ଦିଲ୍ଲୀର ରୋହିଣୀରେ ଲୋମଟାଙ୍କୁରା ଦୁର୍ଘଟଣା, ରାସ୍ତା ଉପରେ ଥିବା ଗାଡ଼ି ଉପରେ ମାଡିଗଲା ବସ୍‌

ଦିଲ୍ଲୀରୁ ଆସିଲା ଛାତିଥରା ବସ୍ ଦୁର୍ଘଟଣାର ଭୟଙ୍କର ଦୃଶ୍ୟ। ଆଜି ଅପରାହ୍ଣ ୨ଟା ୪୨ ମିନିଟରେ ଦିଲ୍ଲୀର ରୋହିଣିରେ ଗୋଟିଏ କାରକୁ ଧକ୍କା ଦେଇଥିଲା DTC ବସ୍। ଗୋଟିଏ ଇ-ରିକ୍ସା ଓ ଏକ କାର ରାସ୍ତାର ଦୁଇ ଲେନରେ ଆସୁଥିବା ସମୟରେ ପଛରୁ ଏକ DTC ବସ୍ ଦ୍ରୁତ ଗତିରେ ଆସି କାରକୁ ପଛପଟୁ ଧକ୍କା ଦେଇ ରାସ୍ତା କଡ଼କୁ ମାଡ଼ି ଆସିଥିଲା। ଫଳରେ କାରଟି ଇ-ରିକ୍ସାକୁ ବି ଧକ୍କା ଦେଇଥିଲା। ଉଭୟ କାର୍ ଓ ଇ-ରିକ୍ସା ଭିତରକୁ ଏକ ବାଇକ୍ ବି ପଶି ଆସିଥିଲା।

ଏ ଛାତିଥରା ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ଜଣାପଡ଼ିଛି। ତେବେ ଅନ୍ୟମାନଙ୍କର ଅବସ୍ଥା ଗୁରୁତର ରହିଥିବା ଜଣାପଡ଼ିଛି। ପୂରା ଘଟଣା ସିସିଟିଭିରେ କଏଦ୍ ହୋଇଛି।