଣୁ ଏଭଳି ସ୍ଥିତିରେ ସଂପୃକ୍ତ ମହିଳାଙ୍କ ପାଖରେ କିଭଳି ପହଞ୍ଚିବ କ୍ରାଇମ୍‌ବ୍ରାଞ୍ଚ ପାଇଁ ତାହା ଏବେ ସବୁଠୁ ବଡ଼ ଚ୍ୟାଲେଞ୍ଜ ।

୭ ଦିନିଆ ରିମାଣ୍ଡ ଅବଧି ସରିବା ପରେ ଏବେ ଜେଲ୍‌ରେ ସମସ୍ତ ୫ ଅଭିଯୁକ୍ତ । ତେବେ ଆଗକୁ ତଦନ୍ତର ଗତି କେଉଁଆଡ଼େ ଯିବ ? ଦୁବାଇରୁ ଜଣେ ଅଭିଯୁକ୍ତଙ୍କ ଆକାଉଣ୍ଟକୁ ଟଙ୍କା ଆସିଥିବାର ପ୍ରମାଣ ମିଳିଥିଲା । ଅନ୍ୟ ଅଭିଯୁକ୍ତଙ୍କୁ କେଉଁ କେଉଁ ଉତ୍ସରୁ ଟଙ୍କା ଆସିଛି ? ସେସବୁର ଖୋଳତାଡ଼ ପାଇଁ କ୍ରାଇମ୍‌ବ୍ରାଞ୍ଚ ପୁନର୍ବାର ଅଭିଯୁକ୍ତଙ୍କୁ ରିମାଣ୍ଡରେ ଆଣିବାକୁ ଯୋଜନା କରୁଥିବା ସୂଚନା ମିଳିଛି ।

OTV is now on Whatsapp

Join and get latest news update delivered to you via whatsapp

Join Now