LIVE TV
ଏ କାହାଣୀ ପ୍ରତ୍ୟେକ ବାପା, ମା କିମ୍ବା ପିଲାଙ୍କ ଅଭିଭାବକଙ୍କୁ ନିଶ୍ଚିତ ବିଚଳିତ କରିବ। କାରଣ ସାବତ ମା ଟିଏ ବାପା ସହ ମିଶି ଯେଉଁଭଳି ଭାବେ ୨ ପିଲାଙ୍କୁ ନିର୍ଯାତନା ସହ ମାଡ଼ ମାରିଥିବା ଅଭିଯୋଗ ହୋଇଛି, ଶୁଣିଲେ ଆପଣଙ୍କୁ ମଧ୍ୟ କଷ୍ଟ ହେବ। ଘଟଣା ଘଟିଛି, ଆଠଗଡ଼ ଅଶୋକନଗର ଅଞ୍ଚଳରେ।
ସାମାନ୍ୟ ବିସ୍କୁଟ ଖାଇଦେଲେ ବୋଲି ୨ ଭାଇଭଉଣୀଙ୍କୁ ନିସ୍ତୁକ ମାଡ଼ ମାରିଛି ସାବତ ମା । ଦୁଇ ଦିନ ଧରି ୨ ପିଲାଙ୍କୁ ଘର ଭିତରେ ବାନ୍ଧି ରଖିବା ସହ ମାଡ଼ ମାରିଥିବା ଅଭିଯୋଗ ହୋଇଛି। ଏପରିକି ବାପା ମଧ୍ୟ ଏହି ୨ ପିଲାଙ୍କୁ ମାଡ଼ ମାରିଥିବା କହିଛନ୍ତି ଆହତ ଶିଶୁମାନେ। ମିଳିଥିବା ସୂଚନା ଅନୁଯାୟୀ, ବାଙ୍କି ପାର୍ଥପୁର ଅଞ୍ଚଳର ସୁନିଲ କୁମାର ନନ୍ଦ ପତ୍ନୀ ଥାଉ ଥାଉ ଯାଜପୁର ଅଞ୍ଚଳର ଆଉ ଜଣେ ମହିଳାଙ୍କ ସହ ଅଶୋକ ନଗରରେ ଘର ଭଡାନେଇ ରହୁଥିଲେ।
Also Read
ସୁନୀଲଙ୍କ ପ୍ରଥମ ପତ୍ନୀଙ୍କ ୧୩ ବର୍ଷର ପୁଅ ଓ ୧୦ ବର୍ଷର ଝିଅ ଥିବାବେଳେ ଉଭୟଙ୍କୁ ନିଜ ପାଖରେ ରଖି ନିର୍ଯାତନା ଦେଇ ଆସୁଥିଲେ ବୋଲି ଅଭିଯୋଗ ହୋଇଛି। ଏହି ଘଟଣା ସାମ୍ନାକୁ ଆସିବା ପରେ ସାବତ ମା’ଙ୍କୁ ଆଠଗଡ଼ ପୋଲିସ ଅଟକ ରଖି ତଦନ୍ତୁ କରୁଛି।
ସେପଟେ ପୀଡ଼ିତ ଭାଇ ଭଉଣୀଙ୍କୁ ଆଠଗଡ଼ ମେଡ଼ିକାଲରେ ଚିକିତ୍ସା କରାଯାଇଛି। ଆଠଗଡ ଡାକ୍ତରଖାନାରେ ଜିଲ୍ଲା ଶିଶୁ ସୁରକ୍ଷା ଅଧିକାରୀ ପହଞ୍ଚି ଗୁରୁତର ଭାଈ ଭଉଣୀକୁ ଭେଟି ଆଲୋଚନା କରିଛନ୍ତି। ତେବେ ଏନେଇ ସୁନୀଲ କିମ୍ବା ଅଭିଯୁକ୍ତ ମହିଳାଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନି।
