LIVE TV
ଭୁବନେଶ୍ୱର ନିଳାଦ୍ରୀବିହାର ପଣ୍ଡା ପାର୍କରୁ ନାବଳକର ମୃତଦେହ ଉଦ୍ଧାର । ଏକ ଜଙ୍ଗଲିଆ ବୁଦା ଭିତରୁ ବସ୍ତାରେ ଭର୍ତ୍ତି ହୋଇଥିବା ଅବସ୍ଥାରେ ଗଳିତ ମୃତଦେହକୁ ଉଦ୍ଧାର କରିଛି ପୋଲିସ । ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲ ପଠାଯାଇଛି । ମୃତ ନାବାଳକ ଜଣକ ହେଉଛନ୍ତି ଦୈତ୍ୟରାଜ ନାୟକ । ଗତ ସୋମବାର ଠାରୁ ସେ ନିଖୋଜ ଥିଲେ, ଏନେଇ ଚନ୍ଦ୍ରଶେଖରପୁର ଥାନାରେ ଲିଖିତ ଅଭିଯୋଗ କରିଥିଲେ ପରିବାର ଲୋକ ।
Also Read
ନିଖୋଜ ହେବା ଦିନ ସନ୍ଧ୍ୟାରେ ଦୈତ୍ୟରାଜଙ୍କ ମୋବାଇଲ ଫୋନ ହାପି ନାୟକ ଜଣେ ଯୁବକ ଆଣି ତାଙ୍କ ଘରେ ଦେଇଥିଲେ । ପୂର୍ବରୁ ହାପି ନାୟକ ଓ ତାଙ୍କ ପରିବାର ଲୋକେ ଯୁଧିଷ୍ଠିରଙ୍କ ପରିବାରକୁ ଧମକ ଦେଇ ଆସୁଛନ୍ତି । ହାପି ଓ ଅନ୍ୟମାନେ ମିଶି ତାକୁ ହତ୍ୟା କରିଥିବା ଅଭିଯୋଗ ହୋଇଛି । ପୋଲିସ ବିଭିନ୍ନ ଦିଗକୁ ନେଇ ତଦନ୍ତ ଜାରି ରଖିଛି ।
