LIVE TV
ରାଜ୍ୟରେ ଦିନକୁ ଦିନ ବଢୁଛି ଅପରାଧ । ଗତ ୫ବର୍ଷ ମଧ୍ୟରେ ରାଜ୍ୟରେ ଚୋରି, ଡକାୟତି ଆଦି ଅପରାଧ ବଢ଼ିଛି । ଏନେଇ ବିଧାୟିକା କୁସୁମ ଟେଟେଙ୍କ ପ୍ରଶ୍ନରେ ଗୃହ ରାଷ୍ଟ୍ର ମନ୍ତ୍ରୀ ତୁଷାରକାନ୍ତି ବେହେରା ଉତ୍ତର ରଖିଛନ୍ତି । ୨୦୧୮ରେ ବିଭିନ୍ନ ଥାନାରେ ୧ ଲକ୍ଷ ୭ ହଜାର ୪୦୮ଟି ଅପରାଧ ମାମଲା ହୋଇଛି ।
ସେହିପରି ୨୦୧୯ରେ ମଧ୍ୟ ଅପରାଧିକ ମାମଲା ବଢ଼ିଛି । ୨୦୧୯ରେ ବିଭିନ୍ନ ଥାନାରେ ୧ ଲକ୍ଷ ୨୧ ହଜାର ୫୨୫ଟି ମାମଲା ପଞ୍ଜୀକୃତ ହୋଇଥିବା ବେଳେ ୨୦୨୦ରେ ୧ ଲକ୍ଷ ୩୪ହଜାର ୨୩୦ଟି ମାମଲା ଦାୟର ହୋଇଛି । ଖାଲି ସେତିକି ନୁହେଁ ୨୦୨୧ ଏବଂ ୨୦୨୨ରେ ଅପରାଧିକ ମାମଲା କ୍ରମଶଃ ବୃଦ୍ଧି ପାଇବାରେ ଲାଗିଛି ।
୨୦୨୧ରେ ୧ଲକ୍ଷ ୫୫ ହଜାର ୪୨୦ଟି ମାମଲା ରୁଜୁ ହୋଇଛି । ୨୦୨୨ରେ ୧ ଲକ୍ଷ ୭୮ ହଜାର ୧୯୦ଟି ଅପରାଧିକ ମାମଲା ରୁଜୁ ହୋଇଥିବା ଗୃହରାଷ୍ଟ୍ରମନ୍ତ୍ରୀ ସୂଚନା ଦେଇଛନ୍ତି ।
